Yehesikieli 2:4 - Wunta Mempori

⁴ A inule anu me'ulu watu ka moteaomo aroa andio Kutenako. Omue asalakono pauo ndi ondae: Kanandiomo pau-Do Ue Ala.

Yehesikieli 2:4 ပူးပေါင်းရင်းမြစ်များ

1 Mokole 22:14

Sine sumangki i Mika, ”A nee-Do i Ue anu tuwu, menteeano maupo hapa anu pinau-Do i Ue ndi ongkue, onae anu aku pauako ira.”

2 Tawarika 30:8

Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

Po'unde-unde 95:8

Si mpokomonteao aroamiu kana i Meriba, kana tempono i Masa i pada one,

Powadi 21:29

Mia mosa'o gauno mokapa rupano, sine mia moleo umatorao pesalaano.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yeremia 1:7

Sine Ondae i Ue mepau ndi ongkue, ”Sii potae: Ongkue da mongura, sine maupo ndi sema kutenako, asalakono ka ulako, ka maupo hapa anu Kuparentaakomu, asalakono ka upohaweo

Yeremia 3:3

Onaemo pu'uno pesiwuino usa te'onto ka usa a tampulaano tempo nahi hawe. Ra'imu ra'ino beine belesu, nahi uponto'ori mokoko'ii.

Yeremia 36:21

Mokole tumenao i Yehudi umalao wunta pinalulu atuu. I Yehudi umalao inso a bolongkono i Elisama, puu mpoburi a poparentaa ka i'amba basao i arodo mokole ka luwuno mia pinemota'u anu mpentade umpeda mokole.

Yeremia 5:3

Oo Ue, nahi te'aro a menteeake mata-Miu? Itunduhi ira, sine nahi dompompemahaki; Ihuku ira, sine nahi domebehe mpontarima pongkuahako. Dompokomoteao uludo laluaopo sekono watu, ka nahi domebehe ntepidi.

Yeremia 6:15

Bakanaano ondae memokoko'ii, hangano ondae mpoweweu hapa anu mokoburu. Sine maupo tedei nahina mokoko'iido ka nahi domponto'ori mokoko'ii. Onaemo pu'uno ira ntebangku i olodo mia anu ntebangku; ira ntebangkuako tetidu i tempono Kuhuku ira, pau-Do i Ue.”

Yeremia 8:12

Bakanaano ondae memongkoko'ii, hangano ondae mpoweweu hapa anu mokoburu; Sine ondae nahi domemokoko'ii ntu'u. Onaemo pu'uno ira ntebangku i olodo mia anu ntebangku, ira ntetidu tebangku i tempono domehinuku, pau-Do i Ue.

Yehesikieli 3:11

Lakomo ka tepohaweako iramo mia pe'asa tongkumu a pontadia. Pepaumo ndi ondae ka potaemo: Kanandiomo pau-Do Ue Ala: ke domerongeo ke naahi.”

Yehesikieli 3:27

Sine, tempono Kupepauakomu, Aku umungkahio ngangamu ka kopauako ira: Kanandiomo pau-Do Ue Ala. Mia anu behe moronge, po'ineeomo irongeo; ka mia anu nahi behe moronge, po'ineeomo nahi rongeo, hangano ondae atuu suku anu mpe'ewa.”

Yehesikieli 3:4

Ka Do'amba mepau ndi ongkue, ”Hei anano mia, lakomo, tepohaweako iramo suku Isaraeli ka pohaweomo luwuno pau-Ku ndi ondae.

Yehesikieli 3:7

Sine, suku Isaraeli nahi dobehe mperorongeakomu, hangano nahi domebehe mpomperorongea-Kune, hangano luwuno suku Isaraeli memotea ulu ka motea aroa.

Amosi 7:15

Sine Ondae i Ue umala aku inso a mpopakambia asa bawaa bembe bimba, ka Ondae i Ue mepau ndi ongkue: Lakomo, pompaumo anu ta gagi a bawaa-Ku Isaraeli.

Sakaria 7:12

Domeweweuo aroado motea kana watu labu, kasi domporonge pompaguru ka pau anu pinohawe-Do Ueno luwuakoano molalo Penaa-Do telalo a luwuno nabi anu i ndi'ipua. Onaemo pu'uno haweomo tekuda anu mongkokongiri inso ndi Ondae i Ue.

I MATIU 10:16

”Kitao, Kutena komiu kana bimba i tonga-tongano serigala, onaemo pu'uno ka imempade mpe'aka kana ule ka imemauru kana marapatii.

Winali 10:16

Onaemo pu'uno imebaliomo aroamiu ka siimo mbo'u impe'ulu watu.

Winali 31:27

Hangano kuto'orio motea aroamu ka mpe'ulu watumu. Sekonopo kanandio-andio, da tuwu aku saru omiu, memotea aroa komiumo ndi Ondae i Ue, tamoako te'ingka tewala mate akumo!