Yehesikieli 26:12 - Wunta Mempori

¹² Ira merontuo kaeamu ka mpomuruo luwuno balu-balumu. Ira mehoao luwuno rere watumu ka mpobangkuo luwuno rahamu anu tekosi, ka i'amba tinadi watu, keu, ka awumu a laro ntahi.

Yehesikieli 26:12 ပူးပေါင်းရင်းမြစ်များ

2 Tawarika 32:27

I Hisikia mohawe pompoli ka marambaa anu tedoa langkai. Iweweuo luwuno ponaapa arataa wulaa, salaka, watu paramata anu motungko, rampa-rampa, luwuno kanta ka luwuno sangka anu ntekokosi,

2 Tawarika 36:10

A tempo pepo'euano ta'u i mokole Nebukanesa montena mia wawao i Babeli saru luwuno parewa anu masuli inso a Raha-Do i Ue. Ka i'amba i Sedekia, pepaekompono amano i Yoyaki gagi mokole i Yehuda ka i Yerusale.

Yesaya 23:11

Dotandeomo i Ue kae-Do te'aro a ntahi ka weweu ira poparentaa mpondidi-ndidi; meparenta Iramo mongkona Kana'a ka irinopu luwu benteno.

Yesaya 23:8

Isemake anu putusiakono ndio ndi Tirusi, anu mompowee ramba-ramba ulu, anu luwuno puu mpebalu-baluno langkai potorono ka luwuno puu mpebalu-baluno mia maramba i tolino?

Yesaya 32:12

Topaomo radamiu, sabangiomo leremiu anu tekosi, ka keu anggoromiu anu membali wuano.

Yeremia 25:34

Ponsabangimo ka peboolimo, hei luwuno puu mpopakambi! Pelundi-lundimo a laro pampawu, hei luwuno petewawa bawaano bembe bimba! Hangano haweakoomo tempomiu ka imensinumbele ka mensiniarawo, ka komiu mentedonta ntesiarawo kana bolusa masuli olino.

Yeremia 52:14

Luwuno rere watu lumimbuo kota Yerusale dompobangkuo luwuno sorodadudo to Kasidimi anu mentondao petewawa sorodadu podagai mokole atuu.

Yehesikieli 26:5

Onae ta gagi pompuaia buani a tonga ntahi malua, hangano Ongkue anu pauo, kanandiomo pau-Do Ue Ala. Onae ta gagi pomuruado luwuno tongku.

Yehesikieli 28:8

Omue dompotiiko a laro ngkaburu, omue mate kana mia mate pinepate a ntonga ntahi malua.

Danieli 11:8

Maupo luwuno pinesombai ka tinaha tinawado saru luwuno parewado anu hinao olino inso a nsalaka ka wulaa ta wawao i Masiri gagi pinomuru. Ba'opia nta'u tehineno ta menaa-naa metea umewaio mokole i wita Utara.

Hosea 13:15

Maupo ituwu mewalo i olono luwuno ewo, angi i sabaano oleo, angi-Do i Ue ta hawe mepuuri inso i pada one, mokomotu'io luwuno insoano uwoi ka mokonsa'o luwuno mata uwoino; Ira rumontuo arataa, luwuno sangka anu tekosi.

Amosi 5:11

Omiu mopokonsii mia anu molema ka mpo'ema sima'uluno gandu. Onaemo pu'uno, maupo imewangu ira raha inso a watu pina'o, nahi komiu mpo'iangario; maupo impoweweu lere anggoro anu tekosi, nahi komiu mpo'inu anggorono.

Nahumi 2:9

Pomuruomo salaka, pomuruomo wulaa! Hangano nahi hori pingko arataa pinatinda, hadio ntu'u sangka masuli olino!

Sakaria 7:14

Onaemo pu'uno Kusiarawoako ira angi lompiu i olodo luwuno tongku anu nahi domento'orio. Sa'umarino wita atuu gagi boni-boni, ranta nahina anu wela telalo i ra'ai. Kanandiomo domeweweuo wita anu tekosi atuu gagi po'ianga anu boni-boni.”