Yehesikieli 38:9 - Wunta Mempori

⁹ Omue me'umbaako kana angi mokora ka aiwa kana seru anu tumutuwio asa wawontolino, omue saru luwuno bawaano sorodadumu; hadio tongku tumondako.

Yehesikieli 38:9 ပူးပေါင်းရင်းမြစ်များ

Yesaya 25:4

Hangano Omiu gagi polaiado mia molema, polaiado mia mongkokolaro a laro masukaraado, pepekaduduia a usa me'angi mokora, pe'engoa a mokulano ntu'u oleo. Menteeano, pepuurino tekudado mia melambaha ntu'u atuu kana usa me'angi mokora i tempo morini,

Yesaya 28:2

Menteeano, ta hawe inso ndi Ondae i Ue mia anu mokora ka moroso; kana angi mokora usa watu ka angi meroku anu mompepate, kana usa mokora anu mongkokongiri ka mompolomo, onae ta mepasiako ira a wita.

Yesaya 5:28

ana mpanado pinokomontasoomo, ka luwuno panado linongkuomo; kukuno ngarado motea kana watu api ka bolano karetado kana lompiu.

Yeremia 4:13

Kitao, onae mewuatako kana seru, luwuno karetano kana angi mokora, ngarano magasiopo sekono rajawali. Memasola kitamo, hangano mempinepate kita!

Yehesikieli 13:11

sine pauako iramo anu pongkapuru rere watu atuu: Usa marombo ta metii, watu seru baku ta tedonta, ka angi mokora ta mepuuri!

Yehesikieli 30:18

I Tahapanesi oleo ta gagi wongi-wongi i tempono Kupuduo pasangano Masiri i ra'ai, ka pompelangka-langkaino hangano rosono tampula. Kota atuu ta tumutuwio seru ka luwuno anano beine ira mewinawa gagi mia tinawa.

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Danieli 11:40

A tampulaano wawontolino mokole i wita Selata ta metea umewaio mokole i wita Utara anu ta sumapoiakono kareta ka mia mpengara, saru hadio kapala. Mokole andio ta mewinsoki ira wita sumompoo ka uma'eo luwu kana lolowi.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

MENGKAAA 20:9

Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,