Yehesikieli 7:10 - Wunta Mempori

¹⁰ Kitao, oleono hawe koa ntu'u. Masolaa mewurosi; pompokonsiia mentumba, pompelangka-langkai te'ili.

Yehesikieli 7:10 ပူးပေါင်းရင်းမြစ်များ

Po'unde-unde 89:32

tewala nahi domentondao pompakosi-Ku ka nahi dompe'ini a luwuno parenta-Ku,

Powadi 14:3

A ngangano mia benge-benge hinao lauro a pompelangka-langkai, sine mia pande mosongka ipekariao wiwino.

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Yesaya 10:5

Masolaomo ntu'u Asiuri, ponsepino tekuda-Ku anu kaeno uminio tuko tekuda-Ku!

Yesaya 21:12

Puu mpodagai atuu sumangki, ”Mo'oru ta hawe, sine wongi mbo'u. Tewala komiu mpesikeno, ime'aiwamo mbo'u ka impesikenomo!”

Yesaya 28:1

Masolaomo ntu'u ramba-ramba ulu pino'undeakodo anu memolangu i Eparai, ka peramba-rambado anu ntekokosi atuu butu koa bunga anu mompu'u moleu, anu po'iangano mantande a wawo lembo anu mewalo buuke mia anu mokolili ulu hangano anggoro!

Yehesikieli 12:23

Onaemo pu'uno pauako ira: Kanandiomo pau-Do Ue Ala: Aku mokompenaa-naao pasinggiri andio ka mia nahi ta pauo mbo'u i Isaraeli. Sine, pauako iramo: Tempono umpedaomo ka sompo pongkita ta gagi.

Yehesikieli 19:14

Ka i'amba meluarakoomo api inso a sampano anu kumaano sampa motutuno ka wuano, ranta nahina mbo'u ndi onae sampa anu moroso ka nahina tuko poparentaa.” Ndiomo ponsabangi ka ta pinake gagi ponsabangi.

Yehesikieli 21:10

Inaha ka ipo'uwu rea ka pinulohi ka imangkilo kana berese. Nde kita mpo'undeke? — Tukono anaku tumetewehio luwuno rupano keu. —

Yehesikieli 21:13

Hangano po'ara-arahako hawe ka nahina maupo te'asa anu mokompeteahako, kanandiomo pau-Do Ue Ala.

Yehesikieli 30:3

Oleo atuu umpedaomo, oleo-Do i Ue umpedaomo, oleo menseru wongi-wongi; onaemo atuu tempodo luwuno tongku.

Yehesikieli 7:12

Hawe tempono, oleono umpedaomo! Po'ineeomo anu mo'oli ka si mawongko ka anu mo'asa ka si pompemasusa, hangano mokulano tekuda umaluo luwuno kaeado.

Yehesikieli 7:6

Tampulaano aiwa, tampulaamu hawe. Onae mewangu umewaiko; kitao, onae haweomo!

Yehesikieli 7:9

Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Yoeli 1:15

Hei, oleo atuu! Mentee ntu'u oleo-Do i Ue rangkuomo, haweno gagi pabawa poropua inso ndi Ondae Anu Tedoa Pabawa.

Podoaa 17:8

Tisomono mansano mewinso i Musa a laro kemano songka atuu, tengkitaomo tukono i Haruni inso a inuleno i Lewi mentuntaomo, mensisi, mebunga ka mewuaako wua badami.

1 TESALONIKA 5:3

Tewala mpotae ira: Luwuno sintuwu ka rodo nahina marisua – ka borono i'alu ira masolaa, kana aasa beine anu mentia i'aluo mahaki me'ana – manasa nahi ira mentola.

YAKOBU 4:6

Sine pe'aroa, anu Doweeakita, langkaiopo sekono atuu. Onaemo pu'uno ka Dopepau, ”Ondae Ue Ala umewai ira mia anu mpompelangka-langkai, sine mehohawa ira mia anu mpe'urumako.”