Yehesikieli 22:4 - Wunta Mempori

⁴ Saru rea anu inuwumu omue saala ka saru luwuno lahumoa anu wineweumu omue gagi mokoburu. Omue weweuo luwuno oleomu ko'umpe-umpedano ka tampulaano luwuno ta'umu hawe. Onaemo pu'uno, Aku mokogagiko pepaukiakoado luwuno tongku ka popodeu-deuado luwuno wita.

Yehesikieli 22:4 ပူးပေါင်းရင်းမြစ်များ

1 Mokole 9:7

Aku mokotampula ira to Isaraeli inso a wawo wita anu Kuweeako iramo. Aku mebungkuio raha anu umariomo Kupokomemporio tiano nee-Ku atuu. Isaraeli ta gagi potundaano ka pasinggiri i olono luwuno tongku.

2 Mokole 21:16

Laanopo mbo'u i Manase mompepate mia anu nahina salano, hadio ntu'u ranta buke Yerusale inso i tompano hawe i tompano, napi tewinso luwuno halano anu poko'ariano to Yehuda mpoweweu ira mbo'u hala hangano mpoweweu anu mosa'o a pongkita-Do i Ue.

2 Tawarika 7:20

manasa Aku buta komiu inso i wita-Ku anu umariomo Kuweeakomiu, ka raha andio anu Kupokomemporiomo tiano nee-Ku, Aku tumadio inso i aromiu ka Aku mokogagio potundaa ka pasinggiri i olodo luwuno tongku.

Po'unde-unde 79:4

Omami gagi tataado pehori rahamami, gagi popodeu-deu ka pasinggiriado mia lumimbu kami.

Yeremia 18:16

ranta ka domeweweuo witado gagi asa anu mongkokongiri gagi pompopodeu-deu ranta nahina tampulaano. Sompo mia anu lumaloo ta mokokongiriakono, ka bitu-bituo uluno.

Yeremia 24:9

Aku weweu ira gagi asa anu mongkokongirido luwuno poparentaa i tolino, gagi mokoko'iia ka pasinggiria, gagi tetewehia ka totonaa a luwuno po'ianga ba isua Kusiarawo ira.

Yeremia 44:8

Tembio ka impokotesingkao tekuda-Ku hangano wineweuno kaemiu, saru mpotunu pesomba a luwuno pinesombai susua i wita Masiri anu pinewinsokimiu komiu mpo'ia gagi mia hawe i ra'ai? Tembio ka imebehe gagi pontotonaa ka mokoko'iia i olodo luwuno tongku i tolino?

Yehesikieli 16:57

se'eluno napi teto'ori poweweumu anu mosa'o? Kombake i tempo andio dompokongkodeiko nana'ote beine to Edomi ka luwuno mia a mpehori-horino, saru mbo'u nana'ote beine to Pelisiti anu mentetewehiko inso a mpehori-horimu?

Yehesikieli 21:28

”Omue anano mia, pauomo anu ta gagi ka potae: Kanandiomo pau-Do Ue Ala mongkona inuleno i Amoni ka pepaukido; potaemo: Ponai, ponai binutaomo ka ipo'uwu rea, pinulohi ka iporopu, ka mangkilo kana berese.

Yehesikieli 22:2

”Hei omue, anano mia, behekoke dumontaio, humbee, dumontaio pohuku a ngkota anu buke pasua rea? Pauakonomo luwuno wineweuno anu mokoburu.

Yehesikieli 23:32

Kanandiomo pau-Do Ue Ala: Omue asalakono mo'inu inso a mpialano akamu, piala anu ondalo ka malua, onaemo piala anu hadio ihino; omue gagi pengingisia ka pasinggiria.

Yehesikieli 23:7

Onae mebelesu saru ondae, luwuno to Asuri bininiki. Onae kumokoburutio koroino saru luwuno mia ndi sema imingki mewowaliakono, ka saru luwuno lahumoano.

Yehesikieli 24:7

Hangano, rea anu inuwuno da hinawe i tonga-tongano. Onae umuwuo a wawo pongku watu anu londa. Nahi uwuo a wawo wita ranta ka ipokotutuwio pampawu.

Yehesikieli 24:8

Ka itesingka tekuda-Ku ka moweweu pombaloa, Kunaao reano atuu a wawo pongku watu anu londa ka si tetutuwi.

Yehesikieli 36:15

Nahi Kupo'inee ira mbo'u mia mempopauo mokoburua anu wineweudo luwuno tongku ndi omue. Nahi komontembi mbo'u pontetewehido luwuno tongku ka nahi weweuo mbo'u tongkumu nahina inule, kanandiomo pau-Do Ue Ala.”

Danieli 9:16

Oo Ue, menunu saru luwuno moleo-Miu, po'ineeomo tekuda ka bamburu-Miu moliu inso i Yerusale, kota-Miu, torukuno-Miu anu mempori. Hangano halamami ka salado uempu'umami weweuo Yerusale ka bawaa-Miu gagi tataado luwuno mia i horimami.

Imama 26:32

Ongkue-Ku sumolangio wita atuu, ranta iwalimiu anu mpo'ia i tu'ai ira mengkohali-hali hangano onae.

Podoaa 32:14

Kitaomo, kanandio-andio mpentade komiu umeu ira amamiu, tepumpuado mia mentehala, tumiangio mbo'u tekuda-Do i Ue anu tensila a nto Isaraeli atuu.

Winali 28:37

Komiu megagi mongkokongiria, pompotundaa ka pompasinggiri i olono luwuno tongku, ba isua Ira lumiahako komiu i Ue.

Winali 29:24

Ondae ka luwuno tongku ira mpotae, ”Hapake pu'uno ka Doweweuo i Ue kanandio wita andio? Hapake pengkonaano tekuda anu tensila ntu'u andio?”

1 TESALONIKA 2:16

hangano inehedo mentombolei kami mempaleleo pau-Do i Ue tekaduduiado tongku susua. Kanandiomo nahi dompenaa-naa mpontiangi halado hawe ka isompo porokono ka kanandio-andio i'alu iramo luwuno pontekudaako.