Yehesikieli 47:8 - Wunta Mempori

⁸ Onae mepau ndi ongkue, ”Korono andio waa i wita sabaano oleo, metii i Araba-Yarade, ka menganga i Tahi Mopa'i, uwoi anu me'ohia hadio ka uwoi atuu gagi motewe.

Yehesikieli 47:8 ပူးပေါင်းရင်းမြစ်များ

Peluarakoa 15:25

Mebo-booliomo i Musa ndi Ondae i Ue, ka Ondae i Ue tumisoakono asa mpole keu. Ipewunoakono i Musa keu atuu a laro uwoi, uwoi atuu gagi mo'ahi dome'inuo. I ra'aimo Dopoweeako ira i Ue luwuno songka ka atora. I ra'aimo Do'arahako ira,

Yesaya 35:1

Pada one ka wita motu'i ta mo'unde, pada malua ta kokora-kora ka mensisi;

Yesaya 35:6

I tempo atuu mia pungku ta melonso-lonso kana rusa ka ngangano mia bebe ta kokora-kora; hangano mata uwoi mesumpiri i pada one, ka korono a mpada malua.

Yesaya 35:7

Wita me'one anu mokula-kula ta gagi limbo, ka wita londa gagi insoano uwoi; a mpepomboleano serigala ta tuwu intowu ka tole balaba.

Yesaya 43:20

Kondehora mo'ila ira mpelangkai Aku, serigala ka manu-manu unta, hangano Ongkue weweuo uwoi mesumpiri i pada one ka hadio korono a mpada malua, mopo'inu ira bawaa bininiki-Ku;

Yesaya 49:9

ka domempinauako mia anu nte'uko: Peluarakomo! a mia anu mekongko a laro wongi-wongi: Aiwamo! A luwuno sala tinondado mpohawe ira tonga mpada, ka maupo a luwuno pongku londa tepatinda pada pompakambia.

Yeremia 31:9

Saru mpengese ira me'aiwa, saru mepepehohawa Aku wawa ira; Aku wawa ira a luwuno korono, a nsala anu merete, i ra'ai nahi ira ntetidu; hangano Ongkuemo amano i Isaraeli, ka i Eparai ana aka-Ku.

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

I MATIU 13:15

Hangano aroano tongku andio momaluomo, ka birido nahi poronge lahi, ka matado metako tepusu; ka si domengkitaakono matado ka merongeakono birido ka mpokonto'oriakono aroado, ka do'amba mpepokule ranta ka Kupokotompa ira.

I YOHANE 5:4

Hangano metempo-tempo mala'eka-Do i Ue metii a limbo atuu ka ileluao uwoi atuu; ba isema anu tese'elu mewinso i larono umarino melelu uwoi atuu, gagi tompa, hapamo koa hakino.

Winali 3:17

Araba-Yarade ka Koro Yarade mbo'u gagi petidaa, mompu'u inso i Kinereti hawe a Ntahi Araba, Tahi Me'ohia atuu, a mpuu Torukuno Pisigaa te'aro i sabaano oleo.

Winali 4:49

saru luwuno lembono i asatowano Koro Yarade, i sabaano oleo, hawe i Tahi Araba, a mpuu Torukuno Pisiga.

Yosua 3:16

Menaa-naaomo uwoi atuu waa. Uwoi metii inso iwawono te'ili gagi bunto olai ntu'u, umpeda i Adama, kota anu asambalino Saritani, sine uwoi anu waa lako i Tahi Araba atuu, anu nineeako Tahi Me'ohia te'otuhi. Mpesakiako iramo tongku atuu i asambalino kota Yeriko.