Yehesikieli 3:7 - Wunta Mempori

⁷ Sine, suku Isaraeli nahi dobehe mperorongeakomu, hangano nahi domebehe mpomperorongea-Kune, hangano luwuno suku Isaraeli memotea ulu ka motea aroa.

Yehesikieli 3:7 ပူးပေါင်းရင်းမြစ်များ

Yesaya 3:9

Wineweu mpobibiniki tumuntu ira ondaedo ka kana Sodomo, domempopauo halado, nahina mbo'u anu winuni. Memasola iramo ntu'u mia atuudo! Hangano mpoweweu iramo masolaano koroido ondaedo.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yeremia 3:3

Onaemo pu'uno pesiwuino usa te'onto ka usa a tampulaano tempo nahi hawe. Ra'imu ra'ino beine belesu, nahi uponto'ori mokoko'ii.

Yeremia 44:16

”Mongkona hapa anu pinaumu a nee-Do i Ue ndi omami atuu, nahi kami merongeko.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

Yeremia 6:17

Kupotoro iramo anu dumagai komiu, pau-Ku: Pekokoongakonomo unino tawuwua! Sine dompotae: Nahi kimebehe mpekokoongakono!

Yeremia 7:27

Maupo upohaweako ira luwuno pau andio, nahi ira mperorongeakomu, ka maupo upebooliako ira, nahi ira mesangkiko.

Yehesikieli 2:4

A inule anu me'ulu watu ka moteaomo aroa andio Kutenako. Omue asalakono pauo ndi ondae: Kanandiomo pau-Do Ue Ala.

Yehesikieli 24:7

Hangano, rea anu inuwuno da hinawe i tonga-tongano. Onae umuwuo a wawo pongku watu anu londa. Nahi uwuo a wawo wita ranta ka ipokotutuwio pampawu.

Yehesikieli 3:6

komba a hadio tongku anu mpepau susua ka anu nahi marampau, anu nahi uto'orio pauno. Bakanaano Kutenako a tongku anu kanatuu, ira mperorongeakomu.

Yehesikieli 3:8

Kitao, Aku mokomoteao aroamu umewaio moteano aroado, ka weweuko motea ulu umewai ira anu mpe'ulu watu.

Sakaria 7:11

Sine nahi dobehe pomperio, pompembuu-mbuu ira, me'ewa ka mpompebongo-bongo kasi domporonge.

Sakaria 7:12

Domeweweuo aroado motea kana watu labu, kasi domporonge pompaguru ka pau anu pinohawe-Do Ueno luwuakoano molalo Penaa-Do telalo a luwuno nabi anu i ndi'ipua. Onaemo pu'uno haweomo tekuda anu mongkokongiri inso ndi Ondae i Ue.

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I LUKASI 13:34

Yerusale, Yerusale, omue anu mepate ira nabi ka wunoako ira watu mia anu mentinena ndi omue! Mararu Kumingki pumpu ira anamu, mengkena kana ineno manu pumpu ira anano a ntoto panino, sine nahi imebehe.

I LUKASI 19:14

Sine mia pe'asa tongkuno me'o'aliaakono, ka do'amba mpotena mia tumonda lembuio mempauo, Nahi kimebehe mia andio gagi mokolemami.

1 Samueli 8:7

Pau-Do i Ue ndi Semueli, ”Tondaako ira po'ehedo palili luwuno anu domempauakomu. Komba omue anu nahi domentarimako, sine Ongkue kasi Kugagi mbo'u mokoledo.