Yehesikieli 23:9 - Wunta Mempori

⁹ Onaemo pu'uno, onae Kupeweengakono a ngkaedo kinekewoino, a ngkaedo to Asuri ndi sema imingki mewowaliakono.

Yehesikieli 23:9 ပူးပေါင်းရင်းမြစ်များ

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

1 Tawarika 5:26

Onaemo ka Doleluo Ue Alado to Isaraeli aroano i Puli, onaemo i Tiligati-Pileneseri, mokoledo to Asuri. Mokole atuu wawa ira a mpontadia: to Rube, to Gadi ka suku Manase anu entongano atuu. Iwawa ira i Halahi, i Habori, i Hara ka korono i wita Gosani; mekongko ira i ra'ai hawe oleo andio.

Yeremia 3:8

Ikitao nine hangano ponsosabono Kupensuaakonomo i Isaraeli anu mehapuakono pompe'ala-alano atuu, ka moweeakono wunta teposuaa. Sine i Yehuda, pepaekompono beine anu nahi petenunu atuu, nahi doito, tendeano lumako mbo'u mebelesu.

Yeremia 4:30

Omue, anu pinokotampula, hapake anu ta wineweumu, tembio ka upompokona sangka motaha ntu'u, rumamba-rambaakono peramba-ramba wulaa koroimu, hahiakono matamu pohahi mata? Nahina tuduno upokontekosio koroimu, luwuno kinekewoimu nahi domebehe ndi omue, tendeano dopontooakono penaamu.

Yehesikieli 16:37

mentee ntu'u, onaemo pu'uno Aku pumpu ira luwu pinehohawamu, ondae anu mempopandeio aroamu, moiko anu kinekewoimu maupo anu ino'aliaakomu. Aku pumpu ira inso a mpehori-horimu ka dome'ewaiko ka mesungkeo pinekaria winunimu i arodo, ranta ka domengkitao luwu kolambe-lambemu.

Yehesikieli 23:18

Hangano onae weweuo pebelesuno nahi pewuni-wuni ka mopokitao pinekaria winunino, Ongkue mbo'u meliahako inso ndi onae hangano mokoburu, kana Kupeliahako inso ndi uaino.

Yehesikieli 23:22

Onaemo pu'uno, hei Oholiba, kanandiomo pau-Do Ue Ala, lano meliahakokomo inso a luwuno kinekewoimu, sine mentee ntu'u, Aku tumena ira ka dompelelu me'ewaiko. Aku wawa ira umewaiko inso a mpehori-horimu:

Hosea 11:5

Kombake ondae asalakono mpekule i wita Masiri? Po'ineeomo Asuri gagi mokoledo, hangano nahi domebehe ntepidi.

MENGKAAA 17:16

Ka hopulu tandu anu ukitaomo atuu saru kondehora atuu ira me'o'aliaakono beine belesu atuu ka ira meweweuo gagi boni-boni ka kolambe-lambe, ka ira mengkaano bauno ka ira mentunuo a api.