Yehesikieli 40:4 - Wunta Mempori

⁴ Mia atuu mepau ndi ongkue, ”Hei anano mia, kitaomo saru pepenteeo ka perorongeakono ntu'u ka pekokoongakono temoiko luwuakoano anu Aku mopokitao ndi omue. Hangano, onaemo pu'uno omue winawa i ndi'ai, ka kupopokitao luwuno atuu ndi omue. Pauako iramo luwuno anu kinitamu a nsuku Isaraeli.”

Yehesikieli 40:4 ပူးပေါင်းရင်းမြစ်များ

Yesaya 21:10

Hei tongkuku anu tinunduhi ka linolanda! Hapa anu rinongeku inso ndi Ondae Ueno luwuakoano, Ue Alado to Isaraeli, kupauakomumo.

Yeremia 26:2

Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau!

Yehesikieli 2:1

Ondae i Ue mepau ndi ongkue, ”Hei anano mia, pentademo. Aku mepau saru omue.”

Yehesikieli 2:3

Pau-Do ndi ongkue, ”Hei anano mia, Kutenako a nto Isaraeli, a tongku mpe'ewa anu me'ewa iramo ndi Ongkue. Ondae ka uempu'udo mpe'ewa iramo ndi Ongkue, hawe mbo'u oleo andio.

Yehesikieli 3:17

”Hei anano mia, Kupakosikomo gagi anu dumagaio suku Isaraeli. Tewala omue moronge pau inso a nganga-Ku, pauako iramo ntu'u a nee-Ku.”

Yehesikieli 43:10

Omue, hei anano mia, pauako iramo suku Isaraeli mongkona Raha Mempori andio, ka domegagi memokoko'ii a luwuno salado, ka mongkona tadeno ka posongkano.

Yehesikieli 44:5

Ondae i Ue mepau ndi ongkue, ”Hei anano mia, pekokoongakono temoiko, pepenteeo ka perorongeakono ntu'u luwuakoano anu Aku pauo ndi omue mongkona luwuno atorano Raha-Do i Ue ka luwuno songkano. Pekokoongakono temoiko pesalaa mewinso a Raha Mempori ka luwuno pesalaa meluarako a mpo'ianga mempori atuu.

Yehesikieli 47:6

Ka i'amba mepau ndi ongkue, ”Ukitaomoke, hei anano mia?” Ka i'amba wawa aku mekule a wiwi ngkorono.

I MATIU 10:27

Hapa anu pinau-Ku a laro wongi-wongi, imempauomo atuu a mewineano; ka hapa anu pinetanga-tangaako a birimiu, imempaleleomo atuu inso a wawo atono raha.

I MATIU 13:9

Isema mebiri, ka iporonge!”

WINEWEUDO TINENA 20:27

Hangano nahi kukolupeo paleleo luwuno tinoo-Do Ue Ala ndi omiu.

1 KORINTI 11:23

Hangano hapa anu kupohaweo ndi omiu, kutarimaomo inso ndi Ondae i Ue, onaemo nine Ondae i Ue Yesu, a wongi tempono Dopineweengako, mo'ala Ira roti

Winali 32:46

ipotaeako ira, ”Impekokoongakonomo luwuno pau anu kupopoto'oriakomiu a oleo andio, kai parenta ira luwuno anamiu ka dompetenunu meweweuo luwuno pauno songka Taura andio.