Yehesikieli 21:3 - Wunta Mempori

³ Pauakonomo wita Isaraeli: Kanandiomo pau-Do i Ue: Kitao, Aku gagi ewaimu. Aku butao ponaiKu inso a tampino ka mokotampulao inso i tonga-tongamu mia mentee ka mia mosa'o gauno.

Yehesikieli 21:3 ပူးပေါင်းရင်းမြစ်များ

Ayubi 9:22

Luwuno mengkena koa, onaemo pu'uno ka kupotae: anu mentee ka anu sala, oruano Dopokotampulao.

Po'unde-unde 17:13

Ipentademo, Ue, I'aropi iramo ka pobangku iramo, saru ponai-Miu Ipotola akumo inso a mia mosa'o gauno.

Po'unde-unde 80:17

Domentunuomo a laro api kana kuli mpae; po'ineeomo dontetadi tampulaako te'iseno rupa-Miu!

Po'unde-unde 83:15

Kana api anu sumongkoo tobu, ka kana langano api anu mokomo'ai ira torukuno,

Peluarakoa 15:9

Potaedo iwali: ’Aku lumampui ira ka humawe ira, aku tumia-tiao pinomuru; Aku motolao tekudaku ndi ondae, aku butao ponaiku; kaeku ta mokoropu ira!’

Puu Pontutulu 9:2

Luwuakoano mengkena a luwuno mia; teweweu atuu mengkena moiko a mia mentee maupo a mia mosa'o gauno, a mia moiko peleluno ka mempori maupo a mia mokoburu, a mia anu mompesombaako pesomba maupo anu nahi pompesombaako pesomba; Kana'umpe mia moiko peleluno, kanatuu koa mbo'u mia tehala; kana'umpe mia mesumpa, kanatuu koa mbo'u mia anu doito mesumpa.

Yesaya 10:5

Masolaomo ntu'u Asiuri, ponsepino tekuda-Ku anu kaeno uminio tuko tekuda-Ku!

Yesaya 34:5

Hangano ponai-Ku anu i langi molanguakoomo rea, kitao, onae metii bitarao Edomi, tongku anu Kupesusuao ka irinopu.

Yesaya 57:1

Mia mentee mate, nahina maupo te'asa mia anu mekakaakono; luwuno mia moleo tebite penaano, nahina maupo te'asa mia anu merioo; mentee ntu'u, hangano lumeleno wineweu mosa'o, tebiteomo penaano mia mentee

Yeremia 17:27

Sine tewala nahi mperorongea-Kune ka impokomemporio oleo Saba ka nahi mpowawa parewa telalo a luwuno pewowa langkaino Yerusale a oleo Saba, asalakono a luwuno mpewowa langkaino Aku molangao api, anu ta kumaano ka ipingko luwuno benteno Yerusale, ka anu nahi pinokompepate.”

Yeremia 21:13

Menteeano, Aku gagi ewaimu, hei omiu anu i lembono, torukuno watu a mantandeano, kanandiomo pau-Do i Ue, hei omiu anu mpotae: Isema anu ta metii umewai kami, isema anu ta mewinso a mpo'iangamami?

Yeremia 21:14

Aku humuku komiu menunu saru hasilino wineweumiu, kanandiomo pau-Do i Ue. Aku molangao api a ntobuno ka api atuu ta kumaano ka ipingko luwuakoano i horino.”

Yeremia 50:31

Menteeano, Aku gagi ewaimu, hei omue anu mompelangka-langkai, kanandiomo pau-Do Ueno luwuakoano, hangano haweomo tempomu, tempono Aku humukuko.

Yeremia 51:20

Omuemo palu langkai-Ku, parewa mpetea: Saru omue Aku merawo-rawo ira tongku, saru omue Aku rumopu ira poparentaa,

Yeremia 51:25

Menteeano, Aku gagi ewaimu, hei torukuno poropu, kanandiomo pau-Do i Ue, anu rumopuo asa wawontolino! Aku tumandeo kae-Ku ndi omue, lumundiko inso a pongku watu, ka weweuko gagi torukuno api anu mateomo.

Yehesikieli 13:8

Onaemo pu'uno, kanandiomo pau-Do Ue Ala, hangano omiu mpohaweo luwuno pau pegaupi ka mpokita mongkona anu nahi mentee, ka Aku gagi ewaimiu, kanandiomo pau-Do Ue Ala.

Yehesikieli 14:17

Ke tewala Kuwawao ponai umewaio wita atuu ka Kupepau: Hei ponai, pelakopimo a wita atuu, ka Kupokotampulao mia ka kondehora i ra'ai,

Yehesikieli 14:21

Menteeano, kanandiomo pau-Do Ue Ala: Laluaopo mongkokongiri mbo'u, tewala Kupotiio ponai, mokoninggoa, kondehora lambaha, ka haki lele, opaa pohuku-Ku anu mobea, i Yerusale mokotampulao mia ka kondehora i ra'ai!

Yehesikieli 21:19

”Hei omue anano mia, gambaraomo orua sala anu ta telaloano ponaino mokole i Babeli; oruano mompu'u i asa wita. Weweuomo dopi pontiso sala a pompu'uano sala anu te'aro a ngkota.

Yehesikieli 24:9

Onaemo pu'uno, kanandiomo pau-Do Ue Ala: Masolaomo kota anu buke pasua rea! Ongkue mbo'u mokolangkaio howuno keu.

Yehesikieli 26:3

onaemo pu'uno kanandiomo pau-Do Ue Ala: Kitao, Aku gagi ewaimu, hei Tirusi. Aku weweuo hadio tongku mpentade umewaiko, kana tahi malua mosaba ira bombano.

Yehesikieli 29:10

ka mentee ntu'u, Ongkue gagi ewaimu ka ewaino luwuno ana ngkoronomu. Aku weweuo wita Masiri gagi tekale-kale, mokari ka nahi mewalo, ka boni-boni mompu'u inso i Migido hawe i Siene, tendeano hawe a mpetidaa Etiopia.

Yehesikieli 5:12

Asa ntia otolu inso ndi omue ta mate kona haki lele ka mate mokoninggo i tonga-tongamu; asa ntia otolu mbo'u ta mate ikaano ponai a mpehori-horimu; ka asa ntia otolu mbo'u Aku sumiarawoo a luwuno siuno angi ka Aku butao ponai i bungkudo.

Yehesikieli 5:8

Onaemo pu'uno, kanandiomo pau-Do Ue Ala: Kitao, Ongkue, oo Ongkue isa'a gagi ewaimu ka Aku modontaiakomu pohuku i arodo luwuno tongku.

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.

Imama 26:33

Sine omiu Aku meweengakono i olodo luwuno tongku susua ka Ku'alao ponai lumulu komiu, ka witamiu ta gagi po'ianga londa ka luwuno kotamiu ta gagi hanga ngkota.

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Amosi 7:4

Ndiomo anu pinopokita-Do Ue Ala ndi ongkue: Tengkita Iramo Ue Ala moboio api ta pohuku. Api atuu kumaano uwoi piingko a ondaloano ntu'u ka ta piingko ikaano wita lere.

Nahumi 2:13

Kitao, Aku gagi iwalimu, kanandiomo pau-Do Ueno luwuakoano, Aku tumunuo karetamu gagi ahu, ka ponai ta pingko kumaano singa monguramu; Aku mokotampulao kaangamu inso i wawontolino, ka pepaudo tinenamu nahi ta teronge mbo'u.

Nahumi 3:5

Kitao, Aku umewaiko, kanandiomo pau-Do Ueno luwuakoano; Aku sumungkeo tapu hawumu hawe a rupamu ka mopokitao pomaliamu a luwuno tongku ka wineweumu mosa'o a luwuno poparentaa.

Sepanya 2:12

Omiu mbo'u, hei to Etiopia, komiu memate tetoboako ponai-Ku.

Sakaria 13:7

”Hei ponai, pelelumo ewaio puu pompakambi-Ku, ewaio mia anu umpeda ndi Ongkue!”, kanandiomo pau-Do Ueno luwuakoano. ”Pepateomo puu mpopakambi, ka dontesiarawo asa bawaa bembe bimba! Aku woliteo kae-Ku maupo ndi ondae anu molema.