Yehesikieli 7:4 - Wunta Mempori

⁴ Nahi Aku mehohawako ka nahi ta hina pompehohawa. Sine, Aku mombalo ndi omue menunu saru pelelumu ka luwuno wineweumu anu mokoburu ta umaluko. Ka komiu mento'orio nine Ongkuemo Ue.

Yehesikieli 7:4 ပူးပေါင်းရင်းမြစ်များ

Yeremia 13:14

Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”

Yeremia 16:18

Amba-ambano Aku humukuo sala mpoweweu ka halado meluka mpendua hangano wita-Ku domengkokoburutiakonomo wata ngkoroino lahumoado anu mokoburu ka mebuketiakono wita-Ku wineweudo anu mokoburu.”

Yeremia 25:14

Hangano, ondae mbo'u ira megagi atado hadio tongku ka luwuno mokole anu langkai. Aku humuku ira menunu saru poweweudo ka wineweuno kaedo.”

Yehesikieli 11:21

Sine mongkona ondae, anu aroado metako a luwuno lahumoa ka luwuno wineweudo anu mokoburu, Aku dumunsiako ira peleludo a uludo, kanandiomo pau-Do Ue Ala.”

Yehesikieli 12:20

Luwuno kota anu da dompo'iangario mia ta gagi tekale-kale ka wita atuu ta gagi boni-boni; Ka ira mento'orio nine Ongkuemo Ue.”

Yehesikieli 16:43

Hangano nahi upewowoloo mbo'u tempono umongura, sine saru luwuno andio weweu Aku tedoa tekuda, mentee ntu'u, Aku mopotembiakomu mbo'u pelelumu a ulumu, kanandiomo pau-Do Ue Ala. Kombake omue weweuo mbo'u mokoburua andio susua mbo'u inso a horino luwuno wineweumu anu mokoburu?

Yehesikieli 22:31

Onaemo ka Ku'uwuo bamburu-Ku ndi ondae ka mepateako ira api tekuda-Ku. Peleludo Ku'aluako ira a uludo. Kanandiomo pau-Do Ue Ala.”

Yehesikieli 23:31

Omue tuwu tumondao peleluno akamu, onaemo pu'uno Aku mopo'inuko inso a mpialano.

Yehesikieli 23:49

Mia ta mombaloakono mokoburumiu ndi omiu ka omiu asalakono tumembio luwuno halamiu hangano omiu mesombai ira lahumoa. Ka komiu tumo'orio nine Ongkuemo Ue Ala.”

Yehesikieli 24:14

Ongkue, Ue, anu pauo. Mongkona atuu ta gagi, ka Ongkue anu weweuo. Nahi Ku'ontoo ka nahina pompehohawa, nahina mbo'u pe'o'ole. Aku bitarako montonda pelelu ka wineweumu, kanandiomo pau-Do Ue Ala.”

Yehesikieli 33:29

Ira mento'orio nine Ongkuemo Ue, i tempono Kuweweuo wita andio boni-boni ka nahina mekakaakono hangano luwuno wineweu mokoburu anu wineweudo.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 6:14

Aku tumandeo kae-Ku ndi ondae, ka wita, isuamo koa dompo'ia, Aku weweuo gagi ropu ka boni-boni mompu'u inso i pada one hawe i Ribela. Ka ira mento'orio nine Ongkuemo Ue.”

Yehesikieli 6:7

Luwuno miamiu anu pinepate ta tebangku i tonga-tongamiu ka komiu mento'orio nine Ongkuemo Ue.

Yehesikieli 7:27

Mokole ta mo'inombo, ka petewawa ta pabawaio doitoa ka kaedo luwuno palilino wita atuu gagi telusa tedoa doito. Aku weweu ira menunu saru peleludo ka bitara ira menunu saru gaudo mpobitara. Ka iramo mento'orio nine Ongkuemo Ue.”

Yehesikieli 7:3

Kanandio-andio umariamu hawe ka Aku umuwuo tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Yehesikieli 7:9

Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Hosea 12:2

I Eparai mompakambi angi, ka molulu angi sabaano oleo asa oleo, mompokohadio pegaupi ka pobobarasai. Mpowutu ira pedandia saru Asuri, ka mpowawa lana a nto Masiri.

Hosea 9:7

Haweomo luwuno oleo pohukua, haweomo luwuno oleo pombaloa, asalakono ka ito'oriomo Isaraeli, ”Nabi onaemo mia benge-benge, mia anu bukeako penaa onaemo mia mekombe!” Tendeano hangano langkaino salamu ka lansarano pe'iwalimu.

Amosi 7:8

Ka i'amba mepau Iramo i Ue ndi ongkue, ”Hapake anu kinitamu Amosi?” Sumangki aku, ”Koloro pompokomoleo!” Mepau Iramo i Ue, ”Menteeano, Aku monaa koloro pompokomoleo i tonga-tongano bawaa-Ku Isaraeli; nahi Aku umampuni ira mbo'u.

Sakaria 11:6

Ongkue mbo'u nahi Aku mehohawao palilino wita andio, kanandiomo pau-Do i Ue. Menteeano, Aku meweengakono singge mia a ngkaeno pe'asa miano ka a ngkaeno mokoleno. Ira merawo-rawoo wita andio ka nahi Aku motolao inso a ngkaedo.”

IBARANI 10:30

Hangano tomento'ori Ira anu mepau, ”Pombaloa onaemo tia-Ku. Ongkuemo anu tumuntuo pombaloa.” Ka mbo'u, ”Ondae i Ue Ira bitarao bawaa-Do.”