Yehesikieli 38:10 - Wunta Mempori

¹⁰ Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.

Yehesikieli 38:10 ပူးပေါင်းရင်းမြစ်များ

Po'unde-unde 139:2

Omiu tumo'orio tempono kupentoro ke mentade, Omiu mokonto'orio pinewowoloku inso olai.

Po'unde-unde 36:4

Pau inso a ngangano butu mosa'oa ka pompopo'oo, nahi pelelu mbo'u pande mosongka ka moweweu moiko.

Powadi 12:2

Mia moiko Dopemoikoo i Ue, sine anu mompopo'oo Dohukuo.

Powadi 19:21

Hadioomo sinongka i aroano mia, sine pomputusi-Do koa i Ue anu gagi.

Powadi 6:14

anu aroano monaa pompopo'oo, anu wela mosongka mosa'oa, ka anu moweweu pengengea.

Powadi 6:18

aroa anu weweuo luwuno sinongka anu mosa'o, karu anu ronga melulu te'aro a mosa'oa,

Yesaya 10:7

Sine onaeno nahi pontoo kanatuu ka tinoono aroano komba kanatuu, hangano tinoono aroano onaemo moropu ka mokotampulao komba tedei tongku.

Yehesikieli 11:5

Penaa-Do i Ue pabawai aku ka Ondae i Ue mepau ndi ongkue, ”Pauomo, kanandiomo pau-Do i Ue: Omiu mpotae kanatuu, hei suku Isaraeli, ka Kuto'orio hapa anu meluarako i laro aroamiu.

Mika 2:1

Memasola ira ntu'u mia anu mposongka mosa'oa ka mpoweweu tinoo mosa'o a mpoturiano. Mansano mewanta towea, domeweweuo, hangano hinao pabawa a ngkaedo.

I MARAKUSU 7:21

hangano inso i larono, inso i aroano mia, mesabaako luwuno pinewowolo mosa'o, pebelesua, ponakoa, pompepatea,

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.

WINEWEUDO TINENA 5:3

Sine motae i Peturu, ”Anania, tembio aroamu ka ipabawaio i Mosa'o, ranta ka ugaupi Ira Penaa Mempori ka numaao asa ntia inso a olino wita inasa atuu?

WINEWEUDO TINENA 5:9

Motae i Peturu, ”Tembio ka imoroko orua komiu umara-arahako Ira Penaa-Do i Ue? Kitaomo, mia anu da saraipo domengkaburuo tamamu mpentade i arono pewowa ka ira mengkatiko mbo'u meluarako.”

WINEWEUDO TINENA 8:22

Gagi tepidimo inso a mpoweweumu anu mosa'o andio ka pekakaimo ndi Ondae i Ue, ka Do'ampuniakomu tinoono aroamu andio;

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.