Yehesikieli 6:3 - Wunta Mempori

³ Pauomo: Hei luwuno torukuno Isaraeli, rongeomo pau-Do Ue Ala! Kanandiomo pau-Do Ue Ala a luwuno torukuno ka pongku, a luwuno waaano korono ka lembono: Mentee ntu'u, Aku mompotiiakomu ponai ka Aku merawo-rawoo luwuno po'ianga pesombaamu.

Yehesikieli 6:3 ပူးပေါင်းရင်းမြစ်များ

1 Mokole 14:23

Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

Yesaya 27:9

Onaemo pu'uno, kanandiomo ta pinahihi salano i Yako ka ndiomo wuano tewala ipoko'olaio halano: Ira weweuo luwuno watu pontunua pesomba kana watu kapuru anu rinawo-rawo, ranta nahina mbo'u karu pelahumoaa ka meda pontunua dupa anu mo'ia mentade.

Yesaya 30:25

I wawono sompo torukuno anu mantande ka sompo pongku anu telanso ta mompowaa uwoi a oleo pompepatea anu langkai, tempono dontehoa menara.

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 22:29

Hei wita, wita, wita! Rongeomo pau-Do i Ue!

Yeremia 3:23

Menteano, luwuno po'ianga pesombaa onaemo megaupi; tedoa maroa a luwuno pongku atuu! Menteeano, butu ndi Ondae i Ue, Ue Alato, hinao tekaduduiano Isaraeli!

Yeremia 3:6

Ondae i Ue mepau ndi ongkue i tempono mokole Yosia, ”Umariomoke ukitao hapa anu wineweuno i Isaraeli anu mehapuakono pompe'ala-alano atuu? Kombake onae mewuatako a sompo pongku anu kontasi-tasi ka lumako a ntoto sompo keu anu marombo ka mebelesu i ra'ai?

Yehesikieli 36:8

Sine omiu, luwuno torukuno Isaraeli, ta wali mentumba ka mompowee wua tiado bawaa-Ku Isaraeli, hangano ira ronga mpekule.

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.

Imama 26:30

Ka luwuno pongku wita pesombaamiu Aku rumopuo, ka luwuno pontunuamiu dupa Aku mokotampulao. Aku metadiakono luwuno wata ngkoroimiu a wawo luwuno wata ngkoroino lahumoamiu ka aroa-Ku ta te'osa kumitakomiu.

Amosi 7:9

Luwuno pesombaano i Saki Aku mokotampulao ka luwuno po'ianga memporido to Isaraeli ta rinongka, ka somborino i Yerobea Aku umewaiakono ponai.”

Mika 6:1

Rongeomo hapa anu pinau-Do i Ue, pentademo, pauomo potuntumu i arono luwuno torukuno ka po'ineeomo luwuno pongku rumongeo pepaumu!

Mika 6:2

Rongeomo, oo luwuno torukuno potuntu-Do i Ue, ka ta'oomo biri, oo luwuno empehino tolino! Hangano Ondae i Ue hinao potuntu-Do a bawaa-Do, ka Ondae mekara-kara saru Isaraeli.