Yehesikieli 2:6 - Wunta Mempori

⁶ Sine omue, anano mia, siimo doitoako ira ke maupo luwuno paudo, maupo omue saru ewo rui ka omue mo'ia umpeda kasi-kasi molea. Siimo doito rumongeo luwuno paudo ka siimo lingkauakono rupado, hangano ondae atuu suku anu mpe'ewa.

Yehesikieli 2:6 ပူးပေါင်းရင်းမြစ်များ

2 Mokole 1:15

Mala'eka-Do i Ue mepau ndi Elia, ”Petiimo meronga saru onae, si doitoakono!” Ka i'amba i Elia mentade ka ipetii meronga saru onae me'aro ndi mokole.

Yesaya 51:12

Ongkue, Ongkuemo anu tumarero komiu. Omue andio isema ranta ka udoito a mia anu ta mate, a anano mia anu tinadi kana ewo?

Yesaya 51:7

Ronge Akumo, hei omiu anu mento'orio hapa anu mentee, hei tongku anu menaao pompaguru-Ku a laro aroamiu! Siimo doito a pontatano mia ka siimo makura aroa hangano pepaukido.

Yesaya 9:18

Hangano tekuda-Do Ueno luwuakoano, mo'aiomo wita atuu, ka tongku atuu gagi panino api; maupo te'asa mia nahi pehohawao pepaekompono.

Yeremia 1:17

Sine omue, onggoomo tongamu, ka pompari-parimo pauako ira luwuno anu Kuparentaakomu. Si doitoako ira, ka si Kuweweuko doito i arodo!

Yeremia 1:8

Sii doitoako ira, hangano Ongkue kumongkomiko ka motolako, kanandiomo pau-Do i Ue.”

Yeremia 18:18

Dompotae, ”Aiwamo tompotudao tinooto umewaio i Yeremia, hangano pompaguru nahi ta pingko inso a nsando mpesomba, patudu inso a mia pande monsongka, ka pau inso a nabi. Aiwa tomentunduhiakono pau ka si pinekokoongako sompo pinauno!”

Yeremia 6:28

Luwudo lano wela me'ewa, mpelempa ngkoraane-ngkoramai mpotetewehi mia susua; ondae kana mala ka labu. Luwudo mpelelu mosa'o!

Yehesikieli 24:3

Pauomo asa potundaano a nsuku anu umewa ka potaeako ira: Kanandiomo pau-Do Ue Ala: Naaomo kawali a wawo api, naaomo, ka uwuomo mbo'u uwoi i larono;

Yehesikieli 28:24

Nahi ta hina mbo'u a nsuku Isaraeli mia inso i olodo luwuno pehori rahano anu mokongkodei ira, gagi rui anu meduhu ke tolungo anu mompokomopoe. Ira mento'orio nine Ongkuemo Ue Ala.

Mika 3:8

Sine ongkue andio bukeako roso, saru Penaa-Do i Ue, saru moleoa ka moroso saru mosia, ka pauo ndi Yako salano ka ndi Isaraeli halano.

Mika 7:4

Mia anu lalu moiko i olodo kana ewo rui, anu lalu moleo i olodo kana wala rui. Haweomo oleono a luwuno puu mpopadasomu, oleo pohukuamu. Kanandio-andio ta gagi tewukaa i olodo!

I MATIU 10:28

Ka si medoitoako ira anu mokompopepate koroi, sine anu nahi pabawa mompepate sumanga; laluaopo imedoitoako Ira anu pabawa mompepate moiko sumanga maupo koroi a laro naraka.

I LUKASI 10:19

Menteeano Kupowee komiumo pabawa ka impolanda ule ka kasi-kasi molea ka pabawa ka imenangio rosono iwali, ranta nahina anu ta sumolangi komiu.

I LUKASI 11:12

Ke, tewala onae mo'ema su'ului manu, ta moweeakono kasi-kasi molea?

I LUKASI 12:4

Kupauakomiu, hei luwuno sambe'e-Ku, si medoitoako ira anu polio mompepate koroi ka umarino atuu nahi polio mbo'u moweweu hapa-hapa.

WINEWEUDO TINENA 4:13

Mansado mengkitao anu teriso atuu mosiado i Peturu ka i Yohane ka domento'orio, nine orua ira atuu mia anu komba hinao sikolado, mengkohali-hali iramo; ka domento'orio orua ira atuu anu tumonda Ira i Yesu.

WINEWEUDO TINENA 4:19

Sine dosangki ira i Peturu ka i Yohane, ”Moiko imempakosio omiumiu isuake anu mentee i aro-Do Ue Ala: metenunu ndi omiu ke metenunu ndi Ondae Ue Ala.

WINEWEUDO TINENA 4:29

Ka kanandio-andio, oo Ue, Ikitaomo kana'umpe dompokodoito kami ka Ipokomosia iramo tetenaa-Miu ka domempaleleo pau-Miu.

EPESU 6:19

saru mbo'u ongkue, nde tewala ku'ungkahio ngangaku, ka kupinoweeako pau anu mentee, ka kumosia paleleo rahasiano Lele Mawongkoa,

PILIPI 1:28

saru nahi impondendeakono maupo tedei anu umewai komiu. Ndi ondae luwuno atuu onaemo tondonino matea, sine ndi omiu petondoni tekaduduia, ka anu atuu haweno inso ndi Ondae Ue Ala.

2 TIMOTIU 1:7

Hangano penaa anu Doweeakita Ue Ala komba penaa doitoa, tendeano penaa anu mowangu roso, pompehohawa ka te'atora.

IBARANI 11:27

Hangano pompe'ala-ala ka ibintaomo Masiri saru nahi doitoakono tekudado mokole. Onae mekorahako mengkena kana ikitao hapa anu nahi tengkita.

1 PETURU 3:14

Sine maupo asalakono imemarasai mbo'u hangano menteea, komiu koa meme'ura. Onaemo pu'uno si medoitoakono hapa anu dinoitoakodo ka si pondidi-ndidi.

MENGKAAA 9:10

Ka ikido mengkena kana kasi-kasi molea ka hinao senguno, ka a laro ikido atuu hinao pabawado pompokomahakido mia, olima wula tehineno.