Yehesikieli 24:6 - Wunta Mempori

⁶ Onaemo pu'uno kanandiomo pau-Do Ue Ala: Masolaomo kota anu buke pasua rea, kawali menta'ilasi i larono ka ta'ilasino nahi tetadi inso ndi onae! Luarakonomo nte'o'asa mpole siimo ipinontendeako undi.

Yehesikieli 24:6 ပူးပေါင်းရင်းမြစ်များ

2 Samueli 8:2

Onae numangi ira koa mbo'u to Moabi. Itena ira mpepombole a wita ka isongkaako ira koloro. Isongka ira pendua ondauno koloro anu ta pinepate ka asa ondauno koloro anu ta pino'inee tuuwu. Kanatuumo to Moabi mpetenunu ndi Daudi ka asalakono pompesombaako peki'ue.

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Mokole 24:3

Mentee ntu'u, mongkona atuu gagi a nto Yehuda menunu saru petena-Do i Ue ka doliahako ira inso i aro-Do, hangano luwuno halano i Manase, menunu saru luwuno anu wineweuno,

2 Mokole 24:4

hangano mbo'u reado mia anu nahina salado anu i'uwuomo. Hangano iweweuomo Yerusale bukeako reano mia anu nahina salano, ka Ondae i Ue nahi Dobehe umampunio.

Yeremia 2:22

Maupo uwo'ohiakono uwoi awu koroimu, mompake hadio sabo, titino salamu kongko mpiha i arono mata-Ku, kanandiomo pau-Do Ue Ala.

Yeremia 6:29

Balo pompuuri pinuriomo, sine anu meluarako inso a api butu tima mo'ito. Nahina tuduno pompokolono iwineweu mpiha, mia memosa'o gaudo nahi teponsia.

Yehesikieli 11:11

Kota andio nahi ta gagi kuromiu ke maupo omiu gagi bau i larono. A mpetidaano Isaraeli Aku humuku komiu.

Yehesikieli 11:3

anu mpotae: Kombake napi tempono tompowangu raha? Kota andio kuro ka ontae bauno.

Yehesikieli 22:12

I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 22:2

”Hei omue, anano mia, behekoke dumontaio, humbee, dumontaio pohuku a ngkota anu buke pasua rea? Pauakonomo luwuno wineweuno anu mokoburu.

Yehesikieli 22:27

Luwuno mia pinemota'u i tonga-tongano kana serigala anu momperangkami kaangano ka ipo'uwu rea ka mompepate mia hangano ime'uraakono koroino onaeno.

Yehesikieli 22:3

Pauomo: Kanandiomo pau-Do Ue Ala: Hei kota, anu mo'uwu rea i tonga-tongano ranta hawe tempo pohukuano, ka anu weweu ira lahumoano onaemo kumokoburutio koroino.

Yehesikieli 24:3

Pauomo asa potundaano a nsuku anu umewa ka potaeako ira: Kanandiomo pau-Do Ue Ala: Naaomo kawali a wawo api, naaomo, ka uwuomo mbo'u uwoi i larono;

Yehesikieli 24:9

Onaemo pu'uno, kanandiomo pau-Do Ue Ala: Masolaomo kota anu buke pasua rea! Ongkue mbo'u mokolangkaio howuno keu.

Yoeli 3:3

hangano bawaa-Ku dompotendeakono undi, mpeweengakono asa ana ntama hangano asa mia belesu, ka me'asao asa ana beine hangano anggoro anu ta ininu.

Obaja 1:11

I tempono upentade i olaiano, kontongaado mia susua mentandeo pompolino Yerusale ka mia mehawe mpewinsokio mpewowa langkaino ka mpotendeakono undi, omue mbo'u kana asa mia inso i olodo atuu.

Yunu 1:7

Ka do'amba mpepau asa mia ka asa mia, ”Aiwamo tompotende undi, ka tomento'orio, hangano isema masolaa andio umalu kita.” Mpontende iramo undi ka undi atuu tedonta ndi Yunu.

Mika 7:2

Mia mpope'ala-ala tampulaomo i witano, ka nami hina mbo'u mia moleo i olodo mia. Ondae luwudo mponsikori rea, singge mia mo'ohoako buani pe'asa miano.

Nahumi 3:1

Masolaomo kota po'uwua rea atuu! Luwuno butu pegaupi, bukeako porontua, ka nahi penaa-naa pomperangkamia!

Nahumi 3:10

Sine onae isa'a ta mewinso a pontadia, lumako kana mia tinawa. Luwuno nana'otedo mbo'u ta pinirego a tompano luwuno sala; a luwuno mia pinemota'uno tinende undi, ka luwuno anu langkai potorono pinonguako rante.

I MATIU 23:35

ka imensusuruo po'uwua reano mia anu nahina salano mompu'u inso ndi Habeli, mia mentee atuu, hawe ndi Sakaria anano i Berekia, anu pinepatemiu i olono po'ianga mempori ka meda pontunua pesomba.

Winali 23:13

I olono parewamu asalakono hinao ndi omue sikopa kodei. Tewala kotumotanda teta'i, asalakono upongkeke bolo mompake sikopa, ka howuio ta'imu.

Yosua 10:22

Ipepauako ira i Yosua, ”Ime'ungkahiomo ngangano aa ka luarako ira olima mokole atuu inso ilarono ka iwawa ira ndi ongkue.”

MENGKAAA 17:6

Ka kukitao beine atuu molanguako reado mia mempori ka reado sakosii-Do i Yesu. Ka tempono kukitao, tedoa aku kohali-hali.

MENGKAAA 18:24

Ka i larono hinawe reado nabi ka mia memempori ka reado luwuno mia, anu mempinepate i tolino.