Yehesikieli 7:24 - Wunta Mempori

²⁴ Aku tumena ira tongku anu lalu lambaha ka luwuno tongku andio ira me'alao luwuno rahado gagi tiado. Aku mokompenaa-naao pompelangka-langkaido mia moroso, ka luwuno po'ianga memporido mbo'u ta kinokoburuti.

Yehesikieli 7:24 ပူးပေါင်းရင်းမြစ်များ

Tegagia 47:26

Kanandiomo i Yusupu moweweu pompakosi mongkona wita i Masiri anu pinake hawe kanandio-andio asa ntia olima inso a hasilino gagi tiano i Pirao, butu witado sando mpesomba nahi pe'ueo i Pirao.

Po'unde-unde 106:41

Dopeweengako iramo a ngkaedo luwuno tongku, ranta luwuno mia anu umo'aliaako ira pabawai ira.

Po'unde-unde 74:7

Domesongkoo po'ianga mempori-Miu, domengkokoburutio po'ianga-Miu hawe merete saru wita.

Po'unde-unde 83:12

Weweu iramo pinemota'udo kana i Orebi ka i Se'ebi, luwuno petewawado kana i Sebahi ka i Salemuna,

Yesaya 5:14

Onaemo pu'uno, tolinodo mia mate ta umungkahio burokono temalua ka ta konganga-nganga nahina otuano, ranta i larono tampulaomo mewantano ka maroano Yerusale, magagano ka mawongkoa i kota atuu.

Yeremia 12:12

Anu mponsolangi mehawe iramo ntelaloio luwuno pongku londa i pada one, hangano ponai-Do i Ue mompepate inso i tompano wita anu asa hawe a tompano susuano; nahina rodoa a luwuno anu mentuwu.

Yeremia 17:4

Tia pusakamu anu Kuweeakomumo ta tepotola inso ndi omue, ka Aku mokogagiko atado iwalimu i wita anu nahi uto'orio, hangano upolangaomo api a laro ntekuda-Ku anu ta melanga nahina tampulaano.”

Yeremia 4:7

Singa me'umbaakoomo inso a ntonga ewo, anu ta rumopu ira tongku melungkaomo, meluarako inso a mpo'iangano ta weweuo witamu boni-boni; luwuno kotamu gagi howuno anu terawo nahina palilino.

Yeremia 6:12

Luwuno rahado ta pineweengako a mia susua, leredo mbo'u ka kombiado. Mentee ntu'u, Aku tumandeo kae-Ku a mpalilino wita andio,” kanandiomo pau-Do i Ue.

Ponsabangi 5:2

Tia pusakamami telimba a mia susua, luwuno rahamami a mia mehawe.

Yehesikieli 21:2

”Hei anano mia, po'aroomo rupamu i Yerusale ka pohaweomo pekuahako a mpo'ianga memporino ka pauomo anu ta gagi umewaio wita Isaraeli.

Yehesikieli 21:31

Aku umuwuo bamburu-Ku ndi omue ka wurosio api tekuda-Ku ndi omue, umarino atuu meweengakomu a ngkaedo mia monge-monge anu tepaguru mporopu.

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Yehesikieli 28:7

ka, mentee ntu'u, Aku wawa ira mia hawe umewaiko, tongku anu lalu lambaha, anu ira mebutao ponaido umewaio ponto'ori menteemu anu inunde-unde, ka marambamu kinokoburuti.

Yehesikieli 33:28

Aku weweuo wita andio boni-boni ka nahi tepekakaako, ka pompelangka-langkai hangano rosono tamo tampula. Luwuno torukuno i Isaraeli ta gagi boni-boni, ranta nahina maupo te'asa mia mosia telaloio.

Sepanya 1:13

Arataa pompolido ta rinontu ka luwuno rahado ta gagi boni-boni. Ondae mpowangu raha sine nahi ira mpo'iangario; mpelere anggoro ira sine nahi ira mpo'inu anggorono.”