Yehesikieli 3:3 - Wunta Mempori

³ Pau-Do ndi ongkue, ”Hei anano mia, kaanomo paluluno anu Kuweeakomu andio ka ihiiakono kompomu atuu.” Ka ku'amba kumaano. Namino mo'ahi kana siu hoani a laro ngangaku.

Yehesikieli 3:3 ပူးပေါင်းရင်းမြစ်များ

Ayubi 23:12

Parenta inso a wiwi-Do nahi kulimpaio, i laro aroaku kunaao pinau-Do.

Po'unde-unde 119:103

Mo'ahi ntu'u dandi-Miu atuu a eloku, mo'ahiopo sekono siu hoani a ngangaku.

Po'unde-unde 119:11

Dandi-Miu kunaao i laro aroaku, ka si kutehala ndi Omiu.

Po'unde-unde 119:97

Kukekewoio ntu'u Songka-Miu! Kupenootio hawe sumoo oleo.

Po'unde-unde 19:10

Doitoako Ira i Ue atuu mempori, hinao mpiha ranta nahina tampulaano; luwuno songka-Do i Ue atuu mentee, luwuno moleo,

Po'unde-unde 19:11

masuliopo olino sekono wulaa, sekono maupo hadio wulaa mpena; ka mo'ahiopo sekono siu hoani, maupo sekono siu hoani iiti inso a inenano hoani.

Yeremia 15:16

Mansano hinawe luwuno pau-Miu, kumawongkoakono. Pau-Miu atuu gagi ineheku, ka mawongkono aroaku, hangano ongkue wawao nee-Miu, oo Ue, Ue Alano luwuakoano.

Yeremia 20:9

Tewala mompewowolo aku, ”Nahi kubehe mewowolo Ira ka nahi kubehe mbo'u mepau a nee-Do,” onaemo pu'uno i laro aroaku hinao asa kana api anu tensila, te'uko a laro wukuku. Kuperokuhiakono meteao, sine nahi kupolio.

Yeremia 6:11

Ongkue mbo'u bukeako pontekudaako-Do i Ue, mokendo akumo meteao. ”Uwuomo atuu a wawo nana'ote kodei a nsala, ka a wawo pepumpuado mangalitau mperonga-ronga. Mentee ntu'u, moiko tama maupo beine ta rinako, mia mota'u mbo'u ka anu tende ntinuwu.

Yehesikieli 2:10

Ka do'amba wireio i aroku. Paluluno atuu binuri patimbali ka i ra'ai teburi penani ponsabangi, pompemasusa ka pompe'anaiki.

Yehesikieli 2:8

Sine omue, anano mia, rongeomo hapa anu pinau-Ku ndi omue; siimo pe'ewa kana suku anu mpe'ewa andio. Pengangamo ka kaanomo hapa anu Kuweeakomu.”

Yehesikieli 3:4

Ka Do'amba mepau ndi ongkue, ”Hei anano mia, lakomo, tepohaweako iramo suku Isaraeli ka pohaweomo luwuno pau-Ku ndi ondae.

I YOHANE 7:38

Ba isema me'ala-ala Aku, kana anu pinau a Wunta Mempori: Inso i laro aroano ta waa uwoi tuwu.”

KOLOSE 3:16

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu.