Yehesikieli 6:6 - Wunta Mempori

⁶ Isuamo koa impo'ia, luwuno kotamiu ta gagi tekale-kale ka luwuno po'ianga pesombaamiu ta gagi boni-boni, ka irinawo-rawo luwu meda pontunuamiu pesomba ka bininta boni-boni, luwuno lahumoamiu pinuro ka nami hina, luwuno pontunuamiu dupa rinawo-rawo ka luwuno wineweuno kaemiu pinokotampula.

Yehesikieli 6:6 ပူးပေါင်းရင်းမြစ်များ

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

Po'unde-unde 115:8

Ondae anu meweweuo ira gagi mpengkena kanatuu, kanatuu koa mbo'u luwuno mia anu mpe'ala-alao.

Yesaya 1:31

Anu moroso gagi kana ewo mokari, inanggano gagi kana bunga api; oruano ta mo'ai meronga ka nahina anu mokompepateo.

Yesaya 2:18

Luwuno lahumoa ta tampula luwu.

Yesaya 2:20

A oleo atuu lahomoa salaka ka lahumoa wulaa anu wineweu ta pinesombai ira mpetadiakono mia a ntehu ka poneki,

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yesaya 64:10

Luwuno kota-Miu anu mempori gagiomo pada one, Sioni gagiomo pada one, Yerusale boni-boni.

Yeremia 10:22

Terongeomo lele: Kitao, tewukaa langkai ta hawe inso i wita utara, anu ta weweuo luwuno kotano Yehuda boni-boni, gagi pewuniado serigala.

Yeremia 17:3

a luwuno torukuno-Ku a mpada. Arataa kaeamu ka luwuno ponaapamu arataa Aku meweengakono gagi rontua, gagi hukuno halamu a luwuno witamu.

Yeremia 2:15

Ndi onae luwuno singa mongura mpengaoli, mpokomerokuo unino, witano pinokolonda, luwuno kotano tinunu, nahina mbo'u palilino.

Yeremia 34:22

Menteeano, kanandiomo pau-Do i Ue, Ongkue mompowee parenta ka wawa ira mpekule i kota andio ka dompeteaakono, mpoko'alao ka mpokoropuo. Aku weweuo luwuno kotano Yehuda gagi boni-boni nahina palilino.”

Yeremia 51:18

Luwuno atuu nahina pengkonaano, inangga anu gagi pompasinggiri, ka ta tampula i tempo pohukuano.

Yeremia 9:10

Pengesemo ka peraalikimo hangano luwuno torukuno, ka ponsabangimo hangano ewo i pada one, hangano luwuno londaomo ranta nahina mia telaloio, ka nami teronge mbo'u suarano pinotuwu; moiko manu-manu i laromeene maupo kondehora susuano, luwuno mpolai iramo ka moliu.

Yeremia 9:11

Aku weweuo Yerusale gagi howuno anu terawo, pewuniado serigala; Luwuno kotano Yehuda Aku weweuo boni-boni, nahina mbo'u palilino.”

Yeremia 9:19

Hangano teronge ponsabangi inso i Sioni: Mentee ntu'u, memate kitamo! Omami tedoa mempinokoko'ii! Asalakono kami mebintao wita andio, hangano luwuno raha po'iangamami pinobangkuomo.

Yehesikieli 12:19

Pauomo a mpalilino wita andio: Kanandiomo pau-Do Ue Ala mongkona palilino Yerusale, i wita Isaraeli: Ira mengkaano kaangado saru aroa danggara ka me'inuo uwoi saru aroa moliro, ranta witado gagi boni-boni hangano ihino tampulaako pobobarasaia anu wineweudo luwuno anu mpo'ia i ra'ai.

Yehesikieli 16:39

Aku meweengakomu a ngkaedo ka ira mengkale-kaleo po'iangamu anu mantande ka mensolangio po'ianga pesombaamu. Ira melohulambeko, merontu ira peramba-rambamu ka mpo'ineeko kolambe-lambe.

Yehesikieli 30:13

Kanandiomo pau-Do Ue Ala: Aku mokotampulao luwuno lahumoa ka luwuno pinesombai inso i Memipisi. Nahi ta hina mbo'u petewawa i wita Masiri ka Aku moweweu doitoa i ra'ai.

Yehesikieli 35:4

Aku mokogagio luwuno kotamu tekale-kale ka omue gagi boni-boni. Ka kotumo'orio nine Ongkuemo Ue.

Yehesikieli 5:14

Aku weweuko gagi tekale-kale ka tetewehia i olodo luwuno tongku a mpehori-horimu i arodo luwuno mia anu ntelalo.

Yehesikieli 6:4

Luwuno meda pontunuamu pesomba ta gagi boni-boni ka luwuno pontunuamu dupa ta pinuro. Aku mobangku ira miamu anu mempinepate i arodo lahumoamu.

Yehesikieli 6:7

Luwuno miamiu anu pinepate ta tebangku i tonga-tongamiu ka komiu mento'orio nine Ongkuemo Ue.

Hosea 10:2

Aroado pande mpe'akala, kanandio-andio asalakono domentembio poko'ariano. Luwuno meda pontunua pesombado Ira rumawoo, luwuno tugu lahumoado Ira humoao.

Hosea 10:8

Luwuno po'ianga pesombaa ndi Aweni, anu gagi halano Isaraeli, ta pinokotampula. Ewo rui ka rui ta tuwu a wawo luwuno meda pontunua pesombano. Ira mpotae a luwuno torukuno, ”Howui kamimo!” Ka a luwuno pongku wita, ”Tehoamo dumunsi kami!”

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Mika 1:7

Luwuno tinahano ta pinuro, luwuno tambo pebelesuno ta tinunu, ka luwuno lahumoano Aku rumawo-rawoo; hangano inso a ntambo pebelesua atuu pinumpu luwu, ka ta wali gagi tambo pebelesu.

Mika 3:12

Onaemo pu'uno hangano omiu, Sioni ta pinadeko kana lere, Yerusale ta gagi howuno anu terawo, ka torukuno raha mempori ta gagi pongku mentobu.

Mika 5:13

Aku butao luwuno karuno lahumoamu inso ndi omiu ka rumopuo luwuno kota pesombaamu;

Habaku 2:18

Hapa tuduno tinaha pesomba pina'o, pina'ono anu weweuo? Hapa tuduno tinaha pesomba tinawa, anu mompaguru pegaupi atuu? Hangano anu weweuo me'ala-alao wineweuno, ka hinaano luwuno lahumoa wineweuno atuu beebe nahi dompepau.

Sepanya 1:18

Salaka ke wulaa nahi pokokadudui ira a oleo tekudaa-Do i Ue. Asa wawontolino ta pingko ikaano api mahakino aroa-Do, hangano matea, tendeano matea mongkokongiri pinotii-Do a luwuno palili i tolino.

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

1 Samueli 5:4

Sine tisomono, mansado mpewangu mo'oru, domengkitaomo Dagoni atuu tebangku, rupano a wita i arono Burua Pedandia-Do i Ue. Uluno ka orua pele ngkaeno Dagoni atuu tepudu ka tetadiako i arono pewowa. Butumo koa koroino anu da mo'ia.