Yehesikieli 7:19 - Wunta Mempori

¹⁹ Salakado ta pinetadiako i bungkuno ka wulaado ta rineke tesosa'ai. Wulaa ka salakado nahi ta mokokadudui ira a oleo tekuda-Do i Ue. Nahi ira memowohiako onae ka kompodo nahi ta te'ihiiako onae. Hangano mongkona atuu gagi watu tetidua anu dumontai ira a laro salado.

Yehesikieli 7:19 ပူးပေါင်းရင်းမြစ်များ

2 Mokole 7:15

Ka do'amba melako tumonda bungku ira mia atuudo hawe a ngkoro Yarade. Huu, luwuno sala atuu bukeako sangka ka parewa anu pinetadiakodo to Arami tempono dompolai moririmpate. Mpekule iramo mia tinena atuu ka domentutuluo mongkona atuu ndi ondae mokole.

Powadi 10:2

Arataa inso a gau mosa'o nahi mentudu, sine menteea kumaduduio mia inso a matea.

Powadi 11:4

A oleo tekudaa arataa nahi mentudu, sine menteea motolao mia inso a matea.

Puu Pontutulu 5:10

Tekense hadio arataa, tekense hadio mbo'u mia anu mokopingkoo. Ka i'amba hapake urano anu me'ueo sangkadio kumitao?

Yesaya 2:20

A oleo atuu lahomoa salaka ka lahumoa wulaa anu wineweu ta pinesombai ira mpetadiakono mia a ntehu ka poneki,

Yesaya 30:22

Omue komokoburuako ira tinahamu anu mewaluako salaka ke luwuno lahumoamu anu me'apiiako wulaa; onae kotumadio kana sawu hawe wulano beine saru motaeakono, ”Polaimo!”

Yesaya 55:2

Tembio ka impo'oliako doi anu komba kaanga, ka tambono pe'iseimu anu nahi mompokomowohi? Ronge Akumo asalakono komiu mpongkaa anu moiko ka pongkaa kaanga anu mo'ahi ntu'u.

Ponsabangi 4:1

Ha, momite ntu'u wulaa atuu, wulaa mpena atuu baali; watu mempori atuudo tetadiako a nsiuno sompo sala.

Yehesikieli 13:5

Omiu nahi mpewuatako a luwuno bolono rere watumiu ka nahi pompotade rere watu lumimbuo rahado to Isaraeli, ka dompokompekorahako a laro mpeteaa a oleo-Do i Ue.

Yehesikieli 14:7

Hangano sompo mia, moiko inso a nsuku Isaraeli maupo puu mpebalu-balu anu mo'ia i tonga-tongado to Isaraeli, anu pansia inso ndi Ongkue ka sumu'u ira lahumoano i laro aroano ka monaa i arono watu tetidu, pepu'uano salado, ka i'amba aiwa tepohaweakono nabi ta mo'emaakono pontiso ndi Ongkue, ka Ongkue isa'a, Ue, Aku sumangkio.

Yehesikieli 30:3

Oleo atuu umpedaomo, oleo-Do i Ue umpedaomo, oleo menseru wongi-wongi; onaemo atuu tempodo luwuno tongku.

Yehesikieli 44:12

Dompekakaako iramo tongku i arodo luwuno lahumoado, ka a nsuku Isaraeli megagi iramo watu tetidua, anu dumontai ira a laro sala mpoweweu. Onaemo pu'uno, mesumpa Aku mongkona ondae, kanandiomo pau-Do Ue Ala, nine ira mentembio hukudo ondaedo.

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

Sepanya 1:3

Aku rumoahio mia ka pinotuwu; Aku rumoahio luwuno manu-manu a laro meene ka bou a ntahi. Aku dumontai ira mia anu nahi tondao parenta-Ku ka mokotampulao mia inso i wawontolino, kanandiomo pau-Do i Ue.

I MATIU 16:26

Hapa tuduno asa mia ba ihaweo asa wawontolino sine tetadi penaano? Ka hapake anu polio ipeweengakono gagi euno penaano?

ROMA 11:9

Ka i Daudi motae, ”Po'ineeomo kaanga pinatindado gagi oho ka pompete'umala, pompokotesaa ka pombaloa ndi ondae.