Yehesikieli 43:2 - Wunta Mempori

² Mentee ntu'u, maramba-Do Ue Alado to Isaraeli hawe inso i sabaano oleo, suara-Do kana u'uruno uwoi mentoa, ka tolino mewanta hangano maramba-Do.

Yehesikieli 43:2 ပူးပေါင်းရင်းမြစ်များ

Yesaya 17:12

Masola ntu'u, rurunduno hadio tongku, rurundu kana rurunduno bombano ntahi! U'urudo suku tongku, umu'uru kana u'uruno uwoi anu mongkokongiri!

Yesaya 6:3

Ondae mpebooli mpesangki-sangki, ”Mempori, mempori, mempori Iramo Ueno luwuakoano, asa wawontolino buke maramba-Do!”

Yehesikieli 1:24

Tempono dompelempa, kurongeo unino panino kana unino uwoi mentoa anu u'uru, kana suara-Do Anu Tedoa Pabawa, kana suara magagado sorodadu. Tempono dompenaa-naa, ipo'inee panino telupe.

Yehesikieli 1:28

Kana longkuno toro'ue, anu tengkita a nseru tempono usa, kanatuumo tengkita wanta anu lumimbuo. Kanatuumo tengkita rupano maramba-Do i Ue. Tempono kukitao ongkue menggolontu mesomba, ka ku'amba rumongeo suara-Do anu mepau.

Yehesikieli 10:4

Ka i'amba maramba-Do i Ue mewuatako inso i wawono kerubi te'aro i wawono montoweano pewowa Raha Mempori. Raha Mempori andio ibuketio seru atuu ka kintalano bukeako pansarino maramba-Do i Ue.

Yehesikieli 11:22

Luwuno kerubi atuu mentandeo panido, ka luwuno bolano melelu meronga ondae, kontongaano maramba-Do Ue Alado to Isaraeli kongko i wawodo.

Yehesikieli 11:23

Ka i'amba maramba-Do Ue Ala mewuatako inso i tonga-tongano kota ka menaa-naa a wawo ntorukuno i sabaano oleo kota.

Yehesikieli 3:23

Lumako akumo i lembono. Menteeano, maramba-Do i Ue tengkita i ra'ai kana maramba anu umari kinitaku umpeda a Ngkoro Kebari, ka ku'amba menggolontu mesomba.

Yehesikieli 43:4

Maramba-Do i Ue mewinso a laro Raha Mempori telalo a mpewowa langkai anu me'aro i sabaano oleo.

Yehesikieli 44:2

Ka Do'amba i Ue mepau ndi ongkue, ”Pewowa langkai andio asalakono tetondo mpiha, si inungkahi ka si hina maupo te'asa mia mewinso inso i tu'ai, hangano Ondae i Ue, Ue Alado to Isaraeli, mewinso Iramo telaloio; onaemo pu'uno pewowa langkai atuu asalakono tetondo mpiha.

Yehesikieli 9:3

I tempo atuu maramba-Do Ue Alado to Isaraeli tetandeomo inso a wawo kerubi, po'iangano amba-ambano, a wawo montoweano pewowano Raha Mempori ka Dopoboio mia anu mesangka lena ka hinao parewa mpoburi a ntongano.

Habaku 2:14

Hangano tolino ta bukeako ponto'ori mongkona maramba-Do i Ue, kana uwoi tumutuwio tahi molue.

Habaku 3:3

Ondae Ue Ala aiwa inso i wita Temani, Anu Tedoa Mempori inso a mentorukuno Parani. Sela Langkaino pabawa-Do buketio langi, ka tolino bukeako po'unde-unde ndi Ondae.

Habaku 3:4

Hinao tesangkilo kana wanta, pansario wanta inso a ngkae-Do ka i tu'aimo itewuni roso-Do.

I YOHANE 12:41

Mongkona andio ipauo i Yesaya, hangano ikitaomo maramba-Do ka mepauomo mongkona Ondae.

MENGKAAA 1:15

Ka karu-Do mangkilo kana mala motaha a laro api; suara-Do kana u'uruno lolowi.

MENGKAAA 14:2

Ka kurongeo aasa suara inso i langi kana unino lolowi ka kana u'uruno rundu anu mongkokongiri. Ka suara anu rinongeku atuu kana unino anu mpemae katapi mpemaeakono katapido.

MENGKAAA 18:1

Ka i'amba umarino atuu kukitao aasa mala'eka susua metii inso i suruga. Onae hinao pabawa langkai ka tolino gagi mewineako marambano.

MENGKAAA 19:1

Ka i'amba umarino atuu kurongeo kana suara anu meroku inso a tepumpua langkai mia hadio i suruga, dompotae, ”Haleluya! Tekaduduia ka marambaa ka pabawa onaemo ndi Ondae Ue Alato,

MENGKAAA 19:6

Ka ku'amba rumongeo kana suarano mia hadio a tepumpua langkai, kana unino lolowi ka kana u'uruno rundu anu meroku, dompotae, ”Haleluya! Hangano Ondae i Ue, Ue Alato, Anu Tedoa Pabawa, gagi Iramo mokole.

MENGKAAA 21:11

Kota atuu bukeako maramba-Do Ue Ala ka wantano mengkena kana paramata anu lalu tekosi, kana paramata yasapisi, molino kana tami.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.