Yehesikieli 32:7 - Wunta Mempori

⁷ Tempono Kupepateko, langi Aku tumutuwio ka anano wula Kuweweuo megawu. Mata'oleo Kututuwiakono seru ka wula nahi pepansariako wanta.

Yehesikieli 32:7 ပူးပေါင်းရင်းမြစ်များ

Ayubi 9:7

anu parentao mata oleo ka nahi saba, ka tumutuwiakono pontondoni anano wula;

Powadi 13:9

Mewineno mia mentee mewanta moiko ntu'u, sekono huluno mia mosa'o gauno mate.

Puu Pontutulu 12:2

se'eluno mata'oleo ka mewine, wula ka anano wula gagi wongi-wongi, ka seru mpepokule umarino usa;

Yesaya 13:10

Hangano anano wula ka luwuno pehowudo i langi nahi ta mopansari wantano; mata oleo ta gagi wongi-wongi tempono isaba, ka wula nahi ta mopansari wantano.

Yesaya 34:4

Luwuno anano wula ta terawo-rawo, ka langi ta pinalulu kana paluluno wunta, luwuno sorodadudo ira merumonta kana lewe anu moleu inso a ngkeu anggoro, kana wua ngkeu ara anu mokari.

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

Yehesikieli 30:18

I Tahapanesi oleo ta gagi wongi-wongi i tempono Kupuduo pasangano Masiri i ra'ai, ka pompelangka-langkaino hangano rosono tampula. Kota atuu ta tumutuwio seru ka luwuno anano beine ira mewinawa gagi mia tinawa.

Yehesikieli 30:3

Oleo atuu umpedaomo, oleo-Do i Ue umpedaomo, oleo menseru wongi-wongi; onaemo atuu tempodo luwuno tongku.

Yehesikieli 31:15

Kanandiomo pau-Do Ue Ala: A oleo ipetii a ntolinodo mia mate, Kuweweuo tahi malua mpo'inombo hangano onae. Kubuntoo luwuno korono, ranta uwoino anu hadio ntu'u tebunto. Hangano onae Kuweweuo torukuno Libano mo'inombo ka luwuno keu a mpada moleu.

Yehesikieli 34:12

Kana asa mia puu pompakambi umungkeo bimbano i tempono bimba atuu teponsia inso a bawaano bimbano, kanatuumo Aku umungke ira bimba-Ku ka kumadudui ira inso a luwuno po'ianga, ba isua domensiniarawo a oleo menseru ka wongi-wongi.

Yoeli 2:10

I arono tolino mondende, langi melelu; mata'oleo ka wula gagi wongi-wongi, ka luwuno anano wula monaa wantano.

Yoeli 2:2

oleo wongi mpusu ka worikidi, oleo menseru ka megawu nseru. Kana towea mepansari a wawo luwuno torukuno haweomo asa tongku anu langkai ka moroso; anu kanatuu nahi hori hina mompu'u i ndi'ipua, ka umarino atuu nahi ta hina mbo'u a luwuno inule, a tempo anu ta hawe.

Yoeli 2:31

Mata oleo ta baali gagi wongi mpusu ka wula gagi rea se'eluno napi hawe oleo-Do i Ue anu mongkokongiri.

Yoeli 3:15

Mata oleo ka wula gagi wongi-wongi, ka luwuno anano wula menaao wantado.

Amosi 8:9

”Ia oleo atuu,” kanandiomo pau-Do Ue Ala, ”Aku weweuo mata oleo sumoo tekonai meene ka weweuo tolino wongi-wongi tekonai oleo mewine.

I MATIU 24:29

”Sarai koa umarino pobobarasaia i tempo atuu, mata oleo ta gagi wongi-wongi ka wula nahi mewanta ka anano wula ira ntedodonta inso i langi ka luwuno pabawano langi ta telelu.

I MARAKUSU 13:24

”Sine i tempo atuu, umarino pobobarasaia atuu, mata oleo ta gagi wongi-wongi ka wula nahi mewanta

I LUKASI 21:25

”Ka ta hina luwuno petondoni a mata'oleo ka wula ka a anano wula, ka i tolino luwuno tongku ira medoito ka mebulalingo me'aropio u'uruno ka pebundeno tahi.

MENGKAAA 8:12

Ka i'amba mala'eka anu ko'opaa puurio tawuwuano ka i'aluo asa ntia otulu inso a mata'oleo ka asa ntia otolu inso a wula ka asa ntia otolu inso a luwuno anano wula, ranta asa ntia otolu inso ndi onae gagi wongi-wongi ka asa ntia otolu inso a meene nahi mewine ka kanandio koa mbo'u wongi.