Yehesikieli 5:12 - Wunta Mempori

¹² Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Yehesikieli 5:12 ပူးပေါင်းရင်းမြစ်များ

Yesaya 1:24

Ondaemo pu'uno, kanadiomo pau-Do i Ue, Ondae Ueno luwuakoano, Anu Tedoa Moroso, Puu Pongkaduduido to Isaraeli; ”Petangkoro, Aku motiio tekuda-Ku a luwuno iwali-Ku, ka mombalo a luwuno iwali-Ku.

Yeremia 13:24

Aku rumawo ira kana ota anu pinaneeno angi i pada one.

Yeremia 14:12

Maupo domempuasa, nahi Aku merorongeakono peboolido. Maupo dompopesombaako pesomba tinunu ka pesomba kaanga, nahi Aku memoiko ira. Tendeano Aku mokopingkoako ira ponai, saru mokoninggoa ka haki lele.”

Yeremia 15:2

Tewala mpesikeno ira ndi omue, ’Isuake asalakono kami melako?’ Pauako iramo, ’Kanandiomo pau-Do i Ue: Anu tinantui tiano matea, lakomo a matea! Anu tiano ponai, lakomo a mponai! Anu tiano mokoninggoa, lakomo a mokoninggoa! Ka anu tiano gagi tinawa, lakomo a pontawaa!’

Yeremia 15:9

Beine anu pepintumo ipe'ana ta me'i'isei, ka penaano kongasa-ngasa. Ndi onae mata'oleo sumoomo tekonai da meene, onae gagi mokoko'ii ka ipemoteweomo koroino. Anu da tebinta inso ndi ondae Aku meweengako ira a mponai i arono luwuno iwalido, kanandiomo pau-Do i Ue.”

Yeremia 21:9

Isema anu mo'ia a ngkota andio ta mate hangano ponai, mokoninggoa ka haki lele; sine isema anu meluarako inso i ndi'ai ka meweengakono koroino a nto Kasidimi anu kumadu komiu, onae kongko tuwu; penaano onaeno anu gagi rontuano.

Yeremia 24:10

Aku mompotii ponai, mokoninggoa ka haki lele i olodo, ranta ka domepingko pinokotampula inso i wita anu Kuweeako iramo ndi ondae ka uempu'udo.”

Yeremia 42:22

Onaemo pu'uno, penootiomo tementee, nine komiu memate hangano ponai, mokoninggoa ka haki lele a mpo'ianga anu kinekewoimiu komiu mpo'ia gagi mia hawe i ra'ai.”

Yeremia 44:27

Menteeano Ongkue mepatinda mompotii masolaa ndi ondae ka komba moikoado. Sompo to Yehuda anu kongko i wita Masiri ta piningkoako ponai ka mokoninggoa hawe ka domeropu.

Yeremia 9:15

Onaemo pu'uno kanandiomo pau-Do Ueno luwuakoano, Ue Alado to Isaraeli: Menteeano, Aku weweuo tongku andio mpongkaa rasu mopa'i ka mpo'inu uwoi merasu.

Yeremia 9:16

Aku sumiarawo ira i olodo luwuno tongku anu nahi domento'orio ke maupo uempu'udo. Aku mo'oliwi ponai lumampui ira ranta ka Kupingko ira.

Yehesikieli 12:14

Luwuno anu pehori-horino, luwuno anu pompokowali ka sorodaduno, Aku sumiarawoo a luwuno mata angi ka Aku butao ponai i bungkudo.

Yehesikieli 14:17

Ke tewala Kuwawao ponai umewaio wita atuu ka Kupepau: Hei ponai, pelakopimo a wita atuu, ka Kupokotampulao mia ka kondehora i ra'ai,

Yehesikieli 14:19

Ke tewala Kupotiio haki lele i wita atuu ka umuwuo tekuda-Ku ndi onae ranta ka iwaa rea mokotampulao mia ka kondehora inso i wita atuu,

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 16:42

Kanatuumo Kupotiio tekuda-Ku ndi omue, onaemo ka itemonto mosiri-Ku ndi omue; ka Ku'amba momperodo ka nahi Kutekuda mbo'u.

Yehesikieli 21:22

A ngkae koanano tedonta ana mpana anu nahi manasa mongkona Yerusale: ka ipoporongeo suarano mia anu mompepate ka mebooliako pohio peteaa, ka ipinotuda luwuno parewa porumpa pewowa langkai ka mohowu wita gagi rere watu pongkadua ka mowangu bente pongkadua.

Yehesikieli 24:13

Hangano omue kumokoburutiakono mokoburua koroimu, onaemo pu'uno inehe-Ku mokomorinako, sine omue nahi gagi morina inso a mokoburumu. Omue nahi kopinokomorina mbo'u hawe ka itemonto tekuda-Ku ndi omue.

Yehesikieli 33:27

Pauako iramo kanandio: Kanandiomo pau-Do Ue Ala. Hangano Ongkue anu tuwu, mia anu mpo'ia a nterawoano ira memate ntebangkuako ponai. Luwuno mia anu mpada Aku weengako ira a ngkondehora mo'ila gagi kaangado. Luwuno mia anu a laro bente ka kunepo ira memateako haki lele.

Yehesikieli 36:19

Aku sumiarawo ira i olodo luwuno tongku, ranta ka dontesiarawo i luwuno wita. Aku bitara ira menunu saru pelelu ka poweweudo.

Yehesikieli 43:8

ke saru menaao montoweano pewowado umpeda montoweano pewowa-Ku ke montade ira karuno pewowado umpeda karuno pewowa-Ku ranta butu rere anu umoloti Aku inso ndi ondae. Saru luwuno wineweudo anu mokoburu, ondae mengkokoburutio nee-Ku anu mempori, onaemo ka Kupingko ira a laro ntekuda-Ku.

Yehesikieli 5:10

Onaemo pu'uno, i olomiu ama ta kumaano anano ka ana ta kumaano amano. Aku modontaiakomu pohuku ka sumiarawoo luwuno anu tebinta inso ndi omue a luwuno siuno angi.

Yehesikieli 5:17

Aku mompotiiakomu mokoninggoa ka luwuno kondehora lambaha i tonga-tongamu, anu ta rumopu ira anamu. Haki lele ta lumele ka rea ta waa i tonga-tongamu ka Aku mompotiiakomu ponai, Ongkue, Ue, anu pauo.”

Yehesikieli 5:2

Asa ntia otolu asalakono ka utunuo a api i tonga-tongano kota atuu umarino tampulaomo tempo pongkadua; asa ntia otoluno mbo'u asalakono alao ka utotopiakono ponai atuu lumimbuo kota; ka asa ntia otoluno mbo'u rawoomo a angi ka Aku butao ponai i bungkudo.

Yehesikieli 6:8

Sine, asa ntia inso ndi omiu anu tola inso a mponai, Aku mo'ineeo tuwu i olodo luwuno tongku, tempono imensiniarawo a luwuno wita atuu.

Yehesikieli 7:15

Ponai kongko i bungkuno kota, haki lele ka mokoninggoa kongko i larono. Ba isema i bungkuno kota ta mateako ponai, ka ba isema i laro kota ta mate hangano mokoninggoa ka haki lele.

Yehesikieli 7:3

Kanandio-andio umariamu hawe ka Aku umuwuo tekuda-Ku ndi omue. Aku bitarako menunu saru pelelumu ka mombalo ndi omue luwuno wineweumu anu mokoburu.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 9:4

Maupo dompelempa gagi mia tinawa i arono iwalido, Aku parentao ponai mepate ira i ra'ai. Aku mensiroi ira ka domemasola ka komba moikoa.”

Amosi 9:9

”Hangano menteeano, Kuparenta ira, ka Aku dumuku ira tongku Isaraeli i olono luwuno tongku, kana mia montirisaako pontirisa, ka nahina maupo te'asa one anu tedonta a wita.

Sakaria 7:14

Onaemo pu'uno Kusiarawoako ira angi lompiu i olodo luwuno tongku anu nahi domento'orio. Sa'umarino wita atuu gagi boni-boni, ranta nahina anu wela telalo i ra'ai. Kanandiomo domeweweuo wita anu tekosi atuu gagi po'ianga anu boni-boni.”

Winali 28:65

Nahi komiu mpohawe rodoa i olodo luwuno tongku atuu ka nahi ta hina penaa-naano pelengkarumiu. I ra'ai Ira moweeakomiu i Ue aroa anu nahi rodo, mata anu mo'o'au ka sumanga anu me'i'isei.

MENGKAAA 6:8

Ka kukitao: Menteeano, hinao aasa ngara molowulu mongkuni ka mia anu mesawikio meneeako i Matea ka poparentaano matea tumondao. Ka ndi ondae mempinoweeako pabawa a asa ntia opaano tolino ka dompompepateako ponai, ka mokoninggoa ka haki lele, ka saru luwuno kondehora lambaha anu i tolino.