Yehesikieli 3:18 - Wunta Mempori

¹⁸ Tempono Kupepau a mia mosa'o wineweuno, ”Omue asalakono hinuku mate!” ka nahi upauakono ntu'u ke nahi upompau hapa-hapa mompauakono mia mosa'o wineweuno atuu mongkona tuwuno anu mosa'o ka ikongko tuwu, mia mosa'o wineweuno atuu ta mate a laro salano, sine Aku tumuntuo reano ndi omue.

Yehesikieli 3:18 ပူးပေါင်းရင်းမြစ်များ

Tegagia 2:17

sine wua inso a ngkeu ponto'oria mongkona anu moiko ka anu mosa'o, sii kaano, hangano itempono ukaano, manasa komate.”

Tegagia 42:22

Ka i'amba i Rube sumangki ira, ”Kombake i ndi'ipua kupotaeakomiu: Si mpoweweu hala a nana'ote atuu! Sine, nahi mperorongeakono pinauku. Kanandio-andio reano tinuntu ndi ontae.”

2 Samueli 4:11

Tamoako kanandio-andio, tempono mia melambaha mpompepate asa mia mentee, a mpoturiano i rahano onaeno, kana'umpe ka nahi aku tumuntuo reano inso ndi omiu ka rumopu komiu inso i tolino?”

2 Mokole 1:4

Onaemo pu'uno kanandiomo pau-Do i Ue: Omue nahi kometii mbo'u inso a mpoturia pepomboleamu, hangano omue manasa komate.” Ka i'amba lumako i Elia.

Powadi 14:32

Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Yehesikieli 18:13

mompowee saru mo'ala bungano doi ka mo'ala tiangino, ka mia anu kanandio nahi ta tuwu. Luwuno mokoburua andio iweweuo, onaemo pu'uno onae asalakono mate; reano umaluo koroino onaeno.

Yehesikieli 18:20

Mia anu moweweu hala, onaemo anu asalakono mate. Ana nahi ta metonda tumembio salano amano ka ama nahi ta metonda tumembio salano anano. Mia mentee ta tumarimao wua menteeno, ka mia mosa'o gauno ta tumembio poko'ariano pinogauno anu mosa'o.

Yehesikieli 18:4

Mentee ntu'u, luwuno penaa atuu Ongkue ueno! Moiko penaano ama maupo penaano ana atuu Ongkue ueno! Isema anu moweweu hala, onaemo anu asalakono mate.

Yehesikieli 3:20

Tempono mia mentee mepokule inso a menteeno, ka ipoweweu molengku, ka Kuponaakono watu tetidua i arono, onae ta mate. Tewala nahi upauakono ntu'u, onae ta mate a laro halano ka luwuno wineweu mentee anu wineweuno nahi ta rinambe, sine Aku tumuntuo reano ndi omue.

Yehesikieli 33:12

Omue, anano mia, pauako iramo mia pe'asa tongkumu: Menteeno mia mentee nahi kaduduio i tempono itedonta a polimpaia, ka mosa'ono mia mosa'o gauno komba onae itetiduako i tempono ipepokule inso a gauno anu mosa'o; ka mia mentee nahi pokotuwu hangano menteeno, i tempono ipoweweu hala.

Yehesikieli 33:6

Posuleno, puu mpodagai anu kumitao haweno ponai atuu, sine nahi puurio tawuwua ka tongkuno nahi dompohawe pepopoto'ori, ranta ka ihawe ponai atuu ka ipepateo asa mia inso i olodo, mia atuu pinepate a laro salano, sine reano mia atuu Aku tumuntuo inso a mpuu mpodagai atuu.

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Podoaa 26:65

Hangano mepau Iramo i Ue mongkona ondae, ”Ondae asalakono memate i pada one.” Nahina maupo te'asa mia inso ndi ondae kongko tuwu sangkadio i Kalebi anano i Yepune ka i Yosua anano i Nuni.

I LUKASI 13:3

Kupauakomiu, naahi! Sine tewala nahi ntepidi, komiu memate luwu a nteweweu kanandio.

I LUKASI 13:5

Naahi! Kupauakomiu. Sine tewala nahi ntepidi, komiu memate luwu a nteweweu kanandio.”

I YOHANE 8:21

Ka Dopotaeako ira mbo'u i Yesu mia hadio, ”Aku lumako ka komiu me'ungke Aku sine komiu memate a laro halamiu. A lakoa-Ku, nahi komiu mehawe.”

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

WINEWEUDO TINENA 2:40

Ka saru hadio mbo'u pau susua onae mompowee asa ponsakosii anu mentee ntu'u ka ipompauako ira, ipotae, ”Impeweengakonomo koroimiu ka ikinadudui inso a mia anu mosa'o andiodo.”

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

1 TIMOTIU 4:16

Dagaiomo koroimu omiu-miu ka dagaiomo pompagurumu. Petenunumo a luwuno atuu, hangano a wineweumu kanandio kokumaduduio koroimu ka luwuno mia anu rumongeko.

1 TIMOTIU 5:22

Si madara komedampoakono kaemu a asa mia ka si tetonda a halado mia susua. Dagaio koa memporino koroimu.

1 Samueli 8:9

Onaemo ka utondaako ira nineedo. Sine pauako ira temanasa ntu'u pabawano mokole anu ta moparenta ndi ondae.”