Yehesikieli 5:13 - Wunta Mempori

¹³ Aku motiio tekuda-Ku ndi ondae, ranta ka imorini mokulano aroa-Ku ka teende Akumo. Ira mento'orio nine Ongkuemo Ue anu pauo a laro pompemasusa-Ku, tempono Kupotiio mosa'ono aroa-Ku ndi ondae.

Yehesikieli 5:13 ပူးပေါင်းရင်းမြစ်များ

Yesaya 1:21

Adoo, kota anu i ndi'ipua metenunu kanandio-andio gagiomo belesu! Hieno buke moleoa, menteea mo'ia i larono, sine kanandio-andio bukeako puu pompepate.

Yesaya 1:24

Ondaemo pu'uno, kanadiomo pau-Do i Ue, Ondae Ueno luwuakoano, Anu Tedoa Moroso, Puu Pongkaduduido to Isaraeli; ”Petangkoro, Aku motiio tekuda-Ku a luwuno iwali-Ku, ka mombalo a luwuno iwali-Ku.

Yesaya 59:17

Dopokonao moleoa kana lemba labu ka songko tekaduduia a ulu-Do; Dopokonao sangka pombaloa ka mesoumbuako kohili kana lemba meloe.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yeremia 15:9

Beine anu pepintumo ipe'ana ta me'i'isei, ka penaano kongasa-ngasa. Ndi onae mata'oleo sumoomo tekonai da meene, onae gagi mokoko'ii ka ipemoteweomo koroino. Anu da tebinta inso ndi ondae Aku meweengako ira a mponai i arono luwuno iwalido, kanandiomo pau-Do i Ue.”

Yeremia 25:12

Umarino sompo pitu pulu nta'u atuu, kanandiomo pau-Do i Ue, Aku moweweu pombaloa ndi mokole i Babeli ka tongku atuu hangano salado, saru mbo'u witado to Kasidimi, saru weweuo gagi po'ianga anu boni-boni anu nahina tampulaano.

Ponsabangi 4:11

Ondae i Ue motolao luwuno tekuda-Do, umuwuo tekuda-Do anu tensila, ka mokomelangao api i Sioni, anu kumaano luwu empehino.

Ponsabangi 4:22

Tepahihiomo salamu, ana beine Sioni, nahi Ira wawako mbo'u i Ue a laro pontadia, sine salamu, ana beine Edomi, Ira sumuloo, ka luwuno halamu Ira mosabao.

Yehesikieli 13:15

Kanatuumo Aku motiio tekuda-Ku a rere watu atuu ka ndi ondae anu mengkapuruo. Aku mepau ndi omue: Pokotampulaomo rere watuno ka pokotampula iramo mia anu mengkapuruo.

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 16:42

Kanatuumo Kupotiio tekuda-Ku ndi omue, onaemo ka itemonto mosiri-Ku ndi omue; ka Ku'amba momperodo ka nahi Kutekuda mbo'u.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Yehesikieli 17:21

Luwuno sorodadu bininiki ira memateako ponai ka anu tola ta siniarawo a luwuno mata angi. Ka komiu mento'orio nine Ongkuemo Ue, anu pauo.

Yehesikieli 20:21

Sine luwuno anado me'ewa ndi Ongkue, nahi domentuwu montonda luwuno pompakosi-Ku, ka nahi dompe'ini a luwuno atora-Ku ka domeweweuo, kahinaano mia anu weweuo ta tuwu. Ondae mbo'u mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae, motiio tekuda-Ku ndi onae i pada one.

Yehesikieli 20:8

Sine, ondae me'ewa ndi Ongkue ka nahi dobehe meronge Aku. Sompo mia nahi tadi ira pinesombaino anu mokoburu, ba isua ite'aro matano, ka nahi binta ira lahumoado to Masiri. Ka Kupontoo umuwuo tekuda-Ku ndi ondae, motiio tekuda-Ku ndi onae i tonga-tongano wita Masiri.

Yehesikieli 21:17

Ongkue mbo'u montopa kae ka tekuda-Ku gagi wali temonto. Ongkue, Ue, anu pauo.”

Yehesikieli 21:22

A ngkae koanano tedonta ana mpana anu nahi manasa mongkona Yerusale: ka ipoporongeo suarano mia anu mompepate ka mebooliako pohio peteaa, ka ipinotuda luwuno parewa porumpa pewowa langkai ka mohowu wita gagi rere watu pongkadua ka mowangu bente pongkadua.

Yehesikieli 23:25

Aku mombaloakono mosiri-Ku ndi omue, ka ira meweweuko a laro ntekuda, enge ka birimu ira menseseio ka ondae anu da tebinta i olomiu ira memate tebangkuako ponai. Ondae merako ira anamu tama ka beine ka toreano i olomiu ta kumaano api.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Yehesikieli 43:8

ke saru menaao montoweano pewowado umpeda montoweano pewowa-Ku ke montade ira karuno pewowado umpeda karuno pewowa-Ku ranta butu rere anu umoloti Aku inso ndi ondae. Saru luwuno wineweudo anu mokoburu, ondae mengkokoburutio nee-Ku anu mempori, onaemo ka Kupingko ira a laro ntekuda-Ku.

Yehesikieli 6:10

Ira mento'orio nine Ongkuemo Ue ka komba kopau-pau mpena tewala mepau Aku ka domempinoweeako masolaa andio ndi ondae.”

Yehesikieli 6:12

Mia anu olai ta mate hangano haki lele, anu umpeda ta tebangkuako ponai, ka mia anu tola saru tepekaria ta mate hangano mokoninggoa. Kanatuumo Aku motiio mosa'ono aroa-Ku ndi ondae.

Yehesikieli 7:3

Kanandio-andio umariamu hawe ka Aku umuwuo tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Yehesikieli 7:8

Kanandio-andio Aku ronga umuwuo mosa'ono aroa-Ku ndi omue ka motiio tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 9:2

a nta'u amba-ambano poparentaano atuu, ongkue, i Danieli, mepenteeo a Wunta Mempori porokono ta'u anu montonda pau-Do i Ue ndi Nabi Yeremia ta gagi a nterawo-rawono Yerusale, hadiono pitu pulu nta'u.

Hosea 10:10

Montonda po'ehe-Ku Aku sumepi ira. Luwuno tongku ira mpepumpu umewai ira, tempono domensinepi hangano hadiono salado.

Sakaria 6:8

Ka i'amba mebooli ndi ongkue, ”Kitao, ondae anu mpeluarako melako i Wita Utara atuu ira mpokorodoo Penaa-Ku i Wita Utara.”

Winali 28:63

Kana mawongko-Do i Ue ndi omiu, Ira moweweu moiko ndi omue ka weweukomiu mehadio, kanatuumo mawongko-Do i Ue ndi omiu Ira sumolangi komiu ka rumopukumiu. Komiu mebinuta inso a wita, ba isua komiu melako mpetorokio.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.