Yehesikieli 38:22 - Wunta Mempori

²² Aku humukuakono haki lele ka rea. Aku mompotii usa marombo, usa seru baku, api, ka walira i wawono, a wawo nsorodaduno, ka a wawo hadio tongku anu tumondao.

Yehesikieli 38:22 ပူးပေါင်းရင်းမြစ်များ

MENGKAAA 16:21

Ka usa seru baku langkai, mobeano limapulu kilo, tedonta inso i langi modunsi mia, ka mia mepaukiako Ira Ue Ala hangano masolaako usa seru baku atuu, hangano masolaa atuu tedoa mongkokongiri.

Po'unde-unde 11:6

Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

Yehesikieli 13:11

sine pauako iramo anu pongkapuru rere watu atuu: Usa marombo ta metii, watu seru baku ta tedonta, ka angi mokora ta mepuuri!

Yeremia 25:31

Suara magaga ta hawe i tompano tolino, hangano Ondae i Ue hinao tinuntu-Do a luwuno tongku. Dopekara-karakono luwuno anu tuwu; Mia mosa'o gauno Ira meweengakono a mponai, kanandiomo pau-Do i Ue.

Yesaya 66:16

Hangano, Ondae i Ue Ira humukuakono api ka ponai-Do luwuno anu tuwu, ka hadioomo mia anu mate pinepate-Do i Ue.

Yesaya 28:17

Aku weweuo moleoa gagi koloro posongka, ka menteea gagi koloro pompokomoleo; usa watu ta rumoahio morina pepekaduduia anu nahi mentee, ka uwoi ta molomoo pewuniamu.”

Yehesikieli 5:17

Aku mompotiiakomu mokoninggoa ka luwuno kondehora lambaha i tonga-tongamu, anu ta rumopu ira anamu. Haki lele ta lumele ka rea ta waa i tonga-tongamu ka Aku mompotiiakomu ponai, Ongkue, Ue, anu pauo.”

Yesaya 29:6

kokumitao hawe-Do Ueno luwuakoano a laro rundu, lelu ka uni mongkokodoito, a laro lompiu ka angi mokora, a laro langano api anu mongkaa ranta ka ipingko.

Yosua 10:11

Kontongaado mpolai ia arodo to Isaraeli, mansado mehawe i korimbino Beta-Horoni, Ondae i Ue wuwunooako ira watu anu melolangkai inso i langi hawe i Aseka, ranta ka domemate. Anu mate hangano usa watu atuu lalu hadioopo sekono anu pinepatedo to Isaraeli mompake ponai.

Tegagia 19:24

Ka Do'amba i Ue mompotiiakono Sodomo ka Gumora usa walira ka api anu pu'uno inso ndi Ondae i Ue, inso i langi;

I MATIU 7:27

Ka i'amba metiiomo usa ka haweomo mowo, ka i'amba rumumpao angi raha atuu, onaemo ka itebangku raha atuu ka lansaraomo tebetano.”

MENGKAAA 8:7

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 20:9

Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,

Yesaya 34:3

Miano anu memate pinepate ira mempinetadiako, ka inso a wata ngkoroido ta meluarako woo mana moboo; luwuno torukuno mowoako reado.

Yehesikieli 28:23

Aku mompotii haki lele ndi onae ka rea ta waa a luwuno salano. Mia ira memate ntebangku i tonga-tongano hangano ponai anu hawe inso a mpehori-horino umewaio. Ira mento'orio nine Ongkuemo Ue.

Yehesikieli 39:6

Aku mompotii api i wawono Magoge ka a luwuno mia anu manangai dompo'ia i wita wiwi ntahi. Ka ira mento'orio nine Ongkuemo Ue.

Yoeli 3:2

Aku pumpu ira luwuno tongku ka wawa ira mpetii a Lembono Yosapa; Aku mekara-karaako ira i ra'ai mongkona bawaa-Ku ka mia-Ku, Isaraeli, hangano domensiarawo ira i olodo luwuno tongku ka mpetia-tiao wita-Ku;