Yehesikieli 7:3 - Wunta Mempori

³ Kanandio-andio umariamu hawe ka Aku umuwuo tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Yehesikieli 7:3 ပူးပေါင်းရင်းမြစ်များ

Tegagia 6:13

Mepau Iramo Ue Ala ndi Noho, ”Kuputusiomo mokotampulao tuwudo luwuakoano anu tuwu, hangano tolino bukeako pobobarasaido. Kanandio-andio, Aku mokotampula ira meronga saru tolino.

Yesaya 47:7

Horiko mepau, ”Ranta nahina tampulaano aku gagi mpiha mokole beine!” sine nahi upekokoongakono ka nahi upewowoloo pokotampulaano luwuno atuu.

Yeremia 13:14

Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”

Yehesikieli 11:21

Sine mongkona ondae, anu aroado metako a luwuno lahumoa ka luwuno wineweudo anu mokoburu, Aku dumunsiako ira peleludo a uludo, kanandiomo pau-Do Ue Ala.”

Yehesikieli 16:38

Aku humukuko kana mia bitara ira beine anu mponsosabo ka anu mpo'uwu rea; Aku motiio tekuda ka mosiri-Ku ndi omue.

Yehesikieli 16:43

Hangano nahi upewowoloo mbo'u tempono umongura, sine saru luwuno andio weweu Aku tedoa tekuda, mentee ntu'u, Aku mopotembiakomu mbo'u pelelumu a ulumu, kanandiomo pau-Do Ue Ala. Kombake omue weweuo mbo'u mokoburua andio susua mbo'u inso a horino luwuno wineweumu anu mokoburu?

Yehesikieli 16:59

Hangano, kanandiomo pau-Do Ue Ala: Aku weweuo ndi omue kana anu wineweumu mongkona pomperuanahi sumpa saru mehapuakono pedandia.

Yehesikieli 18:30

Onaemo pu'uno, hei suku Isaraeli, Aku humuku komiu singge mia montonda wineweuno, kanandiomo pau-Do Ue Ala. Tepidimo ka pepokulemo inso a luwuno polaloamiu songka, ka si mongkona atuu gagi watu tetiduamiu a laro sala mpoweweu.

Yehesikieli 21:25

Hei omue, petewawado to Isaraeli, mia mosa'o gauno anu mebungkui Aku, anu tempono haweomo pohukua pokotompa.

Yehesikieli 22:31

Onaemo ka Ku'uwuo bamburu-Ku ndi ondae ka mepateako ira api tekuda-Ku. Peleludo Ku'aluako ira a uludo. Kanandiomo pau-Do Ue Ala.”

Yehesikieli 24:14

Ongkue, Ue, anu pauo. Mongkona atuu ta gagi, ka Ongkue anu weweuo. Nahi Ku'ontoo ka nahina pompehohawa, nahina mbo'u pe'o'ole. Aku bitarako montonda pelelu ka wineweumu, kanandiomo pau-Do Ue Ala.”

Yehesikieli 33:20

Sine omiu mpotae, ’Wineweu-Do i Ue nahi mentee!’ Aku bitara komiu, singge mia montonda peleluno, hei suku Isaraeli.”

Yehesikieli 36:19

Aku sumiarawo ira i olodo luwuno tongku, ranta ka dontesiarawo i luwuno wita. Aku bitara ira menunu saru pelelu ka poweweudo.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Yehesikieli 5:13

Aku motiio tekuda-Ku ndi ondae, ranta ka imorini mokulano aroa-Ku ka teende Akumo. Ira mento'orio nine Ongkuemo Ue anu pauo a laro pompemasusa-Ku, tempono Kupotiio mosa'ono aroa-Ku ndi ondae.

Yehesikieli 7:2

”Omue, anano mia, pauomo: Kanandiomo pau-Do Ue Ala a wita Isaraeli: Poko'ariano! Poko'arianomo opaa siuno wita atuu.

Yehesikieli 7:27

Mokole ta mo'inombo, ka petewawa ta pabawaio doitoa ka kaedo luwuno palilino wita atuu gagi telusa tedoa doito. Aku weweu ira menunu saru peleludo ka bitara ira menunu saru gaudo mpobitara. Ka iramo mento'orio nine Ongkuemo Ue.”

Yehesikieli 7:4

Nahi Aku mehohawako ka nahi ta hina pompehohawa. Sine, Aku mombalo ndi omue menunu saru pelelumu ka luwuno wineweumu anu mokoburu ta umaluko. Ka komiu mento'orio nine Ongkuemo Ue.

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Hosea 12:3

Ondae i Ue mekara-kara saru Yehuda. Ira humukuo Yako menunu saru peleluno, ka Ira weeakono montonda saru luwuno wineweuno.

Amosi 8:2

Ka Do'amba mepau, ”Hapake kinitamu, Amosi?” Kusangki Ira, ”Asa baki me'ihi hadio rupa wua anu motaha.” Mepau Iramo i Ue ndi ongkue, ”Poko'ariano haweomo a bawaa-Ku Isaraeli. Nahi Aku umampuni ira mbo'u.