Yehesikieli 2:7 - Wunta Mempori

⁷ Pohaweomo pau-Ku ndi ondae, moiko domperorongeakono ke naahi, hangano ondae atuu mpe'ewa.

Yehesikieli 2:7 ပူးပေါင်းရင်းမြစ်များ

Peluarakoa 6:29

Ipotae i Musa ndi Ondae i Ue, ”Ongkue andio komba mia anu pande mpau, kana'umpe ta rumonge aku i Pirao?”

Yeremia 1:17

Sine omue, onggoomo tongamu, ka pompari-parimo pauako ira luwuno anu Kuparentaakomu. Si doitoako ira, ka si Kuweweuko doito i arodo!

Yeremia 1:7

Sine Ondae i Ue mepau ndi ongkue, ”Sii potae: Ongkue da mongura, sine maupo ndi sema kutenako, asalakono ka ulako, ka maupo hapa anu Kuparentaakomu, asalakono ka upohaweo

Yeremia 17:20

Pauako iramo: Rongeomo pau-Do i Ue, hei luwuno mokoledo to Yehuda, hei luwuno to Yehuda ka luwuno palilino Yerusale anu mentelaloio luwuno pewowa langkai andio!

Yeremia 23:28

Nabi anu mohawe mo'ipi, po'ineeomo itutuluo mo'ipi atuu, ka nabi anu mohawe pau-Ku, po'ineeomo ipohaweo pau-Ku atuu a menteeano! Hapa penggoeno olono seami ka gandu? Kanandiomo pau-Do i Ue.

Yeremia 26:2

Kanandiomo pau-Do i Ue, ”Pentademo a kintalano Raha-Do i Ue ka pauomo a mpalilino luwuno kotano Yehuda, anu mehawe ira mpenggolontu mpesomba a Raha-Do i Ue, luwuno pau anu Kupeparentaako ka upohaweo ndi ondae. Si kurangio maupo te'asa mpudu pau!

Yeremia 34:6

Nabi Yeremia mohaweo luwuno pau andio ndi Sedekia, mokoledo to Yehuda, i Yerusale,

Yeremia 36:14

Ka i'amba luwuno petewawa atuu mentenao i Yehudi anano i Netania anano i Selemia anano i Kusi lumako ndi Baruki mowawa pe'oliwi, ”Wawaomo paluluno anu umari ubasao i arodo mia hadio atuu ka aiwamo ramai!” I Baruki anano i Neria wawao mbo'u paluluno wunta atuu ka aiwa ndi ondae.

Yeremia 42:21

Sine, maupo kupauakomiu a oleo andio, nahi imperorongeakono pau-Do i Ue, Ue Alamiu, onaemo nahi mentondao luwuakoano anu Dopetenaako kupohaweo ndi omiu.

Yeremia 44:20

Motaeomo i Yeremia a luwuno palili atuu, a ntama ka beine saru luwuno mia anu mpompowee iramo sangkido ndi onae, kanandio,

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Yeremia 7:27

Maupo upohaweako ira luwuno pau andio, nahi ira mperorongeakomu, ka maupo upebooliako ira, nahi ira mesangkiko.

Yehesikieli 11:25

Ongkue mbo'u mohaweo a luwuno mia mentinadi atuu luwuakoano anu pinopokita-Do i Ue ndi ongkue.

Yehesikieli 12:2

”Hei anano mia, omue mo'ia i tonga-tongado suku mpe'ewa, anu hinao mata pongkita sine nahi pongkita ka hinao biri poronge sine nahi poronge, hangano ondae atuu suku mpe'ewa.

Yehesikieli 2:5

Moiko domperorongeakono ke naahi, hangano ondae atuu suku anu mpe'ewa, ira mento'orio nine asa nabi kongko i tonga-tongado.

Yehesikieli 20:27

Onaemo pu'uno, pepaumo a nsuku Isaraeli, hei anano mia, ka potaemo ndi ondae: Kanandiomo pau-Do Ue Ala: A laro mongkona andio mbo'u uempu'umiu mpepaukia-Kune saru nahi dompetenunu ndi Ongkue.

Yehesikieli 3:10

Umarino atuu Ondae mepau ndi ongkue, ”Hei anano mia, pekokoongakonomo ka rongeomo luwuno pau-Ku anu Aku mohaweo ndi omue.

Yehesikieli 3:17

”Hei anano mia, Kupakosikomo gagi anu dumagaio suku Isaraeli. Tewala omue moronge pau inso a nganga-Ku, pauako iramo ntu'u a nee-Ku.”

Yehesikieli 3:4

Ka Do'amba mepau ndi ongkue, ”Hei anano mia, lakomo, tepohaweako iramo suku Isaraeli ka pohaweomo luwuno pau-Ku ndi ondae.

Yehesikieli 33:7

Omue, anano mia, Aku pakosiko gagi puu mpodagaido suku Isaraeli. Tewala omue moronge asa pau inso a nganga-Ku, popoto'oriako ira hangano Ongkue.

Yehesikieli 40:4

Mia atuu mepau ndi ongkue, ”Hei anano mia, kitaomo saru pepenteeo ka perorongeakono ntu'u ka pekokoongakono temoiko luwuakoano anu Aku mopokitao ndi omue. Hangano, onaemo pu'uno omue winawa i ndi'ai, ka kupopokitao luwuno atuu ndi omue. Pauako iramo luwuno anu kinitamu a nsuku Isaraeli.”

Amosi 3:13

”Rongeomo, ka popoto'oriomo inuleno i Yako,” kanandiomo pau-Do Ue Ala, Ue Alano luwuakoano,

Yunu 3:2

”Pewangumo, lakomo i Niniwe, kota anu langkai atuu ka pohaweomo ndi onae pe'oliwi anu pinau-Ku ndi omue.”

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”