Yehesikieli 47:1 - Wunta Mempori

¹ Ka i'amba wawa aku mekule a mpewowano Raha Mempori, ka mentee ntu'u, hinao uwoi meluarako inso i totono montoweano pewowa a Raha Mempori atuu ka waa te'aro i sabaano oleo, hangano Raha Mempori mbo'u me'aro i sabaano oleo. Uwoi atuu waa inso i totono koanano Raha Mempori i selatano meda pontunua pesomba.

Yehesikieli 47:1 ပူးပေါင်းရင်းမြစ်များ

Po'unde-unde 46:4

maupo mowo langkai ka mewure uwoino, maupo luwuno torukuno leelu hangano pebundeno. Sela

Po'unde-unde 46:5

Hinao asa korono, luwuno waaano mokonsanaao kota-Do Ue Ala, po'ianga mempori-Do Anu Tedoa Mempori.

Po'unde-unde 87:7

Kontongaano mpo'ense-ense mia mpenani, ”Luwuno mata uwoiku kongko i laromu.”

Yesaya 2:3

ka hadio sukuno tongku ira melako saru mpotae, ”Aiwa, tompewuatako a ntorukuno-Do i Ue, a raha-Do Ue Alano i Yako, ka Dopaguruakita luwuno pesalaa-Do, ka tompesala a mpesalaa-Do; hangano inso i Sioni ta saba pompaguru ka pau-Do i Ue inso i Yerusale.”

Yesaya 30:25

I wawono sompo torukuno anu mantande ka sompo pongku anu telanso ta mompowaa uwoi a oleo pompepatea anu langkai, tempono dontehoa menara.

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Yeremia 2:13

Hangano bawaa-Ku mpoweweu orua rupa wineweu mosa'o: domebinta Aku, insoano uwoi tuwua, ka mpokeke ponaapado uwoi, ponaapa anu telompa, anu nahi pokomponaa uwoi.

Yehesikieli 40:6

Ka i'amba hawe a mpewowa langkai anu me'aro i sabaano oleo ka mewuatako a luwuno ensano, isongkao montoweano pewowa langkai atuu: maluano asa tuko.

Yehesikieli 41:2

Maluano pewowa atuu hopulu hiku ka maluano rereno horino olima hiku i asambalino i ndi'ai ka olima hiku i asambalino raane. Isongkao mbo'u bolongko langkai, ondauno pato pulu hiku ka maluano rua pulu hiku.

Yehesikieli 46:24

Onae mepau ndi ongkue, ”Ndiomo awu ponahua, po'iangado anu mpo'angga a Raha Mempori menahuo pesomba sinumbeledo bawaa.”

Yehesikieli 47:12

A orua wiwino korono atuu tuwu mperupa-rupa keuno wua kaanga anu leweno nahi moleu ka wuano nahi hori pingko. Sompo wula keu atuudo mehasiliako wua anu wo'ohu, hangano mohawe uwoi inso a mpo'ianga mempori atuu. Wuano gagi kaanga ka leweno gagi pakuli.”

Yehesikieli 47:2

Ka i'amba wawa aku meluarako telalo a mpewowa langkai utara ka wawa aku mebolili i bungkuno te'aro a mpewowa langkai i bungkuno anu me'aro i sabaano oleo, mentee ntu'u, uwoi atuu mebula-bulangga inso i selatano.

Yoeli 3:18

Ia tempo atuu luwuno torukuno ta mompo'iti anggoro wo'ohu, luwuno pongku wita mompowaa susu, ka luwuno korono mo'are i Yehuda ta mompowaa uwoi; mata uwoi ta me'umbaako inso a raha-Do i Ue ka bahoo lembono Sitimi.

Sakaria 13:1

”I tempo atuu ta te'ungkahi asa mata uwoi tiano somborino i Daudi ka palilino Yerusale gagi powo'ohi hala ka mokoburua.

Sakaria 14:4

I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.

MENGKAAA 22:17

Penaa ka umbu ngkoroi beine atuu motae, ”Aiwamo!” Ka ba isema anu rumongeo, ka ipotaemo, ”Aiwamo!” Ka ba isema anu mokoranga, ka i'aiwamo, ka ba isema anu behe, ka i'alaomo mpena uwoi tuwua!