Yehesikieli 3:14 - Wunta Mempori

¹⁴ Penaa-Do i Ue tumande aku ka wawa aku. Ongkue lumako saru aroa nahi sanaa ka mokula aroa, hangano kae-Do i Ue moroso dumadai aku.

Yehesikieli 3:14 ပူးပေါင်းရင်းမြစ်များ

1 Mokole 18:12

Bara'ura ta gagi, tempono kulako inso ndi omiu, Penaa-Do i Ue tumande komiu a mpo'ianga anu nahi kuto'orio. Tewala hawe aku pauakono i Ahabi ka nahi hawe komiu, manasaomo ta mepate aku, kahinaano atamiu andio mompu'u da kodei dumoitoako Ira i Ue.

1 Mokole 18:46

Sine kae-Do i Ue pabawaio i Elia. Ibooo tongano kai pelulu mese'elungio i Ahabi hawe a nsala te'aro i Yisire'eli.

2 Mokole 2:16

Mpotae ira ndi onae, ”Kitao! I olodo atamiu andio hinao lima pulu tama anu moroso ka mosia. Po'ineeomo ka domelako me'ungkeo uemiu ba mansa Penaa-Do i Ue tumandeo ka metadiakono a asa wawono torukuno ke a asa lembono.” Sumangki i Elisa, ”Siimo tena ira melako!”

2 Mokole 3:15

Kanandio-andio, wawaomo ndi ongkue asa mia puu mpekatapi.” Tempono ipekatapi mia atuu, pabawa-Do i Ue mewinsokio i Elisa.

Yesaya 8:11

Hangano kanandiomo pau-Do i Ue ndi ongkue tempono kae-Do pabawai aku, ka Dopopoto'oriakune ka si kutondao peleludo tongku andio,

Yeremia 6:11

Ongkue mbo'u bukeako pontekudaako-Do i Ue, mokendo akumo meteao. ”Uwuomo atuu a wawo nana'ote kodei a nsala, ka a wawo pepumpuado mangalitau mperonga-ronga. Mentee ntu'u, moiko tama maupo beine ta rinako, mia mota'u mbo'u ka anu tende ntinuwu.

Yehesikieli 1:3

haweomo pau-Do i Ue ndi sando mpesomba Yehesikieli, anano i Busi, i witado to Kasidimi i wiwi Ngkoro Kebari, ka i ra'aimo pabawa-Do i Ue lumimbuo.

Yehesikieli 11:1

Ka i'amba Penaa-Do i Ue tumande aku ka wawa aku a mpewowa langkai i sabaano oleo Raha-Do i Ue, pewowa anu me'aro i sabaano oleo. Kitao, a mpewowa langkai atuu hinao rua pulu ka olima mia ka i olodo kukitao i Ya'asana anano i Asuri ka i Pelatia anano i Benaia, luwuno petewawa tongku.

Yehesikieli 3:12

Ka i'amba Penaa-Do i Ue tumande aku, ka kurongeo i bungkuku unino rundu anu langkai, tempono maramba-Do i Ue mewuatako i wawono inso a mpo'iangano.

Yehesikieli 37:1

Pabawa-Do i Ue pabawai aku ka Dowawa aku meluarako molalo Penaa-Do. Donaa aku i tonga-tongano lembono, ka lembono andio bukeako hadio wuku.

Yehesikieli 40:1

A nta'u korua pulu ka olima umarino kimentinadi, a pompu'uano ta'u, tanggala hopulu wula atuu, a nta'u kohopulu ka opaa umarino ninangi kota atuu, a oleo mbo'u atuu pabawa-Do i Ue lumimbu aku ka Dowawa aku

Yehesikieli 43:5

Penaa tumande aku ka wawa aku a kintala i larono, mentee ntu'u, Raha Mempori atuu bukeako maramba-Do i Ue.

Yehesikieli 8:1

A nta'u ko'onoo, a wula ko'onoo, tanggala olima wula atuu, tempono kupentoro a rahaku tepo'aro saru luwuno mia memota'udo to Yehuda, pabawa-Do Ue Ala pabawai aku i ra'ai.

Yehesikieli 8:3

Ondae tumasiakono asa anu tadeno kana kae ka Do'inio wuu a uluku. Ka i'amba Penaa-Do i Ue atuu tumande aku i olono langi ka tolino saru wawa aku a laro luwuno pongkita-Do Anu Pabawa i Yerusale umpeda pewowa langkaino kintala i larono anu me'aro i utara, i ra'ai po'iangano lahumoa, anu mokomahaki aroa.

I YOHANE 4:1

Mansa-Do tumo'orio i Yesu, nine domerongeomo to Parisi, hadioopo Dopohawe ka Dopobaho ana guru sekono i Yohane

I YOHANE 4:3

Dobintaomo Yudea ka Dowali mekule i Galilea.

I YOHANE 4:9

Onaemo ka ipotae beine to Samaria atuu ndi Ondae, ”Kana'umpe Omiu, aasa to Yahudi, mo'ema mo'inu ndi ongkue, aasa to Samaria?” (Hangano to Yahudi nahi dompewali-wali saru to Samaria.)

WINEWEUDO TINENA 8:39

Ka mansado me'engkahako inso a uwoi, borono Penaa molaiakono i Pilipu ka nami kitao mbo'u anu langkai potorono atuu. Ipotilaloakono pelempaano saru mo'unde.

MENGKAAA 10:10

Ka ku'amba umalao wunta atuu inso a ngkaeno mala'eka atuu, ka kukaano; a laro ngangaku onae kupemo'ahio kana siu hoani, sine umariku kumaano, kompoku gagi mompemopa'i.