Yehesikieli 30:9 - Wunta Mempori

⁹ A oleo atuu luwuno tinena-Ku ira ronga mpelungka mempodengkeo Etiopia anu roodo. Doitoa umalu ira a oleo hukuano Masiri. Hangano, mentee ntu'u, oleo atuu ta hawe!

Yehesikieli 30:9 ပူးပေါင်းရင်းမြစ်များ

Yesaya 19:17

Ka wita Yehuda ta gagi tewukado to Masiri, ka sompo domempauo mia i arodo, ira mpondende hangano pomputusi anu inala-Do Ueno luwuakoano umewai ira.

Yesaya 20:3

Mepau Iramo i Ue, ”Kana tetenaa-Ku i Yesaya melempa nahi pelemba ka nahi pe'empehi karu otolu nta'u tehineno gagi petondoni ka pepopoto'ori a nto Masiri ka Etiopia,

Yesaya 20:5

Mia ira mentededengke ka memongkoko'ii hangano Etiopia anu pinerorohido ka hangano Masiri anu pinemosiado.

Yesaya 23:5

Mansano teronge hawe i Masiri, ira mpondidi-ndidi kana tempono domerongeo lele mongkona Tirusi.

Yesaya 47:8

Onaemo pu'uno, rongeomo andio, hei mia anu tuwu mesana-sanaa, anu rodo mentoro, ka motae a laro aroano, ”Butu ongkue; nahina anu susua i horiku! Nahi aku gagi tuwu beine ka anaku ira mekongko mpiha ndi ongkue!”

Yeremia 49:21

Tolino ta leelu hangano unino dontedonta; suara peboolido ta teronge i Tahi Teberau.

Yeremia 49:31

Imelakomo mensapoio tongku anu tuwu sanaa, anu mpo'ia merodo, kanandiomo pau-Do i Ue, ka anu nahina pewowa langkaino ke lansono, saru mo'ia asa-asano!

Yehesikieli 24:14

Ongkue, Ue, anu pauo. Mongkona atuu ta gagi, ka Ongkue anu weweuo. Nahi Ku'ontoo ka nahina pompehohawa, nahina mbo'u pe'o'ole. Aku bitarako montonda pelelu ka wineweumu, kanandiomo pau-Do Ue Ala.”

Yehesikieli 26:16

Luwuno mia pinemota'udo tongku anu i wiwi ntahi ta metii potorodo ka mentadi ira lemba meloedo ka melohuo sangkado anu mesora-sora. Ondae ipabawai ira doitoa ka mpentoro a wita; sompo tempo ira medoito ka ntededengke hangano omue.

Yehesikieli 27:35

Luwuno palilino wiwi ntahi ntededengke mengkitako; luwuno mokoleno mebiibi, rupado ntengkuru.

Yehesikieli 33:33

Tewala gagi mongkona atuu – mentee ntu'u ta gagi! – ira mento'orio nine asa nabi kongko i tonga-tongado.”

Yehesikieli 38:11

Omue motae: Aku sumapoio wita anu luwuno kotano nahi merere watu ka sumapoi ira mia anu mentuwu roodo ka manangai, luwuno anu mpo'ia a mpo'ianga nahi merere watu, nahina lansono ke pewowa langkai.

Yehesikieli 39:6

Aku mompotii api i wawono Magoge ka a luwuno mia anu manangai dompo'ia i wita wiwi ntahi. Ka ira mento'orio nine Ongkuemo Ue.

Amosi 4:2

Ondae Ue Ala mesumpa Iramo a mempori-Do: menteeano, ta hawe tempono ndi omiu nine komiu mediniiako kai ka anu tebinta i olomiu, mompake pomeka bou.

Habaku 2:3

Hangano pongkita atuu da monsikori tempono, sine ta ronga te'aro a mpoko'ariano, ka komba pompopo'oo. Maupo nahi ronga hawe, sikoriomo, hangano mongkona atuu manasa ta hawe ka nahi ta tepotulu.

Sepanya 2:12

Omiu mbo'u, hei to Etiopia, komiu memate tetoboako ponai-Ku.

Sepanya 2:15

Onaemo kota anu mo'unde, palilino merodo ka anu motae i laro aroano, ”Butu ongkue anu kongko, nahina anu susua!” Onae gagiomo ntu'u po'ianga anu londa, pepomboleado kondehora mo'ila. Sompo mia anu lumaloo ta mesiili ka mekambe-kamberoako kaeno.

1 TESALONIKA 5:2

hangano omiu isa'a mento'orio ntu'u, nine oleo-Do i Ue hawe kana mia monako tempono wongi.

Puu Mpobitara 18:7

Umari atuu melako iramo olima mia atuu hawe i Laisi. Domengkitaomo nine palilido mesintuwu ira, kana gaudo to Sidoni, roodo ka manangai. Palili atuudo nahina makurado hapamokoa anu hina i wawo ntolino, tendeano mengkaea ira. Po'iangaado tepo'olai ka to Sidoni, ka nahi dontepoto'ori maupo isemamokoa.