Yehesikieli 3:17 - Wunta Mempori

¹⁷ ”Hei anano mia, Kupakosikomo gagi anu dumagaio suku Isaraeli. Tewala omue moronge pau inso a nganga-Ku, pauako iramo ntu'u a nee-Ku.”

Yehesikieli 3:17 ပူးပေါင်းရင်းမြစ်များ

2 Tawarika 19:10

A laro sompo kara-kara anu pinohawedo wali-walimiu anu mpo'ia i luwuno kota, mongkona po'uwua rea ke mongkona songka, parenta, luwuno pompakosi ka atora, asalakono impopoto'oriako ira, kasi domensala ndi Ondae i Ue, ranta tekuda-Do umalukomiu ka wali-walimiu. Asalakono impoweweu kanandio, ka nahi komiu mensala.

Penani Maramba 3:3

Puu mpodagai anu tumanggolilio kota mehawe aku. ”Imengkitaoke huleno aroaku?”

Penani Maramba 5:7

Puu mpodagai anu mpelempa a laro ngkota mehawe aku, mentunduhi ka mebelai aku, salendaku domerontuo puu mpodagai rere watu.

Yesaya 21:6

Kanandiomo pau-Do i Ue ndi ongkue, ”Lakomo, naaomo asa mia puu pompadaso, hapa anu kinitano asalakono ipauakomu.

Yesaya 21:8

Ka i'amba mebooliomo mia anu mongkita atuu, ”A pompadasoa, oo ueku, mentade aku asa oleo mondo, ka a mpodagaia metangkoro aku i larono asa wongi.”

Yesaya 52:8

Ronge iramo anu medagaiko mpontande suara; ondae mperonga mengkokora-kora mawongko. Hangano, domengkitaakono matado ondaedo Ondae i Ue mekule i Sioni.

Yesaya 56:10

Hangano, luwuno anu mpodagai a bawaa-Ku onaemo mia memorawu, luwudo nahi domponto'ori hapa-hapa; luwu dahu mebebe, nahi domponto'ori mpohopa; ondae mpepombole, mpenoro-noro, ka moturi koa inehedo;

Yesaya 58:1

Pebooliakonomo temeroku, siimo onto-ontoo! Pokolangkaio suaramu kana tawuwua, pauako iramo bawaa-Ku pe'ewado ka a inuleno i Yako halado!

Yesaya 62:6

A wawo rere watumu, hei Yerusale, Kunaa iramo puu mpopadaso. I larono asa oleo ka asa wongi, ondae nahi ira hori mperodo-rodo. Hei omiu anu mpebooli mopoto'oriako Ira i Ue, siimo impenoro-noro

Yeremia 1:7

Sine Ondae i Ue mepau ndi ongkue, ”Sii potae: Ongkue da mongura, sine maupo ndi sema kutenako, asalakono ka ulako, ka maupo hapa anu Kuparentaakomu, asalakono ka upohaweo

Yeremia 31:6

Mentee ntu'u, ta hawe oleono nine luwuno anu mpodagai mpebooli i torukuno Eparai: Aiwamo tompewuatako i Sioni, ndi Ondae i Ue, Ue Alato!

Yeremia 6:10

Ndi semake asalakono aku mepau ka mompowee pepopoto'ori, ka dobehe mporonge? Mentee ntu'u, birino tetutuwi, nahi domporonge! Mentee ntu'u, pau-Do Ue gagi po'unde-unde, nahi dompe'eheo!

Yeremia 6:17

Kupotoro iramo anu dumagai komiu, pau-Ku: Pekokoongakonomo unino tawuwua! Sine dompotae: Nahi kimebehe mpekokoongakono!

Yehesikieli 11:25

Ongkue mbo'u mohaweo a luwuno mia mentinadi atuu luwuakoano anu pinopokita-Do i Ue ndi ongkue.

Yehesikieli 11:4

Onaemo pu'uno pompaumo anu ta gagi ndi ondae, pompaumo anu ta gagi, hei anano mia!”

Yehesikieli 2:7

Pohaweomo pau-Ku ndi ondae, moiko domperorongeakono ke naahi, hangano ondae atuu mpe'ewa.

Habaku 2:1

Aku mentade a mpodagaia ka mekorahako a menara; Aku sumikorio ka kukitao hapa anu Ira pauo ndi ongkue, ka hapa sangki-Do a mpo'emaku.

Hagai 1:13

Mepauomo i Hagai, tinena-Do i Ue a tongku atuu montonda pe'oliwi-Do i Ue, kanandio, ”Kukongkomi komiu, kanandiomo pau-Do i Ue.”

I MATIU 3:7

Sine tempono ikitao hadio ira to Parisi ka to Saduki me'aiwa ira mpepebaho, ipotaeako ira, ”Hei omiu inuleno ule me'ipo. Isemake pauakomiu, nine komiu mpokompolai inso a tekuda anu ta hawe?

1 KORINTI 12:28

Ka Dopakosiomo Ue Ala ba opia mia a laro bawaa: ko'aasa gagi tinena, ko'orua gagi nabi, ko'otolu anu mompaguru. Ka i'amba ondae anu mpohawe pompowee ka dompoweweu anu kinohali-haliako, ka dompompokotompa, ka dompompekakaako, ka dompetewawa, ka dompepauako pau penaa.

1 KORINTI 4:14

Kuburio mongkona andio komba ndio kupokoko'ii komiu, sine kumuahako komiu anaku anu pinehohawaku.

2 KORINTI 5:11

Kimento'orio hapa pengkonaano doitoako Ira i Ue, onaemo pu'uno ka kimpeteahako mokomanasaako ira mia. Ndi Ondae Ue Ala aroamami mengkaa saru mewine ka kuperorohio aroamami mengkaa koa mbo'u kanandio a mpontimbangamiu.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

1 TESALONIKA 5:14

Kimempatudu komiu mbo'u, pepaekompo, imengkuahako iramo anu mentuwu nahi te'atora, imentarero iramo anu motewe aroado, impokoroso ira anu memolema, imemauruako iramo luwuno mia.

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.