Yehesikieli 22:12 - Wunta Mempori

¹² I olomu hinawe mia anu montarima pompowee anu nahi pototono ka ipo'uwu rea. Omue mo'ala tiangino ke bungano doi ka mokorugio pe'asa miamu mo'ala anu komba tiamu. Mentee ntu'u, ukolupe Akumo, kanandiomo pau-Do Ue Ala.

Yehesikieli 22:12 ပူးပေါင်းရင်းမြစ်များ

Nehemia 5:1

Teronge tedoa ira mengkabarata palili ka luwuno kombiado a mpe'asa to Yahudido.

Nehemia 5:7

Mansano kupewowoloo moi-moiko, kukuahako ira mia memota'u ka anu mempabawa. Kupotaeako ira: ”Omiumo isa'a mpo'ala riba inso a luwuno pepaekompomiu!” Umarino atuu kuweweuo terisoa langkai a bawaa ndi ondae.

Po'unde-unde 106:21

Domengkolupe Ira Ue Ala anu kumadudui iramo, anu mokomengkaaomo langkaino pabawa-Do i Masiri:

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Powadi 1:19

Kanatuumo poko'ariano sompo mia anu modokoako me'uraa nahi pototono, me'uraa atuu umalao penaano anu me'ueo.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 17:10

Hangano ukolupe Iramo Ue Ala anu kumaduduiko, ka nahi upewowoloo torukuno watu rosomu. Onaemo pu'uno, maupo upoweweu lere anu tekosi ka mompahoakono pinopaho anu inso a wita susua,

Yesaya 56:11

dahu memodoko mpongkaa, anu nahi domponto'ori mowohi! Ondae atuu puu pompakambi, anu nahina tino'orido! Luwudo mpo'ala salado ondaedo, singge mia molulu untu, nahina pinesusua.

Yeremia 2:32

Polioke asa ana beine kumolupeo peramba-rambano, ke asa umbungkoroi beine kumolupeo peboo ntongano? Sine bawaa-Ku domengkolupe Akumo, nahi pinokodoa mbo'u tehineno.

Yeremia 3:21

Rongeo! A wawo luwuno pongku londa teronge pengesedo nana'ote Isaraeli anu mpo'ema ntu'u, hangano mpobiniki iramo sala anu tesaa, ka kumolupe Ira i Ue, Ue Alado.

Yeremia 6:13

”Hangano, inso anu lalu kodei hawe anu lalu langkai i olodo, luwuno mpo'ungke me'uraa, moiko nabi maupo sando mpesomba luwuno mpompopo'oo.

Yeremia 9:1

Ande-andeno uluku insoano uwoi, ka mataku sirikino uwoi mata, meene wongi aku mengesei ira mia anu mempinepate inso i olodo ana beineno tongkuku!

Yehesikieli 18:13

mompowee saru mo'ala bungano doi ka mo'ala tiangino, ka mia anu kanandio nahi ta tuwu. Luwuno mokoburua andio iweweuo, onaemo pu'uno onae asalakono mate; reano umaluo koroino onaeno.

Yehesikieli 18:8

nahi pompowee saru mo'ema bungano doi ke mo'ala tiangino, moko'olaio koroino inso a molengkua, weweuo songka anu mentee i olono mia saru mia,

Yehesikieli 23:35

Onaemo pu'uno, kanandiomo pau-Do Ue Ala: Hangano omue kumolupe Aku ka mebungkui Aku, kanandio-andio tembiomo asa-asamu mokoburumu ka pebelesumu.”

Yehesikieli 36:12

Aku weweuo mia, bawaa-Ku Isaraeli, mpekule-kule i wawomu. Ira mpentorokiko ka omue gagi tia pusakado, ka omue nahi koweweu ira mbo'u nahina inule.

Imama 19:13

Si mporontu a pe'asa miamiu nahi pototono ka si mporontu. Siimo unaao tambono asa mia mo'angga asa oleo hawe tisomo.

Imama 25:37

Si poweeakono doimu ndi onae saru po'ema bungano, ka kaangamu si poweeakono ka mo'ema bungano.

Amosi 8:4

Rongeomo andio, omiu anu mpompokonsii mia mongkokolaro, anu mpopepate mia marasai i wita andio.

Amosi 8:6

ka topo'oli mia anu molema hangano doi ka mia mongkokolaro hangano asa pasa sandala; ka mo'asa gandu anu mosa'o?”

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

I MATIU 23:25

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano sangkiri ka sempe imewo'ohio bungkuno, sine i larono bukeako rinontu ka modokoa.

I LUKASI 18:11

To Parisi atuu mentade ka ipekakai i laro aroano kanandio: Oo Ue Ala, montarima kasi aku ndi Omiu, hangano nahi kupengkena kana luwuno mia mehano, komba puu mporontu, komba mia lambaha, komba anu monsosabo ka komba kana puu popumpu sima'ulu andio;

I LUKASI 19:8

Sine i Sakeu mentade ka ipotae ndi Ondae i Ue, ”Ue, entonga inso a arataaku aku weeako ira mia mongkokolaro ka ba mansa hinao anu rinontuku inso a mia te'asa aku mokuleo meluka pepanto.”

I LUKASI 3:13

Isangki ira, ”Si mposinga hadioopo sekono anu imempinakosiako.”

1 KORINTI 5:11

Sine anu kuburiakomiu onaemo, ka si mpewali-waliako mia, anu maupo ipauo koroino pepaekompo, onaemo mia belesu, modoko, mompesombai lahumoa, puu pomposebe, wela molangu ke wela mompopo'oo; saru mia anu kanandio si koa ntu'u impe'asaako ira mpongkaa.

1 KORINTI 6:10

anu mponako, mia memodoko, mara molangu, anu momposebe ka anu mompopo'oo nahi ira mpohawe tia a laro Poparentaa-Do Ue Ala.

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

Winali 23:19

”Sipompe'anaako doi a pepaekompomu, moiko doi maupo kaanga ke hapamokoa anu pinokompe'ana.

Winali 27:25

’Tetotonaaomo mia anu montarima pompowee nahi moleo ta mompepate mia anu nahina salano.’ Luwuno tongku atuu asalakono mpotae, ’Ami!’

Winali 32:18

Torukuno Watu anu gagi amamiu nahi mperioo, ka Ondae Ue Ala anu me'anaakomu, imengkolupeo.

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

YUDASI 1:11

Memasola iramo, hangano domentondao sala anu tinondano i Kai ka hangano ondae, ka hangano tambo, onaemo ka dontedonta a ntepopo'oono i Bilea, ka memate ira hangano pe'ewado kana i Kora.