Yehesikieli 5:6 - Wunta Mempori

⁶ Onae umewaomo a luwuno atora-Ku mosa'oopo wineweuno sekonopo luwuno tongku ka a luwuno pompakosi-Ku mosa'oopo wineweuno sekonopo luwuno wita pehori-horino. Menteeano, nahi domentarimao luwuno atora-Ku ka peleludo nahi penunu saru luwuno pompakosi-Ku.

Yehesikieli 5:6 ပူးပေါင်းရင်းမြစ်များ

2 Mokole 21:11

”I Manase mokole i Yehuda moweweuomo luwuno wineweu mokoburu andio, moweweu mosa'o laluaopo sekono luwuno anu wineweudo to Amori anu mese'elungio. Hangano luwuno lahumoano poko'ariano iweweu iramo to Yehuda mpoweweu mbo'u hala.

2 Mokole 21:9

Sine nahi dobehe mpomperorongeako. I Manase sumosaelo ira ranta ka dompoweweu anu mosa'o laluaopo sekono luwuno tongku anu Doropu iramo i Ue inso i arodo to Isaraeli.

Nehemia 9:34

Luwuno mokole ka petewawamami, luwuno sando mpesomba saru uempu'umami nahi domeweweuo songka-Miu. Nahi domperioo luwuno parenta-Miu ka luwuno pepopoto'ori-Miu anu Iweeako ira.

Nehemia 9:35

A mpotorodo gagi mokole, nahi dompesomba ndi Omiu, maupo Ipoweeako iramo hadio moikoa ka mompatindaako ira wita anu molue ka mewalo. Nahi dontepidi inso a luwuno wineweudo anu mosa'o.

Po'unde-unde 106:20

Ue Alado anu maramba domentobosiakono lahumoa sapi lakino anu mongkaa ewo.

Po'unde-unde 78:10

nahi dompe'ini a mpedandia-Do Ue Ala ka nahi dobehe mentuwu montonda Songka-Do.

Peluarakoa 16:28

Onaemo ka Dopepau i Ue ndi Musa, ”Hawe te'ipia nahi mentondao parenta-Ku ka songka-Ku?

Yeremia 11:10

Ondae wali meweweuo sala mpeleludo uempu'udo anu i ndi'ipua nahi dobehe mperorongeakono pau-Ku. Ondae mpetonda a mpinesombai susua ka mpesomba ndi onae. Suku Isaraeli ka suku Yehuda domehapuomo pedandia-Ku anu Kuwutuo saru uempu'udo.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 8:5

Tembio ka dompewolili tongku andio, luwuno ihino Yerusale mpewolili mpiha? Ondae mpe'ini a pompopo'oo, nahi dobehe mpekule.

Yeremia 9:6

Pompokonsiia i wawono pompokonsiia, pompopo'oo i wawono pompopo'oo! Nahi domebehe mento'ori Aku, kanandiomo pau-Do i Ue.

Yehesikieli 11:12

Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yehesikieli 16:51

Samaria nahi poweweu maupo entongano inso a luwuno halamu, tendeano omue moweweu hadioopo mokoburua sekono ondae orua ira, ranta saru luwuno mokoburua anu wineweumu, omue weweu ira akamu beine tengkita mentee.

Danieli 9:15

Onaemo pu'uno, oo Ue, Ue Alamami, anu iwawaako iramo kae anu moroso bawaa-Miu mpeluarako inso i wita Masiri ka weweuo nee-Miu telele kana a oleo andio, mpoweweu kamimo hala, mpoweweu kamimo gau mosa'o.

Danieli 9:5

Mpoweweu kamimo hala ka sala, mpoweweu kamimo gau mosa'o ka me'ewa, mepansia kamimo inso a parenta-Miu ka atora-Miu.

Danieli 9:8

Oo Ue, omami, luwuno mokolemami, luwuno petewawamami ka ondae amamami tekonaomo kimemokoko'ii, hangano mpoweweu kamimo hala ndi Omiu.

Sakaria 7:11

Sine nahi dobehe pomperio, pompembuu-mbuu ira, me'ewa ka mpompebongo-bongo kasi domporonge.

1 KORINTI 5:1

Lano domerongeo mia, nine hinao pebelesua i olomiu, ka pebelesua anu kanatuu, kana komba hina hinawe maupo i olodo tongku anu nahi domento'ori Ira Ue Ala, onaemo nine hinao mia anu tuwu saru kombiano amano.

YUDASI 1:4

Hangano mengkaa hinao mia susua anu mewinsoomo nahi teto'ori i tonga-tongamiu, onaemo mia anu tehineomo domempinakosi ka domehinuku. Ondaemo mia anu mosa'o gaudo, anu mensala pakeo pe'aroa-Do Ue Alato ka dompoweweu po'eheno aroado, ka anu mehapuo asa-asa-Do Anu Pabawa ka Ueto, i Yesu Kerisituu.