Yehesikieli 7:20 - Wunta Mempori

²⁰ Peramba-ramba tekosi dompokonao gagi pompelangka-langkai. Inso a mperamba-ramba atuu domeweweuo luwuno tinaha anu mokoburu ka luwuno lahumoado. Onaemo pu'uno, Aku weweuo tesosa'ai ndi ondae.

Yehesikieli 7:20 ပူးပေါင်းရင်းမြစ်များ

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

2 Mokole 21:7

Inaao mbo'u tinaha Asera anu umari wineweuno a laro raha-Do Ue Ala, maupo mongkona raha atuu mepau Iramo i Ue ndi Daudi ka ndi Salomo, anano, ”A laro raha andio ka i Yerusale anu Kubinikiomo inso i olono sukudo to Isaraeli, Aku weweuo nee-Ku mo'ia ranta nahina tampulaano!

2 Tawarika 2:9

ka dompopatindakune tehadio keu, hangano raha anu aku wanguo atuu asalakono langkai ka maramba.

2 Tawarika 36:14

Luwuno mbo'u petewawado sando mpesomba ka palili mararu dompelelu nahi dompetenunu saru mentondao luwuno wineweudo mosa'o tongku susua. Dompokomokoburuo Raha-Do i Ue anu Dopokomemporiomo i Yerusale.

Esera 3:12

Sine, hadio i olodo sando mpesomba, to Lewi ka petewawa suku, mia memota'u anu hori ira mengkitao raha anu amba-ambano, mpengese ira meroku, tempono i wineweu pondasino raha andio i arodo matado, kontongaado mia hadio mpeboo-booli meroku memawongko ntu'u.

Po'unde-unde 48:2

Ondae i Ue langkai ka tedoa inunde-unde a ngkota-Do Ue Alato!

Po'unde-unde 50:2

Inso i Sioni, tompaano tekosi, Ondae Ue Ala meposaba mewanta.

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 64:11

Rahamami anu mempori ka maramba, po'iangado uempu'umami umunde-unde-Komiu, gagiomo pompaani api, ka luwuno pine'uemami anu lalu tekosi gagiomo terawo-rawo.

Yeremia 7:14

Onaemo pu'uno, a raha andio, anu nineeako montonda nee-Ku ka anu pinerorohimiu, ka a mpo'ianga, anu Kuweeakomiumo ka a uempu'umiu, Aku weweuo kana anu Kuweweuomo ndi Silo.

Yeremia 7:30

Mentee ntu'u, to Yehuda mpoweweu iramo hapa anu mosa'o a pongkita-Ku, kanandiomo pau-Do i Ue. Domenaaomo luwuno lahumoado anu mokoburu a raha anu nineeako montonda nee-Ku, ira mengkokoburutio.

Ponsabangi 1:10

Ewaino weroo kaeno a luwuno arataano; tendeano ka ikitao kana'umpe luwuno tongku dompewinso a laro mpo'ianga memporino, kahinaano Omiu, oo Ue, i'onto iramo ka dompewinso bawaa-Miu.

Ponsabangi 2:1

Ha, kana'umpe Ondae i Ue tumutuwiakono seru ana beine Sioni a laro ntekuda-Do! Marambano Isaraeli Dopetadiakono inso i langi tii i tolino. Nahi Dorambeo pelandaa-Do a oleo tekuda-Do.

Ponsabangi 2:7

Meda pontunua pesomba-Do nahi Dotarimao i Ue, nahi Doperioo po'ianga mempori-Do; meweengakono a ngkaeno iwali rere watu luwuno po'iangano. Maroa suara a laro Raha-Do Ue Ala kana teweweuno a mporame-ramea.

Yehesikieli 11:18

Umarido mehawe i ra'ai, ira mpoko'olaio luwuno lahumoano ka luwuno wineweu anu mokoburu inso i wita atuu.

Yehesikieli 16:16

Omue umala ira sangkamu poweweu luwuno po'ianga pompelangkaia anu mesora-sora ka u'amba mebelesu i tu'ai. Mongkona kanatuu napi hori gagi ka nahi ta gagi mbo'u.

Yehesikieli 16:19

Kaanga mbo'u anu kuweeakomu onaemo tarigu moiko ntu'u, lana, ka siu hoani, anu Kuweeakomu gagi kaangamu, upesombaakonomo ndi ondae gagi pesomba anu mo'ahi woono. Kanatuumo anu gagi, pau-Do Ue Ala.

Yehesikieli 23:38

Umarino atuu, ondae mbo'u meweweuo mongkona andio ndi Ongkue: Ondae mensosa'aio po'ianga mempori-Ku a oleo atuu ka mengkokoburutio luwuno oleo Saba-Ku.

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Yehesikieli 5:11

Onaemo pu'uno, a nee-Ku anu tuwu, kanandiomo pau-Do Ue Ala, menteeano, hangano po'ianga mempori-Ku omue kumokoburutiakono luwuno pinesombai ka wineweuno kaemu anu mokoburu, Ongkue isa'a sumesewoko; nahi Aku mompehohawa ka mokoko'unduakomu.

Yehesikieli 7:22

Aku wolilio rupa-Ku inso ndi ondae. Luwuno anu pompomuru atuu ira mengkokoburutio raha-Ku anu masuli olino; ira mpewinso i larono ka mengkokoburutio.

Yehesikieli 9:7

Ka Do'amba mepau ndi ondae, ”Kokoburutiomo Raha Mempori atuu ka kintalano buketiakonomo mia anu mempinepate. Lakomo!” Lumako iramo meluarako ka weweuo pompepatea a laro ngkota.

Hagai 2:3

”Pauakonomo i Serubabeli anano i Sealitieli, petewawa wita Yehuda, ka ndi Yosua anano i Yosadaki, sando mpesomba langkai, ka a anu ntebinta inso a tongku atuu, kanandio:

Puu Mpobitara 8:24

Motae mbo'u i Gideo ndi ondae, ”Asa koa kumingki umemao ndi omiu: Ipada mpeweengakono ndi ongkue tole-tole anu pinomurumiu.” Iwali atuu lano mpetole-toleako ira wulaa, nde ondae to Isumaeli.

Puu Mpobitara 8:27

Ka i'amba i Gideo moweweu asa epo lahumoa inso ia luwuakoano atuu, ka inaao i kotano, i Opara. I ra'ai luwudo to Isaraeli mpelahumoa, mpesombaio epo lahumoa atuu. Onaemo anu gagi sala leluno i Gideo saru pe'asa rahano.