Yehesikieli 21:7 - Wunta Mempori

⁷ Tewala ondae mpesikeno ndi omue: Tembio ka uperaaliki? Sangkimo: Hangano asa lele! Tewala lele atuu tepaleleomo, sompo aroa ta gagi motewe ka luwuno kae telupe, luwuno roso tetadi ka luwuno mia pasi'eme doito. Mentee ntu'u, mongkona atuu manasa hawe ka gagi! Kanandiomo pau-Do Ue Ala.”

Yehesikieli 21:7 ပူးပေါင်းရင်းမြစ်များ

Yehesikieli 7:17

Luwuno kae telupe ka luwuno mia pasi'eme doito.

IBARANI 12:12

Onaemo pu'uno pokorosoomo kae anu molema ka olontuu anu leedu;

Nahumi 2:10

Londa, telondahi ka pompokotampulaa! Aroa gagi telusa ka oluntuu telelu! Tonga mokalu luwu, ka rupano luwuno mia momite ntu'u.

Yehesikieli 7:26

Masolaa metuda-tuda ta hawe, lele metuda-tuda ta telele. Ondae mpo'ungke-ungke pongkita inso a nabi; pompaguru moliu inso a nsando mpesomba, ka patudu inso a mia memota'u.

Yeremia 50:43

Irongeomo mokole i Babeli mongkona ondae, kaeno gagiomo molema, ipabawaio ma'isoa, mompemahaki kana beine anu me'ana.

Yesaya 13:7

Onaemo pu'uno, sompo kae ta gagi molema, aroano sompo mia ta gagi tengkuru,

I LUKASI 21:26

Mia ira memateako doito hangano mensala-laroako luwuno ba hapa anu umaluo tolino andio, hangano luwuno pabawa i langi ta telelu.

Yehesikieli 24:19

Tongku atuu mpotae ndi ongkue, ”Nahi komiu pauakamike hapa pengkonaano anu wineweumiu andio ndi omami?”

Yehesikieli 20:49

Ka ku'amba motae, ”Oo, Ue Ala, dompotae mongkona ongkue: Kombake onae butu pau ira pau pasinggiri?”

Ponsabangi 5:17

Hanganomo andio ka imahaki aroamami, hanganomo andio matamami gagi mowewu:

Yeremia 49:23

Mongkona Damasi, ”Hamati ka Aripadi pinokoko'iiomo, hangano mporonge ira lele mosa'o; aroado mpondidi-ndidi medoito, kana tahi anu nahi pokorodo.

Yeremia 8:18

Nahi poli pinokotompa masusaa anu umaluo koroiku, tedoa mahaki aroaku.

Yesaya 35:3

Pokorosoomo kae anu molema ka pokorosoomo olontuu anu leedu.

Yesaya 28:19

Sompo ihawe, ta rumende komiu, hangano sompo mo'oru onae ta hawe, i tempono meene ka i tempono wongi; tedoa mongkokongiri ntu'u tewala pinokonto'ori pau anu rinonge atuu.

Yesaya 7:2

Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.

2 Mokole 21:12

Hangano atuu, kanandiomo pau-Do i Ue, Ue Alado to Isaraeli, Menteeano Aku mompotiiakono masolaa i Yerusale ka i Yehuda, ranta isemamo koa anu rumongeo ta ngingii birino.

2 Samueli 17:10

Maupo asa mia moroso ntu'u anu aroano kana singa manasa ta mondende, hangano domento'orio luwu to Isaraeli, nine amamu atuu asa mia pongkiari ka anu tumonda ira onaemo luwuno mia tedoa moroso.

Yosua 5:1

I tempono luwudo Mokole to Amori anu mpo'ia i sumooano oleo koro Yarade ka luwuno mokoledo to Kana'a ia wiwi ntahi, motae Ondae i Ue mokomo'areo koro Yarade i arodo to Isaraeli, onae ka dompokompesakiako, molusaomo aroado ka nami hina sumangado ira mpe'iwaliako ira to Isaraeli.

Winali 20:8

Luwuno anu mpo'atora atuu asalakono dompepau mbo'u a mpalili, kanandio, ’Isema anu doito ka molema aroano? Moiko ipekule i rahano, kasi motewe aroado luwuno pepaekompono kana aroano.’

Imama 26:36

Mongkona ondae anu da kongko mentuwu inso i olomiu, Aku mompotiiako ira danggara a laro aroado a luwuno witado iwalido, maupo unino lewe anu pinuurino angi ta lumulu ira, ka ira mpolai kana mia melulu olaiakono ponai. Ka ira ntebangku, kahinaano nahina mia anu lumulu ira.

Peluarakoa 15:15

Tempo atuu maroaomo domempopauo a tongku Edomi, Medanggara iramo anu mempabawa i Moabi; luwuno palili wita Kana'a mpondidi-ndidi.

1 PETURU 4:7

Pokotompaano luwuakoano umpedaomo. Onaemo pu'uno imempabawaiomo koroimiu ka impomperodomo, ka impokompekakai koa.

Yosua 7:5

Nde to Ai mepate ira bara'ura tolupulu ka onoo mia inso ndi ondae; to Isaraeli melinulu ira inso ia mpewowano kota, hawe i Sebari ka domenangi ira i korimbino torukuno. Tedoaomo telusa aroado tongku atuu.

Po'unde-unde 58:7

Oo Ue Ala, Ipurooako iramo ngisido a laro ngangado, puduako iramo luwuno ngisido singa mongura, oo Ue!

Yehesikieli 21:6

Omue, anano mia, peraalikimo! Peraalikimo i arodo kana asa mia anu wuku ntongano tepudu ka kongko a laro tedoa marasaia.

Yehesikieli 21:8

Ka i'amba haweomo pau-Do i Ue ndi ongkue,

Yehesikieli 21:15

Hangano kanandio aroado masusa ka anu tebangku koteti-tetiangino a sompo pewowa langkaido. Ongkue meparenta po'uwua rea saru ponai atuu. Adoo, ponai atuu wineweu mangkilo kana berese ka ipinulohi ka ipo'uwu rea.

Yehesikieli 22:14

Polioke aroamu ka kaemu moroso mpiha i tempono Kupoweweu ndi omue? Ongkue, Ue, anu pauo ka Aku weweuo.

Danieli 5:6

Mokole gagiomo momite ka luwuno pinewowolono mokodanggarao. Lodi-lodi puu mpa'ano gagi molema ka olontuuno tepopangku.

Yeremia 26:12

Sine i Yeremia motaeako ira luwuno mia pinemota'u ka luwuno palili, ipotae, ”Ondaemo i Ue anu tumena aku ka kupauo anu ta gagi mongkona raha ka kota andio saru pau anu rinongemiumo atuu.

Yehesikieli 6:2

”Hei anano mia, po'aroomo rupamu a luwuno torukuno Isaraeli ka pauomo anu ta gagi umewai ira!