Yehesikieli 5:2 - Wunta Mempori

² Asa ntia otolu asalakono ka utunuo a api i tonga-tongano kota atuu umarino tampulaomo tempo pongkadua; asa ntia otoluno mbo'u asalakono alao ka utotopiakono ponai atuu lumimbuo kota; ka asa ntia otoluno mbo'u rawoomo a angi ka Aku butao ponai i bungkudo.

Yehesikieli 5:2 ပူးပေါင်းရင်းမြစ်များ

Yeremia 13:24

Aku rumawo ira kana ota anu pinaneeno angi i pada one.

Yeremia 15:2

Tewala mpesikeno ira ndi omue, ’Isuake asalakono kami melako?’ Pauako iramo, ’Kanandiomo pau-Do i Ue: Anu tinantui tiano matea, lakomo a matea! Anu tiano ponai, lakomo a mponai! Anu tiano mokoninggoa, lakomo a mokoninggoa! Ka anu tiano gagi tinawa, lakomo a pontawaa!’

Yeremia 24:10

Aku mompotii ponai, mokoninggoa ka haki lele i olodo, ranta ka domepingko pinokotampula inso i wita anu Kuweeako iramo ndi ondae ka uempu'udo.”

Yeremia 38:2

”Kanandiomo pau-Do i Ue: Isema anu mo'ia a ngkota andio ta mateako ponai, mokoninggoa ka haki lele. Sine, isema anu lumako a nto Kasidimi, onae ta kongko tuwu. Penaano onaeno anu kinaduduino ka onae kongko tuwu.

Yeremia 39:1

Tempono Yerusale pinongko'ala, a nta'u ko'osio poparentaano i Sedekia, a wula kohopulu, haweomo i Nebukanesa, mokole i Babeli, saru luwuno sorodaduno ta kumaduo Yerusale.

Yeremia 39:2

A nta'u kohopulu ka asa poparentaano i Sedekia, a wula ko'opaa, tanggala osio wula atuu, rere watuno kota atuu rinongka.

Yeremia 9:15

Onaemo pu'uno kanandiomo pau-Do Ueno luwuakoano, Ue Alado to Isaraeli: Menteeano, Aku weweuo tongku andio mpongkaa rasu mopa'i ka mpo'inu uwoi merasu.

Yeremia 9:16

Aku sumiarawo ira i olodo luwuno tongku anu nahi domento'orio ke maupo uempu'udo. Aku mo'oliwi ponai lumampui ira ranta ka Kupingko ira.

Yehesikieli 12:14

Luwuno anu pehori-horino, luwuno anu pompokowali ka sorodaduno, Aku sumiarawoo a luwuno mata angi ka Aku butao ponai i bungkudo.

Yehesikieli 17:21

Luwuno sorodadu bininiki ira memateako ponai ka anu tola ta siniarawo a luwuno mata angi. Ka komiu mento'orio nine Ongkuemo Ue, anu pauo.

Yehesikieli 5:10

Onaemo pu'uno, i olomiu ama ta kumaano anano ka ana ta kumaano amano. Aku modontaiakomu pohuku ka sumiarawoo luwuno anu tebinta inso ndi omue a luwuno siuno angi.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Yehesikieli 5:3

Omue asalakono mo'ala tedei inso a wuu atuu ka tumongoo a tompa hawumu.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 9:4

Maupo dompelempa gagi mia tinawa i arono iwalido, Aku parentao ponai mepate ira i ra'ai. Aku mensiroi ira ka domemasola ka komba moikoa.”

Sakaria 13:8

Ka a luwuno wita, kanandiomo pau-Do i Ue, orua ntia otolu inso i olono ta pinokotampula ka ropu, sine asa ntia otolu inso i olono ta kongko mo'ia i tu'ai.