Yehesikieli 38:13 - Wunta Mempori

¹³ Wita Seba ka Dedani, saru luwuno puu mpebalu-baludo to Tarasisi ka luwuno anu mempabawa ira mpotae ndi omue: Nde ko'aiwa morontuke, pumpu ira tepo'asamu komiu mpomuru, wawa ira salaka ka wulaa, umala ira pinotuwu ka arataa, ka mporontua anu hadio ntu'u?

Yehesikieli 38:13 ပူးပေါင်းရင်းမြစ်များ

Po'unde-unde 57:4

Ira montena anu montulungi inso i suruga ka kumadudui aku, tumaroio mia anu lumulu aku. Sela Ondae Ue Ala Ira tumenao pompehohawa ka mentee-Do.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yesaya 33:23

Luwuno koloromu luntuomo, nahi pokotanggoo moroso karuno somba a mpo'iangano, nahi pokowileo somba. I tempo atuu mia ira mpetia-tiao hadio rinontu, ka maupo mia pungku ta mo'ala pinomuru.

Yeremia 15:13

”Arataa kaeamu ka luwuno sangka pinekariamu Aku meweengakono gagi rontua nahina sulono hangano luwuno halamu a luwuno wita pinabawaimu.

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 51:38

Ondae mperonga-ronga mpengaoli kana singa mongura, bamburu kana anano singa.

Yehesikieli 25:13

onaemo pu'uno, kanandiomo pau-Do Ue Ala, Aku tumandeo kae-Ku umewaio Edomi ka mokotampulao inso ndi onae mia ka kondehora saru weweuo gagi tekale-kale. Inso i Temani hawe i Dedani ira memate tebangkuako ponai.

Yehesikieli 27:12

Tarasisi mebalu-balu saru omue hangano luwuno kaeamu hadio ntu'u. Ondae mpotobosiako salaka, labu, tima mopute, ka tima mo'ito euno balu-balumu.

Yehesikieli 27:15

To Rodosi mpebalu-balu saru omue, ka hadio wita i wiwi ntahi gagi wita po'asaamu. Ondae mpowawa wuku tindu ka keu sora ndi omue gagi po'owahi.

Yehesikieli 27:20

Dedani mo'asa kuli pelampi pesawia a ngara ndi omue.

Yehesikieli 27:25

Luwuno kapala Tarasisi mewawaakomu balu-balu atuu. Bukeako inula mobea omue i tonga ntahi malua.

Yehesikieli 32:2

”Hei anano mia, penaniakomo ponsabangi mongkona i Pirao, mokole i Masiri ka potaemo ndi onae: Omue mongkenao koroimu saru singa mongura i olodo luwuno tongku. Sine, omue kana naga a ntahi malua; luwuno korono uweweuo tehento, uwoi uwewuiakono karumu ka weweu ira korono merege.

Yoeli 3:8

Aku umasa ira anamiu tama ka beine a nto Yehuda ka ondae ira me'asa ira anamiu atuu a nto Sieba, aasa tongku anu olai, hangano Dopauomo i Ue.”

Sakaria 11:3

Rongeo ponsabangido puu mpopakambi! Hangano pino'undeakodo sinolangiomo. Rongeo pengaolido singa mongura! Hangano sinolangiomo pino'undeakono Koro Yarade.