Yehesikieli 5:8 - Wunta Mempori

⁸ Onaemo pu'uno, kanandiomo pau-Do Ue Ala: Kitao, Ongkue, oo Ongkue isa'a gagi ewaimu ka Aku modontaiakomu pohuku i arodo luwuno tongku.

Yehesikieli 5:8 ပူးပေါင်းရင်းမြစ်များ

Yeremia 21:13

Menteeano, Aku gagi ewaimu, hei omiu anu i lembono, torukuno watu a mantandeano, kanandiomo pau-Do i Ue, hei omiu anu mpotae: Isema anu ta metii umewai kami, isema anu ta mewinso a mpo'iangamami?

Yeremia 21:5

Ongkue isa'a metea umewaiakomiu kae tetande ka tokia anu moroso, saru tekuda, langano tekuda ka bamburu anu langkai.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 50:7

Isemamo koa anu tepohaweako ira, ikaa ira, ka luwuno iwalido mpotae: Nahi kimensala! Hangano mentehala iramo ndi Ondae i Ue, po'iangano menteea, Ondae i Ue, pomperorohiado uempu'udo!

Ponsabangi 2:5

Ondae i Ue gagi kana iwali; Isaraeli Dokaano, rumopuo luwuno po'iangano, rumawo-rawoo luwuno benteno, mokohadioo masusa ka mekohe a ana beine Yehuda.

Ponsabangi 3:3

Menteeano, Dopopotundu-tunduhiakune kae-Do asa oleo.

Yehesikieli 11:9

Aku rumende komiu mpeluarako inso i kota andio ka meweengakomiu a ngkaedo mia hawe ka modontai pohuku ndi omiu.

Yehesikieli 13:8

Onaemo pu'uno, kanandiomo pau-Do Ue Ala, hangano omiu mpohaweo luwuno pau pegaupi ka mpokita mongkona anu nahi mentee, ka Aku gagi ewaimiu, kanandiomo pau-Do Ue Ala.

Yehesikieli 15:7

Ongkue isa'a umewai ira. Maupo domentola inso a api, sine api ta kumaa ira. Komiu mento'orio nine Ongkuemo Ue, tempono Ku'ewai ira.

Yehesikieli 16:41

Ira mesongkoo luwuno rahamu ka medontaiakomu pohuku i arono hadio beine. Kanandiomo Kuweweuko menaa-naa mebelesu ka tambo mebelesu nahi komompowee mbo'u.

Yehesikieli 21:3

Pauakonomo wita Isaraeli: Kanandiomo pau-Do i Ue: Kitao, Aku gagi ewaimu. Aku butao ponaiKu inso a tampino ka mokotampulao inso i tonga-tongamu mia mentee ka mia mosa'o gauno.

Yehesikieli 28:22

ka potaemo: Kanandiomo pau-Do Ue Ala: Kitao, Ongkue gagi ewaimu, hei Sidoni, ka Aku mopokitao maramba-Ku i tonga-tongamu. Ira mento'orio nine Ongkuemo Ue, i tempono Kudontaiakono pohuku ka tumisoo mempori-Ku ndi onae.

Yehesikieli 30:19

Aku modontaiakono pohuku Masiri. Ka ira mento'orio nine Ongkuemo Ue.”

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Yehesikieli 35:3

ka potaemo ndi onae: Kanandiomo pau-Do Ue Ala: Ongkue ta gagi ewaimu, hei torukuno Seiri. Aku tumandeo kae-Ku umewaiko ka weweuko boni-boni ka nahi tepekakaako.

Yehesikieli 39:1

Ka omue, anano mia, pauomo anu ta gagi umewaio i Goge ka potaemo: Kanandiomo pau-Do Ue Ala: Kitao, Aku gagi ewaimu, hei Goge petewawa anu lalu i wawono i wita Meseki ka Tubali.

Yehesikieli 5:15

Omue kogagi tetewehia ka pepaukia, gagi pepopoto'ori ka pu'uno mongkokongiriado luwuno tongku a mpehori-horimu, tempono Kupoweeakomu pohuku a laro ntekuda ka mokulano aroa a laro pontunduhino a mosa'o aroa. Ongkue, Ue, anu pauo,

Nahumi 2:13

Kitao, Aku gagi iwalimu, kanandiomo pau-Do Ueno luwuakoano, Aku tumunuo karetamu gagi ahu, ka ponai ta pingko kumaano singa monguramu; Aku mokotampulao kaangamu inso i wawontolino, ka pepaudo tinenamu nahi ta teronge mbo'u.

I MATIU 22:7

Onaemo ka itekuda mokole atuu, ka i'amba tumena ira sorodaduno melako i ra'ai mpepate ira anu mpompepate atuudo ka mesongkoo kotado.

Winali 29:20

Ondae i Ue nahi Ira umampunio mia atuu. Tekuda ka monsiri-Do i Ue ta tensila ndi onae i tempo atuu. Luwuno sumpa anu teburi a wunta songka andio ta umaluo, ka Ira umoninio i Ue neeno inso i totono langi.