Yehesikieli 38:23 - Wunta Mempori

²³ Aku mopokitao langkaino pabawa-Ku ka mempori-Ku, saru mokomengkaao koroi-Ku i arodo hadio tongku. Ka ira mento'orio nine Ongkuemo Ue.

Yehesikieli 38:23 ပူးပေါင်းရင်းမြစ်များ

Po'unde-unde 9:16

Luwuno tongku saampu a laro aa anu wineweudo, karudo kona rako a laro buani anu pinasado ondaedo.

Peluarakoa 14:4

Aku mokomoteao aroano i Pirao, kai lampui ira. Aku mokomengkaao maramba-Ku ndi Pirao ka a luwuno sorodaduno, ka domento'orio koa to Masiri, nine Ongkuemo Ue.” Onaemo ka domeweweuo.

Yesaya 25:3

Onaemo pu'uno, asa tongku anu moroso ta umunde-unde Komiu; kotado tongku anu melambaha ntu'u ira medoito ndi Omiu.

Yehesikieli 20:41

Kana pesomba anu mo'ahi woono Aku memoiko komiu i tempono Kuluarako komiu inso i tongano luwuno tongku ka pumpu komiu inso i luwuno wita, isua itesiarawo. Aku mopokitao mempori-Ku i olomiu i arodo luwuno tongku.

Yehesikieli 20:42

Komiu mento'orio nine Ongkuemo Ue, i tempono Kuwawa komiu mpewinso i wita Isaraeli, i wita anu Kudandiakono sumpa Aku weeako ira uempu'umiu.

Yehesikieli 28:22

ka potaemo: Kanandiomo pau-Do Ue Ala: Kitao, Ongkue gagi ewaimu, hei Sidoni, ka Aku mopokitao maramba-Ku i tonga-tongamu. Ira mento'orio nine Ongkuemo Ue, i tempono Kudontaiakono pohuku ka tumisoo mempori-Ku ndi onae.

Yehesikieli 28:25

Kanandiomo pau-Do Ue Ala: I tempono Kupumpu ira suku Isaraeli inso i olodo luwuno suku tongku tesiarawoado ka tumisoako ira mempori-Ku i arodo luwuno tongku, ka ira mpo'ia i witado anu Kuweeakonomo tetenaa-Ku i Yako.

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Yehesikieli 37:28

Ka luwuno tongku ira mento'orio nine Ongkuemo, Ue, mokomemporio Isaraeli, i tempono po'ianga mempori-Ku kongko i tonga-tongado ranta nahina tampulaano.”

Yehesikieli 37:6

Aku weeakomiu luwuno ia, ka motuwuo ihimiu, saru tumutuwiakomiu kuli. Aku moweeakomiu penaa, ka iwali mentuwu. Ka komiu mento'orio nine Ongkuemo Ue.”

Yehesikieli 38:16

Omue mentade umewai ira bawaa-Ku Isaraeli kana seru anu tumutuwio tolino. A tempo anu ta hawe mongkona atuu ta gagi, ka Aku wawako umewaio wita-Ku, ka domento'ori Aku luwuno tongku, i tempono Kupopokitao mempori-Ku ndi omue i arodo, hei Goge.

Yehesikieli 39:13

Luwuno palilino wita mpetonda kumaburu ira. Mongkona atuu mokogagi ira teto'ori a oleo Kupokomengkaao maramba-Ku, kanandiomo pau-Do Ue Ala.

Yehesikieli 39:21

Aku mopokitao maramba-Ku a luwuno tongku ka ira mengkitao pohuku dinontai-Ku ka kae-Ku anu tumunduhi ira.

Yehesikieli 39:27

Tempono Kuwawa ira mpekule inso i tongado luwuno tongku ka pumpu ira inso i witado iwalido ka tempono Kupopokitao mempori-Ku ndi ondae i arodo hadio tongku,

Yehesikieli 39:7

Aku mokomengkaao nee-Ku anu mempori i tongano bawaa-Ku Isaraeli ka nahi Kupo'ineeo mbo'u nee-Ku anu mempori kinokoburuti, ranta luwuno tongku ira mento'orio nine Ongkuemo Ue, Anu Tedoa Mempori i Isaraeli.