Yehesikieli 3:20 - Wunta Mempori

²⁰ Tempono mia mentee mepokule inso a menteeno, ka ipoweweu molengku, ka Kuponaakono watu tetidua i arono, onae ta mate. Tewala nahi upauakono ntu'u, onae ta mate a laro halano ka luwuno wineweu mentee anu wineweuno nahi ta rinambe, sine Aku tumuntuo reano ndi omue.

Yehesikieli 3:20 ပူးပေါင်းရင်းမြစ်များ

2 Tawarika 24:2

I Yoasi moweweu hapa anu mentee a pongkita-Do i Ue asa ntinuwuno sando mpesomba Yoyada.

2 Tawarika 25:15

Ka i'amba tensilaomo tekuda-Do i Ue ndi Amasia ka Dotenao asa nabi ndi onae. Ipotae nabi atuu ndi onae, ”Tembio kau po'ungke pinesombaido aasa tongku anu nahi pokompotola ira tongkuno onaeno inso a ngkaemu?”

Po'unde-unde 119:165

Tedoa iramo sintuwu manangai mia anu kumekewoio Songka-Miu, nahina watu tetiduado.

Po'unde-unde 125:5

sine mia anu pansia a nsala anu melengku-lengkuako, po'ineeomo Dosaari ira i Ue meronga luwuno mia anu mpoweweu mosa'o. Rodoa a nto Isaraeli!

Po'unde-unde 36:3

hangano onae umunde-undeo koroino, ranta nahi haweo wineweuno mosa'o ka mo'o'alia.

Powadi 25:12

Kana sinsi wulaa ka peramba-ramba wulaa, kanatuumo pekuahakono mia pande mosongka a biri anu moronge.

Yesaya 64:6

Kanatuumo luwumami kana asa mia mokoburu ka luwuno pesombamami ntu'u kana sawu hawe wula. Luwumami gagi moleu kana lewe ka tampula hangano mosa'ono wineweumami kana lewe ipaneeo angi.

Yesaya 8:14

Ondae Ira gagi po'ianga mempori, sine watu tetengkua mbo'u ka watu tetiduado orua suku Isaraeli atuu, saru gagi oho ka dampado palilino Yerusale.

Yeremia 34:16

Sine baliomo pinewowolomiu ka mengkokoburutiomo nee-Ku. Omiu singge mia wali umalao atano tama ka atano beine, anu impotolaomo gagi mia maradeka ka ituwu montonda po'eheno; impokompetuundu iramo, ka domegagi mbo'u atamiu tama ka atamiu beine.

Yeremia 6:21

Onaemo pu'uno kanandiomo pau-Do i Ue: Mentee ntu'u, Aku monaa watu tetidua i arodo tongku andio, ka dontebangku tetiduako onaeno; moiko luwuno ama maupo luwuno nana'ote, saru mbo'u pehori raha ka walino, luwudo ira memate.”

Yehesikieli 14:3

”Hei anano mia, mia andiodo mponsu'u lahumoado i laro aroado ka menaao i arodo watu tetidua, pepu'uano salado. Nde ira mpo'ema pontisoke ndi Ongkue?

Yehesikieli 18:24

Tewala mia mentee mepokule inso a menteeno ka moweweu molengkua kana luwuno mokoburua anu wineweuno mia mosa'o gauno, nde ta tuwuke onae? Luwuno menteea anu wineweuno nahi ta pinewowolo mbo'u. Onae asalakono mate hangano nahi petenunu ka hangano hala anu wineweuno.

Yehesikieli 18:26

Tewala mia mentee mepokule inso a menteeno ka moweweu molengkua, onae ta mate hangano wineweuno; onae asalakono mate hangano molengkua anu wineweuno.

Yehesikieli 3:18

Tempono Kupepau a mia mosa'o wineweuno, ”Omue asalakono hinuku mate!” ka nahi upauakono ntu'u ke nahi upompau hapa-hapa mompauakono mia mosa'o wineweuno atuu mongkona tuwuno anu mosa'o ka ikongko tuwu, mia mosa'o wineweuno atuu ta mate a laro salano, sine Aku tumuntuo reano ndi omue.

Yehesikieli 33:18

Tewala mia mentee mepokule inso a menteeno ka moweweu molengku, onae asalakono mate hangano mongkona atuu.

Yehesikieli 33:6

Posuleno, puu mpodagai anu kumitao haweno ponai atuu, sine nahi puurio tawuwua ka tongkuno nahi dompohawe pepopoto'ori, ranta ka ihawe ponai atuu ka ipepateo asa mia inso i olodo, mia atuu pinepate a laro salano, sine reano mia atuu Aku tumuntuo inso a mpuu mpodagai atuu.

Yehesikieli 7:19

Salakado ta pinetadiako i bungkuno ka wulaado ta rineke tesosa'ai. Wulaa ka salakado nahi ta mokokadudui ira a oleo tekuda-Do i Ue. Nahi ira memowohiako onae ka kompodo nahi ta te'ihiiako onae. Hangano mongkona atuu gagi watu tetidua anu dumontai ira a laro salado.

Danieli 9:18

Oo Ue Alaku, po'aroomo biri-Miu ka Irongeomo. Wileomo mata-Miu ka Ikitaomo terawomami ka kota anu pinauako nee-Miu, hangano omami mpohaweo pekakai po'emamami i aro-Miu nahi kimpe'empehiako menteemami, sine me'empehiako pompehohawa-Miu anu hadio ntu'u.

Imama 19:17

Si o'aliaakono pepaekompomu i laro aroamu. Asalakono kuahakono pe'asa miamu i arono ka nahi poweweuakomu halamu hangano onae.

Sepanya 1:6

saru ondae anu mpebungkui Ira i Ue, anu nahi ungke Ira i Ue ke mo'ema pontiso-Do.”

I MATIU 18:15

”Tewala pepaekompomu moweweu hala, kuahakono tempono asa-asano. Tewala iperorongeakono patudumu walikomo humaweo.

I LUKASI 2:34

Ka i'amba i Simeo rumonso ira ka ipotae ndi Maria, ine-Do Nana'ote atuu, ”Menteeano Nana'ote andio pinakosi gagi tedontaa ke tewanguano hadio mia i Isaraeli ka gagi aasa petondoni anu gagi pengengea

I LUKASI 8:15

Anu tedonta a wita anu moiko atuu onaemo mia, anu mansado merongeo pau atuu, menaao i laro aroado anu moiko ka mpoluarako wua a pompedatodo.”

ROMA 11:9

Ka i Daudi motae, ”Po'ineeomo kaanga pinatindado gagi oho ka pompete'umala, pompokotesaa ka pombaloa ndi ondae.

1 KORINTI 1:23

sine omami mempalele Ira i Kerisituu anu pinaso a ngkeu pinotamba: a nto Yahudi aasa watu tetidua ka a mia komba to Yahudi aasa monge-mongea,

Winali 13:3

asalakono si mperorongeakono pinauno nabi ke puu mpo'ipi atuu. Hangano, Ondae i Ue, Ue Alamiu, umara-arahako komiu ka Doto'orio, ba mentee koa ntu'u impehohawa Ira a tompaano aroamiu ka a tompaano sumangamiu.

IBARANI 10:38

Sine mia-Ku anu mentee ta tuwu hangano pompe'ala-ala, ka tewala onae monsuka, ka ndi onae nahi Aku memoikoo.”

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.

1 PETURU 2:8

Dontetiduario, hangano nahi domperorongeakono pau-Do Ue Ala; ka hangano atuu ondae mbo'u mempinatindaako iramo.

1 YOHANE 2:19

Lano ondae mente'inso i oloto, sine komba inso ntu'u i aroado ntewinso ndi ontae; hangano tewala inso ntu'u i aroado ntewinso ndi ontae, asalakono ira koa mperonga-ronga mpiha saru ontae. Sine ka igagi mongkona atuu, ka igagi mengkaa, nine komba luwudo inso ntu'u i aroado ntewinso ndi ontae.