Yehesikieli 4:3 - Wunta Mempori

³ Ka i'amba alaomo labu medempe ka pontadeomo atuu i olomu saru kota atuu gagi rere labu ka po'aroomo rupamu te'aro a ngkota atuu. Kota atuu a laro kontongaano tekadu, ka omuemo anu kumaduo. Onaemo andio tondonino a nsuku Isaraeli.

Yehesikieli 4:3 ပူးပေါင်းရင်းမြစ်များ

Yesaya 20:3

Mepau Iramo i Ue, ”Kana tetenaa-Ku i Yesaya melempa nahi pelemba ka nahi pe'empehi karu otolu nta'u tehineno gagi petondoni ka pepopoto'ori a nto Masiri ka Etiopia,

Yesaya 22:7

Luwuno lembono witamu anu lalu tekosi bukeako kareta ka sorodadu mpengara, ondae mpebaresi mpe'aro a mpewowa langkai,

Yesaya 8:18

Menteeano, ongkue ka nana'ote anu Doweeakunemo i Ue onaemo petondoni ka pepopoto'ori i olodo to Isaraeli inso ndi Ondae Ueno luwuakoano anu mo'ia a ntorukuno Sioni.

Yeremia 39:1

Tempono Yerusale pinongko'ala, a nta'u ko'osio poparentaano i Sedekia, a wula kohopulu, haweomo i Nebukanesa, mokole i Babeli, saru luwuno sorodaduno ta kumaduo Yerusale.

Yeremia 39:2

A nta'u kohopulu ka asa poparentaano i Sedekia, a wula ko'opaa, tanggala osio wula atuu, rere watuno kota atuu rinongka.

Yehesikieli 12:11

Pauomo: Ongkue gagi tondonimiu. Kana anu wineweuku andio kanatuumo ta wineweu ndi ondae: gagi mia tinadi ira melako a pontadia.

Yehesikieli 12:6

I arono matado naaomo luwuno parewamu a wawo oweamu, ka wawaomo atuu meluarako a laro wongi-wongi. Omue asalakono tumutuwio rupamu, ranta nahi upongkita wita. Hangano, Ongkue weweuko gagi tondonido suku Isaraeli.”

Yehesikieli 5:2

Asa ntia otolu asalakono ka utunuo a api i tonga-tongano kota atuu umarino tampulaomo tempo pongkadua; asa ntia otoluno mbo'u asalakono alao ka utotopiakono ponai atuu lumimbuo kota; ka asa ntia otoluno mbo'u rawoomo a angi ka Aku butao ponai i bungkudo.

Danieli 11:17

Onae ta merokuhi aiwa saru luwuno rosono poparentaano ka moweweu tepo'asa mpau saru mokole i wita Selata ka weeakono asa anano beine ka iropuo poparentaa atuu. Sine perokuhino nahi ta mehasili ka nahi me'uraakono.

Imama 2:5

Tewala pesombamu pesomba kaanga anu tinunu a wawo mporaramia, asalakono atuu inso a ntarigu anu moiko ntu'u sinaloako lana ka nahi peragi.

I LUKASI 2:34

Ka i'amba i Simeo rumonso ira ka ipotae ndi Maria, ine-Do Nana'ote atuu, ”Menteeano Nana'ote andio pinakosi gagi tedontaa ke tewanguano hadio mia i Isaraeli ka gagi aasa petondoni anu gagi pengengea

IBARANI 2:4

Ondae Ue Ala mokorosoo ponsakosiido luwuno petondoni ka anu mengkinohali-haliako ka mperupa-rupa pepokomengkaano pabawa ka pompowee-Do Penaa Mempori, anu tinia-tia-Do montonda po'ehe-Do.