Yehesikieli 41:1 - Wunta Mempori

¹ Ka i'amba wawa aku i larono bolongko langkaino Raha Mempori ka isongkao karuno rere watuno. Karuno rere watu anu i asambalino i ndi'ai onoo hiku mokapano ka anu i asambalino raane onoo hiku mbo'u.

Yehesikieli 41:1 ပူးပေါင်းရင်းမြစ်များ

1 Mokole 6:1

A nta'u kopato etu ka halo pulu umarido mpeluarako to Isaraeli inso i wita Masiri, a nta'u ko'opaa umarino i Salomo gagi mokole i Isaraeli, ilarono wula Siwa, wula ko'orua, i Salomo mompu'u mowangu raha tia-Do i Ue.

1 Mokole 6:2

Raha anu winangudo mokole Salomo tia-Do i Ue atuu, nomo pulu hiku ondauno, rua pulu hiku maluano ka tolu pulu hiku mantandeno.

Yehesikieli 40:17

Ka i'amba wawa aku a kintala i bungkuno, mentee ntu'u, lumimbuo kintala atuu hinao ba opia bolongko, porokono tolu pulu. Bolongko atuudo winangu i wawono asa horo watu.

Yehesikieli 40:9

ka karu rere watuno orua hiku, ka bansalano pewowa langkai atuu kongko i larono.

Yehesikieli 41:21

Luwuno karu pewowano bolongko langkai tadeno mensiu opaa. I arono bolongko tedoa mempori tengkita asa anu kana tadeno

Yehesikieli 41:23

Bolongko langkai hinao orua pewowa, bolongko anu tedoa mempori:

Yehesikieli 41:3

Ka i'amba lumako a bolongko i larono. Isongkao karuno rere watuno: mokapano orua hiku, ka maluano pewowano onoo hiku ka maluano rereno horino opitu hiku i asambalino i ndi'ai ka opitu hiku i asambalino raane.

Yehesikieli 42:1

Ka i'amba wawa aku a kintala i bungkuno te'alaako i utara ka iwawa aku a bolongko anu tepo'aro saru kintala rinere ka winangu i utarano.

1 PETURU 2:5

Ka po'ineeomo omiu mbo'u mempinake kana watu tuwu powangu aasa raha rohani, tiano aasa imama mempori, ka ipinesombaako pesomba rohani anu hangano Ondae i Yesu Kerisituu Dopemoiko Ira Ue Ala.

MENGKAAA 21:15

Ka onae, anu mepauakune, hinao aasa tuko posongka inso a wulaa ta sumongkao kota atuu saru luwuno pewowa langkaino ka rere watuno.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.

MENGKAAA 3:12

Ba isema monangi, onae Aku mokogagio karuno a laro Raha Mempori-Do Ue Ala-Ku, ka onae nahi ta meluarako mbo'u inso i tu'ai; ka ndi onae Aku burio nee-Do Ue Ala-Ku, neeno kota-Do Ue Ala-Ku, onaemo Yerusale wo'ohu, anu metii inso i suruga inso ndi Ondae Ue Ala-Ku, ka nee-Ku anu wo'ohu.