Yehesikieli 6:7 - Wunta Mempori

⁷ Luwuno miamiu anu pinepate ta tebangku i tonga-tongamiu ka komiu mento'orio nine Ongkuemo Ue.

Yehesikieli 6:7 ပူးပေါင်းရင်းမြစ်များ

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

Peluarakoa 14:18

Gagi iramo mento'orio to Masiri, nine Ongkuemo Ue, i tempono Kupopokitao maramba-Ku ndi Pirao, karetano ka mia anu mpengara.”

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Peluarakoa 7:5

To Masiri atuu iramo mento'orio nine Ongkuemo Ue, tewala Kupotiio kae-Ku a nto Masiri ka wawa ira to Isaraeli mpeluarako inso i olodo.”

Yeremia 14:18

Tewala meluarako aku a mpada, i ra'ai hinao mia anu mempinepateako ponai! Tewala mewinso aku a laro ngkota, i ra'ai hinao mia anu mahaki hangano mokoninggo! Tendeano, moiko nabi maupo sando mpesomba mpelakopi a wita anu nahi domento'orio.”

Yeremia 18:21

Onaemo pu'uno, Ipeweengako iramo anado a mokoninggoa, ka Ipetadiako iramo a mata mponai! Po'ineeomo beinedo ntetadi anado ka mentuwu beine; po'ineeomo tamado memate tinunduhi, ka mangalitaudo mempinepateako ponai a mpeteaa!

Yeremia 25:33

A oleo atuu mia anu mempinepate hangano Ondae i Ue ta matumbole inso i tompano tolino hawe i tompano susuano. Nahi ira mensinabangi, ke mepinumpu ke kinaburu. Ondae ira megagi kana ta'i a wita.

Ponsabangi 4:9

Me'ura irapo anu memate hangano ponai sekonopo ondae anu memate hangano mokoninggo, anu mpe'isei ka memate hangano nahina hasilino lere.

Yehesikieli 11:10

Komiu ntebangkuako ponai ka iwita Isaraeli Aku humuku komiu. Ka komiu mento'orio nine Ongkuemo Ue.

Yehesikieli 11:12

Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yehesikieli 12:15

Ira mento'orio nine Ongkuemo Ue, tempono Kusiarawo ira i olodo luwuno tongku ka sumiarawo ira a luwuno wita atuu.

Yehesikieli 12:19

Pauomo a mpalilino wita andio: Kanandiomo pau-Do Ue Ala mongkona palilino Yerusale, i wita Isaraeli: Ira mengkaano kaangado saru aroa danggara ka me'inuo uwoi saru aroa moliro, ranta witado gagi boni-boni hangano ihino tampulaako pobobarasaia anu wineweudo luwuno anu mpo'ia i ra'ai.

Yehesikieli 13:14

Aku humoao rere watu anu kinapurumiu atuu ka mobangkuo a wita, ranta tengkita pondasino. Rere watuno kota atuu ta tehoa ka komiu memate i larono. Ka komiu mento'orio nine Ongkuemo Ue.

Yehesikieli 13:21

Aku berio soumbumiu ka Aku motola ira bawaa-Ku inso a ngkaemiu ka ondae nahi ira megagi mbo'u kaangado a ngkaemiu. Ka komiu mento'orio nine Ongkuemo Ue.

Yehesikieli 13:23

onaemo pu'uno omiu nahi mengkita ira mbo'u kara-kara anu mompopo'oo ka mempau ira anu ta gagi pegaupi; Aku motola ira bawaa-Ku inso a ngkaemiu. Ka komiu mento'orio nine Ongkuemo Ue.”

Yehesikieli 13:9

Aku tumandeo kae-Ku umewai ira nabi anu mpongkita mongkona anu mompopo'oo ka pau ira anu ta gagi nahi mentee. Ondae nahi moiko dompewinso a laro tepumpuado bawaa-Ku ka nahi ta teburi a laro buriado suku Isaraeli, ka nahi ira mpewinso mbo'u i wita Isaraeli. Ka komiu mento'orio nine Ongkuemo Ue Ala.

Yehesikieli 14:8

Aku umewaio mia atuu ka weweuo gagi petondoni ka pasinggiri, saru mokotampulao inso i tonga-tongado bawaa-Ku. Komiu mento'orio nine Ongkuemo Ue.

Yehesikieli 15:7

Ongkue isa'a umewai ira. Maupo domentola inso a api, sine api ta kumaa ira. Komiu mento'orio nine Ongkuemo Ue, tempono Ku'ewai ira.

Yehesikieli 20:26

Kupo'inee ira memokoburuako luwuno lahumoado, tempono sompo anu pine'anaako amba-ambano inso a mpe'anakaa pinesombaako gagi pesomba, Kuweweu ira tekonto, ka domento'orio nine Ongkuemo Ue.

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

Yehesikieli 20:42

Komiu mento'orio nine Ongkuemo Ue, i tempono Kuwawa komiu mpewinso i wita Isaraeli, i wita anu Kudandiakono sumpa Aku weeako ira uempu'umiu.

Yehesikieli 20:44

Komiu mento'orio nine Ongkuemo Ue, tempono Ongkue, a nee-Ku, nahi Kuweweu komiu menunu saru pelelumiu anu nahi moiko ka wineweumiu anu mosa'o. Hei suku Isaraeli, kanandiomo pau-Do Ue Ala.”

Yehesikieli 22:16

Omue kokinokoburuti i arodo luwuno tongku hangano salamu omuemu. Ka kotumo'orio nine Ongkuemo Ue.”

Yehesikieli 23:49

Mia ta mombaloakono mokoburumiu ndi omiu ka omiu asalakono tumembio luwuno halamiu hangano omiu mesombai ira lahumoa. Ka komiu tumo'orio nine Ongkuemo Ue Ala.”

Yehesikieli 24:24

Kanatuumo i Yehesikieli gagi petondonimiu; mengkena kana anu wineweuno komiu meweweuo. Tewala gagiomo atuu, komiu mento'orio, nine Ongkuemo Ue Ala.

Yehesikieli 24:27

A oleo atuu ngangamu ta te'ungkahi ka komepau a mia anu tola atuu ka nahi kobeebe mbo'u. Hangano kanandio omue kogagi petondonido. Ka ira mento'orio nine Ongkuemo Ue.”

Yehesikieli 25:17

Aku weweuo pombaloa anu lansara ndi ondae tinondaako petunduhi tekuda. Ka ira mento'orio nine Ongkuemo Ue, i tempono Kuweweuo pombaloa ndi ondae.”

Yehesikieli 26:6

Luwuno anano beine anu mpo'ia a wita motu'i ira memateako ponai. Ka ira mento'orio nine Ongkuemo Ue.

Yehesikieli 28:23

Aku mompotii haki lele ndi onae ka rea ta waa a luwuno salano. Mia ira memate ntebangku i tonga-tongano hangano ponai anu hawe inso a mpehori-horino umewaio. Ira mento'orio nine Ongkuemo Ue.

Yehesikieli 30:26

Aku meweengako ira i olodo luwuno tongku ka sumiarawo ira a luwuno wita. Ka Ira mento'orio nine Ongkuemo Ue.”

Yehesikieli 32:15

I tempono Masiri Kupokogagio boni-boni, saru mbo'u pingko pinokotampula luwuno ihino wita ka luwuno palilino Kutunduhi ira luwu; ka ira mento'orio nine Ongkuemo Ue.

Yehesikieli 35:15

Kana omue mo'undeakono tia pusakado suku Isaraeli, anu gagiomo boni-boni, kanandiomo Aku weweuko. Kogagi boni-boni, hei Torukuno Seiri, luwuno Edomi, nahina tebinta. Ka ira mento'orio nine Ongkuemo Ue.”

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Yehesikieli 6:13

Komiu mento'orio nine Ongkuemo Ue, tempono luwuno miado anu mempinepate ntebangku i tonga-tongano luwuno lahumoado lumimbuo luwuno meda pontunua pesomba, i wawono sompo pongku anu mantande ka i wawono luwuno punsuno torukuno, i totono sompo keu anu marombo ka sompo keu tarabanti anu hadio leweno, luwuno po'iangado mpowawa pesomba anu mana mo'ahi tiado luwuno lahumoado.

Yehesikieli 6:6

Isuamo koa impo'ia, luwuno kotamiu ta gagi tekale-kale ka luwuno po'ianga pesombaamiu ta gagi boni-boni, ka irinawo-rawo luwu meda pontunuamiu pesomba ka bininta boni-boni, luwuno lahumoamiu pinuro ka nami hina, luwuno pontunuamiu dupa rinawo-rawo ka luwuno wineweuno kaemiu pinokotampula.

Yehesikieli 6:8

Sine, asa ntia inso ndi omiu anu tola inso a mponai, Aku mo'ineeo tuwu i olodo luwuno tongku, tempono imensiniarawo a luwuno wita atuu.

Yehesikieli 7:4

Nahi Aku mehohawako ka nahi ta hina pompehohawa. Sine, Aku mombalo ndi omue menunu saru pelelumu ka luwuno wineweumu anu mokoburu ta umaluko. Ka komiu mento'orio nine Ongkuemo Ue.

Yehesikieli 7:9

Nahi Aku mompehohawa ka nahi ta hina pompehohawa; Aku mombalo ndi omue menunu saru pelelumu, ka luwuno wineweumu anu mokoburu ta umaluko. Ka komiu mento'orio nine Ongkuemo Ue, anu montunduhi.

Yehesikieli 9:7

Ka Do'amba mepau ndi ondae, ”Kokoburutiomo Raha Mempori atuu ka kintalano buketiakonomo mia anu mempinepate. Lakomo!” Lumako iramo meluarako ka weweuo pompepatea a laro ngkota.