Yehesikieli 20:7 - Wunta Mempori

⁷ Ongkue mepau ndi ondae: Po'ineeomo sompo mia ka itadi ira pinesombaino anu mokoburu, ba isua ite'aro matano ka koroimu sii kokoburutiakono luwuno lahumoado to Masiri; Ongkuemo Ue, Ue Alamiu.

Yehesikieli 20:7 ပူးပေါင်းရင်းမြစ်များ

2 Tawarika 15:8

Mansano rumongeo i Asa pau andio ka pe'oliwi-Do i Ue ndi nabi Asaria anano i Odedi atuu, ipokorosoo aroano ka itadio luwuno pinesombai mokoburua inso a luwuno wita Yehuda ka Benami, ka inso a luwuno kota anu pinongko'alano i mentorukuno Eparai. Ipokomoikoo meda pontunua pesomba ndi Ondae i Ue anu kongko i arono bolongko Raha Mempori-Do i Ue.

Peluarakoa 16:12

”Kurongeomo pewurukido to Isaraeli; pauako iramo: Tempono ngkiniwia komiu mpongkaa bau ka mo'oru komiu memowohi mpongkaa roti, onae ka imento'oriomo, nine Ongkuemo Ue, Ue Alamiu.”

Peluarakoa 20:2

”Ongkuemo Ue, Ue Alamu, anu wawakomiu mpeluarako inso i wita Masiri, inso a ntepe'ataa.

Peluarakoa 20:4

Si mpoweweu lahumoa anu mengkena hapamo koa anu i langi i wawono, ke anu i tolino i totono, ke anu mpo'ia a laro uwoi itotono tolino.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Peluarakoa 22:20

Isema anu mompesombaako pesomba a pinseombai susua sangkadio ndi Ondae i Ue, asalakono pinokotampula.”

Yesaya 31:7

Mentee ntu'u, a oleo atuu omiu singge mia ta tumadio lahumoa salaka ka lahumoa wulaano wineweuno kaemiu anu bukeako hala.

Yehesikieli 14:6

Onaemo pu'uno, pauako iramo suku Isaraeli: Kanandiomo pau-Do Ue Ala: Intepidimo, impepokulemo inso a lahumoamiu ka woliliomo rupamiu inso a luwuno wineweu anu mokoburu.

Yehesikieli 18:15

onae nahi pongkaa bau pesomba a wawo ntorukuno, nahi po'aroo matano a luwuno lahumoado suku Isaraeli, nahi ponsosa'ai beineno pe'asa miano,

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Yehesikieli 18:6

onae nahi pongkaa bau pesomba a wawo ntorukuno ke mo'aroo matano a luwuno lahumoado suku Isaraeli, nahi sosa'aio beineno pe'asa miano, nahi pewowaliakono beine anu tekonai ihaweo wulano,

Yehesikieli 20:19

Ongkuemo Ue, Ue Alamiu. Imentuwumo montonda luwuno pompakosi-Ku saru impe'inimo a luwuno atora-Ku ka imeweweuomo atuu.

Yehesikieli 20:8

Sine, ondae me'ewa ndi Ongkue ka nahi dobehe meronge Aku. Sompo mia nahi tadi ira pinesombaino anu mokoburu, ba isua ite'aro matano, ka nahi binta ira lahumoado to Masiri. Ka Kupontoo umuwuo tekuda-Ku ndi ondae, motiio tekuda-Ku ndi onae i tonga-tongano wita Masiri.

Yehesikieli 23:3

Ondae mebelesu i Masiri, ondae mebelesu i tempono da domemongura. I ra'ai wua radado pinisi-pisi, radado da moondo inini-ini.

Yehesikieli 23:7

Onae mebelesu saru ondae, luwuno to Asuri bininiki. Onae kumokoburutio koroino saru luwuno mia ndi sema imingki mewowaliakono, ka saru luwuno lahumoano.

Yehesikieli 23:8

Onae nahi bintao pebelesuno mompu'u inso i Masiri. Hangano tempono imongura dompewowaliakonomo mia, ka ondae me'ini-inio rada moondono saru mpoweeo pebelesudo ndi onae.

Yehesikieli 34:24

Ongkue, Ue, gagi Ue Alado saru tetenaa-Ku i Daudi gagi mokole i tonga-tongado. Ongkue, Ue, anu pauo.

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Imama 11:44

Hangano Ongkuemo Ue, Ue Alamu; asalakono ipokomemporio koroimu ka asalakono kai memempori, hangano Ongkue andio mempori. Si meweweuo koroimu mokoburuako sompo kondehora melele anu mpebawaa i wawo wita.

Imama 17:7

Siimo mbo'u dompopesombaako pesombado a onitu kana bembe, hangano mesomba a onitu bembe onaemo monsosabo. Onaemo atuu anu asalakono gagi pompakosi ranta nahina tampulaano ndi omiu hawe a inulemiu.

Imama 18:2

”Pepaumo a nto Isaraeli ka potaeako ira: Ongkuemo Ue, Ue Alamiu.

Imama 18:3

Siimo impoweweu kana anu wineweudo mia i wita Masiri a mpo'iangamiu i ndi'ipua. Siimo mbo'u impoweweu kana anu wineweudo mia i wita Kana'a ba isua Aku wawa komiu. Siimo imentuwu montonda gaudo.

Imama 20:7

Asalakono impokomemporio koroimiu ka igagi mempori, hangano Ongkuemo Ue, Ue Alamiu.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.