Yehesikieli 8:11 - Wunta Mempori

¹¹ I arono mpentade pitu pulu mia memota'udo suku Isaraeli, saru i Ya'asana anano i Sapani i tonga-tongado. Singge mia mo'ini pontunua dupa a ngkaeno, ka ahuno dupa anu mana mo'ahi atuu mewuatako i wawono.

Yehesikieli 8:11 ပူးပေါင်းရင်းမြစ်များ

2 Mokole 22:12

Ka i'amba mokole parentao sando mpesomba Hilikia, i Ahikami anano i Sapani, i Akabori anano i Mika, i Sapani, puu mpoburi atuu ka i Asaia mbo'u pegawaido mokole, ipotae,

2 Mokole 22:14

Ka i'amba melako iramo sando mpesomba Hilikia, i Ahikami, i Akibori, i Sapani ka i Asaia ndi nabi beine Huluda, kombiano i Salumi anano i Tinawa anano i Harihasi, asa mia anu umorusuo luwuno sangka. Nabi beine atuu mo'ia i Yerusale, a Mpe'iniaa Wo'ohu. Domempauakono mongkona atuu.

2 Mokole 22:3

Ia ta'u kohopulu ka oalu poparentaano, mokole Yosia tumenao i Sapani anano i Asalia anano i Mesulami, puu mpoburi a poparentaa lumako a raha-Do i Ue, saru pe'oliwi,

2 Mokole 22:8

Sando mpesomba langkai Hilikia motaeakono i Sapani, puu mpoburi a poparentaa, ”Wunta songka Taura atuu kuhaweomo a raha-Do i Ue!” Ka i'amba wunta atuu ipeweengakono i Hilikia ndi Sapani ka ibasao i Sapani.

2 Mokole 25:22

A mpalili anu da tepo'ia i wita Yehuda anu binintano, i Nebukanesa mokole i Babeli, motoroo i Gedalia anano i Ahikami anano i Sapani.

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

2 Tawarika 26:19

I Usia anu kontongaano mo'ini takea ta mompesombaako pesomba dupa, gagi tekuda. Kontongaano tekuda a nsando mpesomba, mansa me'umbaako haki ngkuli a ra'ino i arodo sando mpesomba i raha-Do i Ue, umpeda meda pontunua pesomba dupa.

2 Tawarika 34:20

Ka i'amba mokole parentao i Hilikia, i Ahikami anano i Sapani, i Abidoni anano i Mika, i Sapani puu mpoburi atuu ka i Asaia mbo'u, pegawaido mokole, ipotae,

Peluarakoa 24:1

Mepau Iramo i Ue Ala ndi Musa, ”Porakemo pe'aro ndi Ongkue, omue ka i Haruni, i Nadabi ka i Abihu ka pitu pulu mia inso i olono luwudo mia memota'u to Isaraeli ka impenggolontumo mpesomba inso i olaiano.

Peluarakoa 24:9

Mporake iramo i Musa ka i Haruni, i Nadabi ka i Abihu saru pitu pulu mia inso i olono luwuno mia memota'u to Isaraeli.

Yesaya 44:13

Puu mpo'angga keu padindio koloro posongka ka mogaresi weweuno songka asa tadeno tinaha. Onae umanggaakono pa'o ka gumaresiakono jangka, ka i'amba weweuo tadeno kana asa tama, kana tekosino tadeno mia, ka ta ninaa a laro raha mpelahumoaa.

Yeremia 19:1

Kanandiomo pau-Do i Ue ndi ongkue, ”Lakomo po'oli pido-pido anu wineweu inso a wita pulu, ka i'amba saru ba'opia mia pinemota'udo tongku ka mia pinemota'udo sando mpesomba,

Yeremia 19:4

Hangano, dompebungkui Akumo, mensosa'aio po'ianga andio, ka mpotunu pesomba i tu'ai a luwuno pinesombai susua anu nahi tino'ori moiko ondaedo maupo uempu'udo ka luwuno mokoledo to Yehuda. Domeweweuomo po'ianga andio bukeako reado mia anu nahina salano.

Yeremia 26:22

Ka i'amba Mokole Yoyakimi montena mia lumako i Masiri, onaemo i Elinata anano i Akibori saru ba opia mia.

Yeremia 26:24

Sine i Yeremia ikaduduio i Ahikami anano i Sapani, onaemo ka nahi pineweengako a ngkaedo palili ka ipinepate.

Yeremia 29:3

Wunta atuu inoliwi telalo ndi Elasa anano i Sapani ka i Gemaria anano i Hilikia anu tinenano i Sedekia, mokoledo to Yehuda lumako i Babeli ndi Nebukanesa, mokole i Babeli. Ihino,

Yeremia 36:10

I Baruki basao mbo'u i arodo luwuno palili pauno i Yeremia inso a wunta atuu a Raha-Do i Ue, a bolongkono i Gemaria, anano i Sapani, puu mpoburi poparentaa, a kintala i wawono i arono Pewowa Langkai Wo'ohu Raha-Do i Ue.

Yeremia 44:21

”Pesomba anu tinunumiu ka uempu'umiu, luwuno mokolemiu ka luwuno mia pinemota'umiu, saru palili i wita andio a luwuno kotano Yehuda ka a luwuno sala i Yerusale, kombake luwuno atuu anu tendeano Dopewowoloo i Ue ka anu kinita-Do?

Yeremia 5:5

Moikoomo aku lumako a luwuno mia langkai potorodo, ka mepau ndi ondae, hangano ondae anu mento'orio sala-Do i Ue, songka-Do Ue Alado.” Sine maupo ondae luwudo mempuduomo mbo'u pasanga, me'otuhio luwuno koloro pontanggo.

Yeremia 52:27

Ka i'amba mokole i Babeli metena mepate ira i Ribela, i wita Hamati. Kanandiomo to Yehuda mewinawa inso i witado lumako a pontadia.

Yeremia 7:9

Nde kana'umpe umarimiu mponako, mpompepate, mpososabo ka mpesumpa mpegaupi, mpontunu pesomba a Baala ka mpotonda pinesombai susua anu nahi imento'orio,

Yehesikieli 20:1

A nta'u ko'opitu, wula ko'olima, tanggala hopulu wula atuu, mehawe iramo ba'opia mia memota'udo to Isaraeli ira mpo'ema pontiso inso ndi Ondae i Ue. Ondae mpentoro i aroku.

Yehesikieli 8:10

Ka ku'amba mewinso ka kumitao, mentee ntu'u, luwuno gambarano kondehora melele, kondehora susua anu mokoburu, ka luwuno lahumoado suku Isaraeli tenggori a rere watu limbu-limbu.

Yehesikieli 9:6

Pompepate ka ropu ira mia anu mota'u, ana ntama kontuwuado, ka ana beine kontuwuado, nana'ote kodei ka luwuno beine! Sine, luwuno mia anu tinondoniomo, si danggi ira! Pompu'umo inso a mpo'ianga mempori-Ku!” Ka do'amba mpompu'u inso a mia memota'u anu mekongko i arono Raha Mempori.

Danieli 9:8

Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

Podoaa 11:16

Ka i'amba mepau Iramo i Ue ndi Musa, ”Pumpu iramo i aro-Ku inso i olodo luwuno mia memota'u Isaraeli pitu pulu mia, anu uto'orio gagi mia memota'uno tongku ka puu mpo'atora bawaano. Wawa iramo a Ngkema Tepotowoa, ka dompentade i ra'ai saru omue.

Podoaa 11:25

Ka i'amba metii Iramo i Ue a laro nseru ka Dopepau ndi Musa. Ka Do'amba umalao asa ntia Penaa anu kongko ndi onae ka Donaao a pitu pulu mia memota'u atuu. Mansano Penaa atuu kongko ndi ondae, ipewinsoki iramo Penaa kana nabi, sine umarino atuu naamo mbo'u.

Podoaa 16:17

Moikoomo omiu singge mia mowawa pontunuano halo ka monaakono dupa i wawono, ka i'amba singge mia mesombaakono pontunuano halo i aro-Do i Ue, rua etu ka lima pulu pontunua halo. Omue mbo'u ka i Haruni, asalakono singge mia wawao pontunuano halo.”

Podoaa 16:35

Ka i'amba meluarakoomo api inso ndi Ondae i Ue kumaano ranta ka ipingko rua etu ka lima pulu mia anu mpopesombaako dupa atuu.

Podoaa 7:50

asa sangkiri, hopulu sikala wulaa mobeano, me'ihi dupa;

I LUKASI 10:1

Ka i'amba umarino atuu Ondae i Ue montiso pitu pulu ana guru anu susua, ka Do'amba tumena ira mpe'oru-orua mese'elungi Ira a sompo kota ka po'ianga anu Ira lumakoario.