Yehesikieli 18:9 - Wunta Mempori

⁹ tuwu montonda pompakosi-Ku ka kongko tumondao atora-Ku ka metenunu, onaemo mia mentee, ka onae manasa tuwu, kanandiomo pau-Do Ue Ala.

Yehesikieli 18:9 ပူးပေါင်းရင်းမြစ်များ

1 Mokole 9:4

Omue mbo'u, tewala tuwuko i aro-Ku mengkena kana i Daudi, amamu, saru a moleono aroamu, tuwu moleo, ka moweweu menunu saru luwuno anu Kuparentaakomu, ka tewala upekariao luwuno pompakosi ka atora-Ku,

Powadi 12:28

A nsala menteea hinao tuwua, sine a nsalano anu humapuo pompe'ala-alano me'aro a matea.

Yehesikieli 11:12

Komiu mento'orio nine Ongkuemo Ue. Hangano, omiu nahi mentuwu montonda luwuno pompakosi-Ku ka atora-Ku nahi meweweuo, tendeano omue weweuo luwuno atorado tongku pehori-horimiu.”

Yehesikieli 18:10

Sine, tewala onae hinao asa mia anano gagi puu mporontu, ka anu ineheno mo'uwu rea ke moweweu asa inso a orua rupa atuu,

Yehesikieli 18:17

moko'olaio koroino inso a molengkua, nahi po'ala bungano doi ke tiangino, weweuo atora-Ku ka tuwu montonda pompakosi-Ku, ka mia anu kanandio nahi ta mate hangano salano amano, onae manasa tuwu.

Yehesikieli 18:19

Sine omiu mpotae: Tembio ana nahi petonda tumembio salano amano? Hangano ana atuu moweweu moleoa ka menteea, metenunu weweuo luwuno pompakosi-Ku, ka ana atuu manasa tuwu.

Yehesikieli 20:11

Kuweeako ira luwuno pompakosi-Ku ka pauako ira luwuno atora-Ku, hangano mia anu weweuo, ta tuwu.

Yehesikieli 20:13

Sine, suku Isaraeli me'ewa ndi Ongkue i pada one. Nahi domentuwu montonda luwuno pompakosi-Ku ka nahi domentarimao luwuno atora-Ku, kahinaano mia anu weweuo ta tuwu. Ondae mbo'u tedoa mengkokoburutio luwuno oleo Saba-Ku. Ka Kupontoo umuwuo tekuda-Ku ndi ondae i pada one ka mepate ira.

Yehesikieli 33:15

mia mosa'o gauno atuu mokuleo ginadeno mia, umowahio euno rinontuno, tumondao luwuno atora anu mompowee tuwua ranta nahi poweweu molengku mbo'u, onae manasa tuwu, nahi ta mate.

Yehesikieli 36:27

Penaa-Ku Aku numaao i laro aroamiu ka Aku weweu komiu mentuwu montonda luwuno pompakosi-Ku ka mpe'ini mpiha a luwuno atora-Ku saru meweweuo.

Yehesikieli 37:24

Tetenaa-Ku i Daudi ta gagi mokoledo, ka luwudo ta hinao asa puu mpopakambi. Ira mentuwu montonda luwuno atora-Ku ka mpetenunu meweweuo luwuno pompakosi-Ku.

Imama 18:5

Mentee ntu'u omiu asalakono mpe'ini a pompakosi-Ku ka atora-Ku. Mia anu weweuo ta tuwu hangano onae. Ongkuemo Ue.

Amosi 5:14

Ungkeomo anu moiko ka osi'i anu mosa'o, ka imentuwu. Bakanandio Ondae i Ue, Ue Alano luwuakoano, Ira kumongkomi komiu, kana anu pinaumiu.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Amosi 5:4

Menteeano kanandiomo pau-Do i Ue a tongku Isaraeli, ”Ime'ungke Aku, ka komiu mentuwu!

Habaku 2:4

Menteeano, mia anu mompelang-langkai nahi moleo aroano, sine mia anu mentee ta tuwu hangano pompe'ala-ala.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

I YOHANE 14:21

Ba isema uminio parenta-Ku ka iweweuo, onaemo anu kumekewoi Aku. Ka ba isema mehohawa Aku, Ira mehohawao Ama-Ku ka Ongkue mbo'u Aku mehohawao ka Aku mepokomengkaa ndi onae.”

WINEWEUDO TINENA 24:16

Onaemo pu'uno ka kuwela umungkeakono tuwu a aroa anu molino i aro-Do Ue Ala ka mia.

ROMA 1:17

Hangano i larono mengkaa mentee-Do Ue Ala, anu mepu'u inso a pompe'ala-ala ka metewawa a pompe'ala-ala, kana hinao teburi, ”Mia mentee ta tuwuako pompe'ala-ala.”

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

Winali 11:1

Asalakono impehohawa Ira i Ue, Ue Alamiu, ka imeweweuo anu lano ta wineweumiu ndi Ondae saru mpe'ini mpiha a luwuno pompakosi, atora ka parenta-Do.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Winali 6:25

Kita megagi mentee, tewala mpetenunu kita meweweuo luwuno parenta atuu i aro-Do i Ue, Ue Alato, kana anu Doparentaa kita.”

1 YOHANE 2:29

Tewala imento'orio, nine mentee Ira, asalakono ka imento'orio koa mbo'u, nine sompo mia, anu moweweu menteea, inso ndi Ondae ipine'anaako.

1 YOHANE 3:7

Anaku luwu-luwu, si mpo'ineeo maupo te'asa mia mopo'oo komiu. Ba isema anu moweweu mentee onae mentee, mengkena kana Ondae i Kerisituu mentee Ira;