Yehesikieli 39:7 - Wunta Mempori

⁷ Aku mokomengkaao nee-Ku anu mempori i tongano bawaa-Ku Isaraeli ka nahi Kupo'ineeo mbo'u nee-Ku anu mempori kinokoburuti, ranta luwuno tongku ira mento'orio nine Ongkuemo Ue, Anu Tedoa Mempori i Isaraeli.

Yehesikieli 39:7 ပူးပေါင်းရင်းမြစ်များ

Po'unde-unde 103:1

Inso ndi Daudi. Unde-unde Iramo i Ue, hei sumangaku! Unde-undeomo nee-Do anu mempori, hei tompaano aroaku!

Peluarakoa 20:7

Si mempauo nee-Do i Ue, Ue Alamu, mondeenomo koa, nde Ondae i Ue mokonsalao mia anu pauo nee-Do mondeenomokoa.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Yesaya 37:23

Isemake anu pinokongkodeimu ka pinepaukiakomu? Te'aro ndi semake upokomerokuo suaramu ka mengkita saru mompelangka-langkai? Te'aro ndi Ondae Anu Tedoa Mempori, Ue Alado to Isaraeli!

Yesaya 43:14

Kanandiomo pau-Do i Ue, Puu Pontolosimu, Anu Tedoa Mempori, Ue Alado to Isaraeli, ”Hangano omiu Akumo montena mia lumako i Babeli ka motii ira to Kasidimi gagi mia mpolai, luwuno a laro ngkapala tinondaako peraalido.

Yesaya 43:3

Hangano Ongkuemo Ue, Ue Alamu, Anu Tedoa Mempori, Ue Alado to Isaraeli, Puu Pongkaduduimu. Kupeweengakono Masiri gagi tolosimu, ka Etiopia saru Sieba gagi eumu.

Yesaya 45:11

Kanandiomo pau-Do i Ue, Anu Tedoa Mempori ka Anu Weweuo Isaraeli mongkona luwuno anu ta hawe, ”Kana'umpe ka usikeno Aku mongkona luwuno ana-Ku ke parenta Aku mongkona wineweuno kae-Ku?

Yesaya 49:26

Aku weweu ira mia anu mpokonsiiko mengkaano baudo ondaedo, ka ira memolangu mpo'inu reado ondaedo, kana mia molangu mo'inu anggoro wo'ohu, ka domento'orio luwu mia hadio, nine Ongkuemo, Ue, Puu Pongkaduduimu ka Anu Tumolosiko, Anu Tedoa Moroso, Anu Kumaduduio i Yako.”

Yesaya 55:5

Menteeano, omue komompoboi tongku anu nahi uto'orio, ka tongku anu nahi uto'orio ta aiwa ndi omue, hangano Ondae Ue Alamu, Anu Mempori ntu'u, Ue Alado to Isaraeli, melangkaiko.

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Yesaya 60:9

Mentee ntu'u, Ongkuemo anu sinisikorino luwuno togo; luwuno kapala Tarasisi sumomba i arono ta wawa ira ana ntamamu inso a olaiano, saru salaka ka wulaano, tiano nee-Do i Ue, Ue Alamu, Anu Tedoa Mempori, Ue Alado to Isaraeli, hangano Dopelangkaiko.

Yehesikieli 20:14

Kuweweuo hangano nee-Ku, ka si kinokoburuti nee-Ku i arodo luwuno tongku, anu mengkitao Kuwawa ira mpeluarako.

Yehesikieli 20:39

Hei omiu, suku Isaraeli, kanandiomo pau-Do Ue Ala, po'ineeomo singge mia lumako mesomba a luwuno lahumoano. Sine lembuino komiu meronge Aku ka nee-Ku anu mempori nahi kinokoburutiako mbo'u luwuno pesomba ka lahumoamiu.

Yehesikieli 20:9

Kuweweuo a nee-Ku, ka si kinokoburuti nee i arodo luwuno tongku, ba isua domekongko. I arodo luwuno tongku atuu Ongkue mepopokita ndi ondae saru wawa ira mpeluarako inso i wita Masiri.

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Yehesikieli 36:36

Luwuno tongku pehori-horimiu anu da mpo'ia ira mento'orio nine Ongkuemo Ue, anu wali wanguo hapa anu terawoomo ka wali mompahoakono anu nahi inangga. Ongkue, Ue, anu pauo ka Aku weweuo.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 38:23

Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Yehesikieli 39:22

Suku Isaraeli ira mento'orio nine Ongkuemo Ue, Ue Alado, mompu'u oleo atuu ka nahina tampulaano.

Yehesikieli 39:25

Onaemo pu'uno, kanandiomo pau-Do Ue Ala: Kanandio-andio, Aku momuleo teweweuno i Yako ka mehohawao luwuno suku Isaraeli. A nee-Ku anu mempori Ongkue gagi mahaki aroa.

Yehesikieli 39:8

Mentee ntu'u, ta hawe ka ta gagi oleo anu Kupauomo, kanandiomo pau-Do Ue Ala.

Imama 18:21

Si peweengakono aasa anamu inso a luwuno anamu kai pinesombaako ndi Moloko, kasi ulaloo memporino nee-Do Ue Alamu. Ongkuemo Ue.