Yehesikieli 28:2 - Wunta Mempori

² ”Hei anano mia, pauakonomo mokole i Tirusi: Kanandiomo pau-Do Ue Ala: Hangano omue mompelangka-langkai ka motae: Ongkue andio Ue Ala! Ongkue mentoro a ngkadera poparentaa-Do Ue Ala i tonga-tongano tahi malua. Kahinaano omue mia, komba Ondae Ue Ala, maupo aroamu numaao koroimu mengkena saru Ondae Ue Ala.

Yehesikieli 28:2 ပူးပေါင်းရင်းမြစ်များ

Tegagia 3:5

Tendeano, Doto'orio Ue Ala, nine tempono ikaano matamiu ta te'ungkahi, ka komiu gagi kana Ondae Ue Ala, tumo'orio mongkona anu moiko ka anu mosa'o.”

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

Po'unde-unde 9:20

Ipentademo, Ue, ka si po'inee ira mia mponangi; po'ineeomo luwuno tongku mebinitara i aro-Miu!

Powadi 16:18

Pompelangka-langkai mese'elungio tekale-kalea, ka konangi-nangi mese'elungio tedontaa.

Powadi 18:12

Pompelangka-langkai mese'elungio tekale-kalea, sine pe'urumako mese'elungio pompelangkai.

Yesaya 2:12

Hangano Ondae Ueno luwuakoano pakosio asa oleo umewaio luwuno anu mompelangka-langkai umewaio anu tumandeo koroino; – luwuno ta pine'uru-uru –

Yesaya 23:8

Isemake anu putusiakono ndio ndi Tirusi, anu mompowee ramba-ramba ulu, anu luwuno puu mpebalu-baluno langkai potorono ka luwuno puu mpebalu-baluno mia maramba i tolino?

Yesaya 31:3

Hangano to Masiri mia koa, komba Ue Ala, ka ngarado onaemo anu ta tampula, komba penaa. Tewala Dotandeo i Ue kae-Do, telendoomo anu montulungi ka tedontaomo anu tinulungi, ondae mepingko luwu mate mperonga-ronga.

Yesaya 47:8

Onaemo pu'uno, rongeomo andio, hei mia anu tuwu mesana-sanaa, anu rodo mentoro, ka motae a laro aroano, ”Butu ongkue; nahina anu susua i horiku! Nahi aku gagi tuwu beine ka anaku ira mekongko mpiha ndi ongkue!”

Yehesikieli 16:49

Kitao, ndiomo salano Sodomo, akamu anu lalu mongura atuu: pompelangka-langkai, kaanga anu hadio ntu'u, ka sanaano tumuwu kongko ndi onae ka luwuno anano beine, sine onae nahi pontulungi mia marasai ka mongkokolaro.

Yehesikieli 26:17

Ira mpenaniako ponsabangi mongkona omue ka ira mpotae ndi omue: Nde kana'umpe kau mansa ropu, tampula inso a ntahi malua, hei kota anu inunde-unde kota anu pabawa a ntahi, omue saru palilimu, anu mompokodoito a mpalili i wita motu'i?

Yehesikieli 28:1

Ka haweomo pau-Do i Ue ndi ongkue,

Yehesikieli 28:17

Omue mompelangka-langkai hangano tekosimu, ponto'orimu anu mentee uropuo hangano marambamu. I tolino Kupetadiakomu, a luwuno mokole Kupeweengakomu gagi kikitaano matado.

Yehesikieli 28:9

Nde da komotaeke, ’Ongkue andio Ue Ala!’ i arodo anu mpepateko? Kahinaano a ngkaeno anu tumoboko omue onaemo mia, komba Ondae Ue Ala.

Yehesikieli 29:3

Pepaumo ka potae: Kanandiomo pau-Do Ue Ala: Menteeano, Ongkue gagi ewaimu, hei Pirao, mokole i Masiri, buaea langkai anu mepombole i tongano luwuno anano koronomu, ka anu motae: Koro Nili atuu ongkue me'ueo. Ongkuemo anu weweuo.

Yehesikieli 29:9

ranta wita Masiri ta gagi boni-boni ka terawo. Ka ira mento'orio nine Ongkuemo Ue. Upotae: Koro Nili atuu ongkue me'ueo, ongkuemo anu weweuo,

Yehesikieli 31:10

Onaemo pu'uno, kanandiomo pau-Do Ue Ala: Hangano onae tuwu ondau, untuno kontasi-tasi i olono laro nseru, ka onae gagi mompelangka-langkai hangano ondauno,

Danieli 11:12

Mansano rumopu ira sorodadu hadio atuu, aroano ta mo'unde. Onae mompepateomo mapasowu-sowu mia, sine nahi ta moroso mpiha.

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

Danieli 11:37

Luwuno mbo'u pinesombaido uempu'uno nahi ta merioo. Inunde-undedo beine ke pesombaa isuamo koa nahi ta merioo, hangano a luwuno atuu ta mompelangka-langkai.

Habaku 2:4

Menteeano, mia anu mompelang-langkai nahi moleo aroano, sine mia anu mentee ta tuwu hangano pompe'ala-ala.

Sepanya 2:15

Onaemo kota anu mo'unde, palilino merodo ka anu motae i laro aroano, ”Butu ongkue anu kongko, nahina anu susua!” Onae gagiomo ntu'u po'ianga anu londa, pepomboleado kondehora mo'ila. Sompo mia anu lumaloo ta mesiili ka mekambe-kamberoako kaeno.

Sakaria 9:2

kota Hamati anu metida saru onae, Tirusi mbo'u ka Sidoni, maupo kana'umpe pandedo mposongka.

I LUKASI 14:9

ka si aiwa mia atuu, anu umoluko ka onae ka ipotaeakomu: Po'ianga andio weeakono mia atuu. Ka i'amba omue saru mokoko'ii asalakono lumako a mpo'ianga anu i totono ntu'u.

Winali 8:14

si mpopelangka-langkai, ranta ka imengkolupe Ira i Ue, Ue Alamiu, anu wawa komiu mpeluarako inso i wita Masiri, inso a raha pompe'ataa,

2 TESALONIKA 2:4

onaemo anu umewa tumuduo koroino mantande i wawono luwuno anu pinau ke anu pinesombai kana Ondae Ue Ala. Tamoako onae mentoro a Raha-Do Ue Ala ka ipepokomengkaa kana Ondae Ue Ala.

1 TIMOTIU 3:6

Onae komba mia anu da sarai itepidi, ka si gagi mompelangka-langkai ka ikonao hukuno i Mosa'o.

1 PETURU 5:5

Kanandio koa mbo'u omiu, hei mia memongura, impe'urumakomo a mia anu memota'u. Ka luwumiu, imemambe'urumako, hangano, ”Ondae Ue Ala umewaio mia mompelangka-langkai, sine mehohawao mia anu me'urumako.”

MENGKAAA 17:3

A laro Penaa Dowawa aku i pada one. Ka kukitao aasa beine mesawi a wawo aasa kondehora anu motaha wungo, anu buke teburiako nee pompepaukiako. Kondehora atuu hinao opitu uluno ka hopulu tanduno.

MENGKAAA 18:7

poweeakonomo pobobarasai ka po'inombo, montonda hadiono marambaa ka mare'ea, anu i hinaweno. Hangano ipotae i laro aroano: Mentoro aku a ngkadera poparentaa kana mokole beine, ongkue komba tuwu beine, ka nahi aku hori mo'inombo.