Yehesikieli 6:9 - Wunta Mempori

⁹ I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Yehesikieli 6:9 ပူးပေါင်းရင်းမြစ်များ

2 Mokole 16:10

Tempono mokole Ahasi lumako i Damasi tepohaweakono i Tigalati-Pileseri, mokoledo to Asuri, ikitao meda pontunua pesomba anu kongko i Damasi. Ka i'amba mokole Ahasi umoliwio ndi sando mpesomba Uria pandiri ka gambarano meda pontunua pesomba atuu soompo saru podedeno weweuano.

Ayubi 42:6

Onaemo pu'uno kumokoko'iiakono pauku ongkueku ka saru me'o'ole ongkue mentoro a laro pampawu ka awu.”

Po'unde-unde 137:1

I wiwino luwuno korono i Babeli, i ra'aimo tompentoro saru mpengese, tewala tomerambeo Sioni.

Po'unde-unde 78:40

Ba pempia dompe'ewa ndi Ondae i pada one, ka mokomasusao aroa-Do a mpada malua!

Yesaya 43:24

Nahi upo'oliako salaka keuno padamalala mo'ahi woono tia-Ku, ke mokomowohia-Kune tabano pesomba sinumbelemu. Sine omue mopotembia-Kune halamu, omue mokomokendoa-Kune salamu.

Yesaya 63:10

Sine, ondae me'ewa ka mokomasusao Penaa-Do anu mempori; onaemo ka Dopewolili gagi iwali, ka Ondae-Do isa'a metea umewai ira.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yesaya 7:13

Ka i'amba motaeomo i Yesaya, ”Rongeomo hei somborino i Daudi! Napi sompoke imeweweu ira mia nte'osa, ranta iweweu Ira mbo'u Ue Alaku te'osa?

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yeremia 3:6

Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai?

Yeremia 51:50

Omiu anu mentola inso a mponai, imelakomo, si butu mpentade! Pewowolo Iramo i Ue inso olai ka po'ineeomo Yerusale ka ipe'umbaako mbo'u a laro mpinewowolomiu.

Yehesikieli 12:16

Sine, asa ntia inso ndi ondae Aku motola ira inso a mponai, mokoninggoa, ka haki lele ka domentutuluo luwuno wineweudo anu mokoburu i olodo luwuno tongku, ba isua domelako. Ka ira mento'orio nine Ongkuemo Ue.”

Yehesikieli 16:43

Hangano nahi upewowoloo mbo'u tempono umongura, sine saru luwuno andio weweu Aku tedoa tekuda, mentee ntu'u, Aku mopotembiakomu mbo'u pelelumu a ulumu, kanandiomo pau-Do Ue Ala. Kombake omue weweuo mbo'u mokoburua andio susua mbo'u inso a horino luwuno wineweumu anu mokoburu?

Yehesikieli 16:61

Umarino atuu korumambeo pelelumu ka mokoko'ii i tempono Ku'ala ira akamu, anu lalu te'aka ka lalu mongura ka Ku'amba meweengako ira ndi omue gagi luwuno anamu, sine komba me'empehiako pedandia saru omue.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 20:24

Hangano, nahi domeweweuo luwuno atora-Ku, nahi domentarimao luwuno pompakosi-Ku, ka mengkokoburutio luwuno oleo Saba-Ku saru matado te'aro a lahumoano luwuno amado.

Yehesikieli 20:28

Umarino Kuwawa ira i wita anu Kudandiakono sumpa Aku weeako ira, tendeano ondae mpengkita a sompo pongku anu mantande ka sompo keu anu marombo, ka i'amba pinesombaako luwuno pesombado i ra'ai ka mpompowee pesomba anu mompokotesingka tekuda-Ku. I ra'ai ondae mpohaweo mbo'u luwuno pesomba anu mana mo'ahi ka mpesombaakono luwuno pesomba tinawado a mpo'ianga atuu.

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 20:7

Ongkue mepau ndi ondae: Po'ineeomo sompo mia ka itadi ira pinesombaino anu mokoburu, ba isua ite'aro matano ka koroimu sii kokoburutiakono luwuno lahumoado to Masiri; Ongkuemo Ue, Ue Alamiu.

Yehesikieli 23:30

mowawaakomu mongkona andio, hangano omue mebelesu saru tumonda ira tongku ka kumokoburutiakono koroimu lahumoado.

Yehesikieli 5:13

Aku motiio tekuda-Ku ndi ondae, ranta ka imorini mokulano aroa-Ku ka teende Akumo. Ira mento'orio nine Ongkuemo Ue anu pauo a laro pompemasusa-Ku, tempono Kupotiio mosa'ono aroa-Ku ndi ondae.

Yehesikieli 6:10

Ira mento'orio nine Ongkuemo Ue ka komba kopau-pau mpena tewala mepau Aku ka domempinoweeako masolaa andio ndi ondae.”

Yehesikieli 7:16

Maupo tewala inso ndi ondae hinao anu tola, ira mpo'ia a luwuno torukuno kana marapatii a luwuno lembono; luwuno mperaali, singge mia hangano salano.

Hosea 11:8

Kana'umpe nahi Aku merioko, hei Eparai, meweengakomu, hei Isaraeli? Kana'umpe nahi Aku merioko kana i Adima, weweuko kana i Seboimi? Aroa-Ku mepokule a ngkoroi-Ku, pompehohawa-Ku mansa haweako.

Amosi 2:13

Menteeano, Aku lumeluo pelandaamiu kana teleluno kareta anu bukeako wuano gandu.

Mika 5:13

Aku butao luwuno karuno lahumoamu inso ndi omiu ka rumopuo luwuno kota pesombaamu;

Sakaria 10:9

Maupo Kusiarawo iramo i olodo luwuno tongku, sine a luwuno po'ianga anu olai ira merambe Aku. Ondae ira mentuwu mperonga-ronga saru luwuno anado ka ira mpekule.

Podoaa 15:39

Tempono imengkitao rawe-rawe atuu, ta mopoto'oriakomiu a luwuno parenta-Do i Ue, ranta ka imeweweuo, ka nami mentondao mbo'u po'eheno aroa ka matamiu, anu weweu komiu mepansia.

2 PETURU 2:14

Matado buke aroa monsosabo ka nahi dohori nte'osa mpoweweu hala. Domempopandei ira mia anu memolema. Aroado leleoomo a laro modokoa. Ondaemo mia anu mentetotonaa!