Yehesikieli 7:9 - Wunta Mempori

⁹ Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Yehesikieli 7:9 ပူးပေါင်းရင်းမြစ်များ

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 13:14

Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”

Yeremia 21:7

Umarino atuu, i Sedekia, mokoledo to Yehuda, ka luwuno pegawaino saru palilino kota andio, anu tola inso a haki lele, ponai ka mokoninggoa, Aku meweengako ira a ngkaeno i Nebukanesa, mokole i Babeli, kanandiomo pau-Do i Ue, a ngkaeno iwalido anu momporaakono penaado. Mia ta mepateako ira mata mponai nahina pompehohawa, nahina mokoko'undu ka nahina ampu.

Yeremia 36:31

Aku humukuo, inuleno ka luwuno atano hangano salado. Aku mompotii ndi ondae, a mpalilino Yerusale ka a nto Yehuda luwuno masolaa anu Kupokodoitoako ira ka nahi domebehe merongeo.”

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Yehesikieli 22:22

Kana salaka pinokolono a laro pompokolonoa, kanatuumo omiu pinokolono i larono. Komiu mento'orio nine Ongkue, Ue, anu umuwuo tekuda-Ku ndi omiu.”

Yehesikieli 23:49

Mia ta mombaloakono mokoburumiu ndi omiu ka omiu asalakono tumembio luwuno halamiu hangano omiu mesombai ira lahumoa. Ka komiu tumo'orio nine Ongkuemo Ue Ala.”

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 7:10

Kitao, oleono hawe koa ntu'u. Masolaa mewurosi; pompokonsiia mentumba, pompelangka-langkai te'ili.

Yehesikieli 7:8

Kanandio-andio Aku ronga umuwuo mosa'ono aroa-Ku ndi omue ka motiio tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Mika 6:9

Rongeomo, Ondae i Ue mebooliakono kota: Tedoa moiko dumoitoakono nee-Do, ”Rongeomo, oo tongku ka mia a ngkota!

GALATIA 6:7

Si ntepopo'oo! Ondae Ue Ala si Dopinepalindoako. Hangano hapa anu rinawono mia, onae koa mbo'u ta sinowino.

MENGKAAA 20:13

Ka tahi meweengako ira mia memate anu mekongko i larono, ka matea ka poparentaano matea meweengako ira mia memate anu kongko i larono, ka ondae mebinitara singge mia montonda wineweuno.